NEHEMIA 9:37 - Susula Malalaok Hehelu Palak Ma Hehelu Beuk

³⁷ Basa dae ia oe-isin lala'en-na muse fen leo mane-mane nusak-ka neu. O so'u basa manakoasa sila-la soaneu O anam-mala, da'dileo huhukuk soaneu ami sala-singom neu O-a. Ala paleta tunga dale hihii-nanau mesan-na neu ami ma ami bana-manum. Hu ndia de, besak ia ami doi-doso, henuk no toto'a-tataak ma dale he'di!”

NEHEMIA 9:37 Σταυροειδείς Αναφορές

EZRA 4:13

Metema lafofo'a falik kota ndia, fo lapadedeik basa papala nanadaman-nala soona, laun-na ta nau bae bea so'on, de neukose nusak-ka hahapun-na kulang so.

EZRA 6:8

Sama-sama no susulak ia, au paleta tolanook-kala, fo tulu-falis nai uma ndia tataon-na dalek, no enon-na leo iak: Basa tali-doik fo paluun soaneu uma ndia tataon-na muse ho'in neme nusaina, bea manai propensi Efrat Muli, boema boso makamama'ak bae hataholi sila-la.

EZRA 7:24

Emi basam-mala, ta bole susu bea neme imam-mala, hataholi Lewi-la, manamakameek-kala, manamanea lelesuina-la, do su'di see fo Manetualain Uman-na hataholin.

NEHEMIA 5:8

de au afa'da ae, “No ita be'i-balakain lala'en-na, ita soi-tefa ita tolanoon hataholi Yahudi-la, fo no nakasetik lase'o heni so'dan-nala neu leoina nusa fe'ek-kala. Tehu besak ia, emi ia makaseti seluk-kasa fo lase'o so'dan-nala neu emi, te se'kona emi boeo hataholi Yahudi boe!” Basa mauli-malangan sila-la, ta hapu lataa dede'ak de'ek esa boen.

RATAPAN 5:5

Lakaseti ami maue-male'di belak sama leo bana-manu, ami sota-mangu, tehu ala ta fe fai hahaeaok fa.

IMAMAT 26:17

Neukose, Au huku emi, nalosa emi musu-mala sengi emi, ma hataholi fo ta lahiik loo emi fa, ana koasa emi. Neukose, emi bii-mamata'u manseli, nalosa leomae hataholi ta usi emi fa te, emi malai.

YOHANIS 8:33

Tehu lafa'da Yesus lae, “Ami ia, Abraham tititi-nonosin. Beita la'iesa fo ami da'di ata neu hataholi esa boen! Te O dudu'a tao leo beek, de O mafa'da mae, ‘Neukose emi nanase'i po'ik’?”

ULANGAN 28:33

Leoina fe'ek esa, neukose ana ho'in-na basa emi dae-oem-ma buna-boan, fo emi hapun neme emi sosota-mamangum mai, fo emi ta hapu hata esa boen, te emi hapuk-ka nde, tuni-ndenik ma heheta-aa'ik nakandondoo henin.

ULANGAN 28:39

Neukose emi sele emi osi angol-ma fo emi mete-makanaen, tehu emi ta ketu-seu angol-la boan-na, ma emi minu angol-la oen-na fa, nanahu ulek-kala, la'aheni ai angol sila-la.

ULANGAN 28:48

Hu ndia de, emi muse da'di ata neu musu-musu fo, Manetualain nadenus ala mai fo, ala la'ban emi. Neukose, emi mamala'a-mamandoe, maama'da, ma makahola-la boema to'a-taa nai basa hata-hata lala'en-na dalek.

ULANGAN 28:51

Neukose la'aheni emi bana-manum, ma emi dae-oem buna-boan, ma ala ho'ileni la'iesak emi gandum, angol, mina setun, do emi sapim ma emi bi'ihii bi'ilopom-mala, losa emi mate mo la'as-sa.