NINITAK 19:20 - Susula Malalaok Hehelu Palak Ma Hehelu Beuk

²⁰ Boema ala ho'u la bana ndia no nabi pepekok fo manatao mada'di beuk manai bana ndia mata na. (No manda'di beuk sila la, de bana ndia ke'dindiu na hataholi manamanuu bana ndia ta'du tana na, ma hataholi fo manasene-do'ok neu bana ndia lupa ao nana doki-dula na.) Boema ala tapa bana ndia ma nabi pepekok sila la no maso'dak leo tasi ha'ik fo manapila lo'a-lo'a ka dalek neu.

NINITAK 19:20 Σταυροειδείς Αναφορές

KEJADIAN 19:24

No kaiboik, Manetualain nakona u'da belerang manapila lo'a-lo'ak-ka leo Sodom ma Gomora neu.

AYUB 18:15

Besak ia, su'di see-a, bole leo nai lalaa teman dale, fo ana nggali belerang, fo manatao namopo he'dis-sa.

MAZMUR 11:6

Ana huku hataholi mangalauk-ka, nenik susa-soe, nenik ha'i, nenik belerang ma anin fo, manatao naputuk-ka.

YESAYA 30:33

Ana sadia basa mamanak soaneu hotu mane Asyur-ra, neme makahulun eli mai so. Mamanak ndia, madema ma maloa, ma henuk no ai ha'i. Neukose Manetualain tao napila ha'i-a, nenik Ana fuu ani hahaen-na neu, sama leo lee belerang-nga.

YESAYA 34:9

Edom leen-nala, neukose lasafali da'di ter, ma daen-na da'di belerang. Mate'en-na, nusak-ka lala'en-na, ana pila sama leo ter-ra.

YESKIAL 24:5

Pake bi'ilopo maao paan-na, boema boso pake bi'ilopo lasik paan-na. Tu'tuk ai ha'i ba'uk-ka neu, fo paa nakadoto pesi-pesi. Nasu paa ndia no duin-nala.”

YESKIAL 38:22

Neukose, Au hukun nenik he'di-laus, ma nado'do-napauk-ka. Neukose Au fe u'daina, ma u'da eis, ha'i ma belerang-nga tu'da la'en no solda'dun-nala, ma la'e leoina makadotok fo, manalook-kana.

DANIAL 11:45

Nakalenak, neukose napadedeik lalaa temak paletan-na nai tasi ma letek-ka tala'da; letek fo Manetualain Uma mamanan-na. Tehu basa boema, neukose maten, de ta hapu hataholi esa boen tulu-fali fan.”

DANIAL 8:24

Neukose balakain-na seli, tehu ta hu kande be'i-balakai mesan-na fa. Neukose neni momopo-mamatek fo bibii namata'uk matuaina, ma hata fo ana tao-no'in, neukose neni buna-boak. Neukose ana tao namopo-namate hataholi mabe'i-balakai lea-la, ma Manetualain anan-nala.

DANIAL 8:26

Ninitak la'eneu tutunu-hohotu le'donosok ma fafaik fo nananafa'da mangalele'do basak neu o ndia, tete'ek-ka neukose ana da'di. Tehu basa sila-la, neukose ala da'di nai fai manamaik-ka fo bei dook-ka; da'di boso tui hataholi esa boen.”

MATEOS 7:15

“Masanene'dak neu nabi pepeko kala, te lasale mai soona sama leo bi'ilopo a, te see ko na dale nala sama leo busa fui makaa mangalau ka.

ULANGAN 29:23

Neukose belerang-nga ma masik-ka, ala potiketu emi tina-osim, fo ta bisa sele-nggali bini-ngges neu fa, ma na'u-aiana ta moli nai ndia so'on. Neukose emi nusam-ma, nalupa leo Sodom ma Gomora, Adma ma Zeboim, fo Manetualain tao namopos, nai lelek nasa-melun lua ponu-ponu.

YOSUA 8:23

ela ka'da kota Ai manen-na. Ala ho'u-lan, de loon neu nataa Yosua.

NINITAK 14:10

hataholi ndia neukose ninu Manetualain ango la, fo nde angol nasa melun, fo nanadi'a basak leo nggalan dale no ta kulang faa anak boen! Basa hataholi sila la neukose ala doidoso nai ha'ipilak ma belerang manai ata nusa so'da malalao kala ma Bi'ilopo Ana ndia matan.

NINITAK 17:12

Susula kasanahuluk fo o mitak ndia nde manek sanahulu, fo ala beita paleta fa. Tehu neukose ala fes koasa fo ala paleta da'dileo mane ka, sama-sama lo bana ndia dodoo na li'u esa.

NINITAK 19:19

Basa boema, au ita bana ndia ma mane-mane daebafa kala lo solda'du nala, lakabubua fo latee-latati lo Ndia fo manasa'e ndala fula ka, no solda'du nala.

NINITAK 20:10

Basa boema Nitu fo manake'dindiu nalas ndia, ala tapan leo tasi ha'ik ma belerang dale neu. Bana ndia no nabi pepekok sila la ala tapa lakahulu kasa leo mamanak ndia neu. Neukose ala tao lalas doidoso lele'do le'odaen losa dodoo na.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

NINITAK 22:15

Tehu hataholi fo manatao dede'a manggenggeo kala, manapake malela makahatu kala, hataholi manatao tatao-nono'i sosoa-piao kala, hataholi kanisa kala, manasongo-tango kala, ma hataholi masapepeko-masandandalik, nau ninik dede'a-kokolak, do ninik tatao-nono'ik boe, basa hataholi sila la mamana nala nai kota ndia deak.

NINITAK 9:17

Ma nai ninitak dale, au ita ndala sila la lo manasa'e nala. Manasa'e nala pake ba'du besi pilas sama leo ha'i a, momo'dok sama leo batu nilam, ma kunik sama leo belerang. Ndala sila la langa nala sama leo singa langa na, ma bafa nala kalua ha'i, ha'imasuk, ma belerang.