NEHEMIA 9:30 - Susula Malalaok Hehelu Palak Ma Hehelu Beuk

³⁰ Teuk nggati teuk, O ta haelai mamanasa soaneu fes nasanene'dak; O Duladalem-ma nafa'das tunga basa nabi-la. Tehu O anam sila-la ko'o ketu di'idoon-nala, boema O fes leo basa leoina manai nusak lala'en-na neu.

NEHEMIA 9:30 Σταυροειδείς Αναφορές

2RAJA-RAJA 18:11

Basa boema, manek Asyur-ra, foo hataholi Israel-la, da'di leo hataholi nanafook leo Asyur neu; ana hataholi Israel-la seli, leo nai kota Halah, ma seli leo deka no Lee Habor-ra, nai nusak Gozan-na, ma seli seluk, leo lai kota-kota manai nusa Madai-a.

2RAJA-RAJA 21:10

Hu ndia de, Manetualain kokolak tunga basa nabi-nabi, fo atan-nala nae,

2TAWARIKH 24:19

Manetualain nadenu nabi-la fo leu ka'is, fo ela lamahele falik neu Manetualain, tehu laun-na ta nau lamanene fa.

EZRA 9:10

Tehu besak ia, ou Manetualain, basa manada'dik ia soona, ami bisa mafa'da mae le'e? Ami ta tao tunga O paletam

NEHEMIA 9:20

O manolis menik O koasa malolem-ma La'a manna ma linu oe losa su'di bebe'ik-ka.

NEHEMIA 9:26

Tehu O anam-mala lalenalanga-lasa'basoo, ma ala ta tunga O fa, ala ta taoafik neu O hoholo-lalanem ma O nakanenetem-ma fa, ala taolisa nabi-nabi fo manafes nasanene'dak-ka, ma manamadenu fo ala fali ma'is leo O mai, fo sila Manetualain-na. Ou Manetualain, nai lelek lakamumulu-lakamamaek O,

NEHEMIA 9:29

O fes nasanene'dak, fo ela ala tunga O nanolim-ma, Tehu no koao-ndaeaok, ala ta sipok O hoholo-lalanem fa. Te se'kona, metema ala tao tunga O hoholo-lalanem soona, tao leo bee-o, neukose so'dan-nala da'di malole. Sila langa batuk ma dale matea, ta nau lamanene, ta nau tunga fa.

MAZMUR 86:15

Tehu O, ou Amak, Manetualain fo manasue-manalai, ta haelai namanasa, henuk no susue-lalaik, ma manalilinekak.

MAZMUR 95:10

Au pela-maluas, teuk haahulu dalen-na, Au afa'da ae, Tete'ek-ka, leoina ndia, ta lilineka fa! Ala ta taoafik neu Au paletang-ngala fa.

YESAYA 28:10

Nana muse ia, muse ndia, muse leoiak, muse leondiak, popo-tama ia, popo-tama ndia.”

YESAYA 42:24

See kande nadenu, fo kalo Israel? Ade, ta nde Manetualain fa hetu? Ita tasala-tasingo neu Ndia, ita ta taso'da tunga paletan-na fa, ma ta tunga nanolin-na fa.

YESAYA 48:9

Au akatatakak Au nasa-melung, fo ela Au na'deng-nga nanakoa-kiok. Au akatatakak-kana, ba'eneu o, fo ela, o ta nanatao namate-namopok fa.

YESAYA 63:10

Tehu ala lena-la'ban, de ala tao lakahehe'dik, Manetualain dalen-na. Boema, Ana nasafali da'di sila musun, de Ndia mesak-kana, natee-natati la'ban-nasa.

YEREMIA 25:4

Manetualain boeo nadenu tataas esa neu basa nabim-mala fo atan-nala lo emi-a neu, tehu emi ta nau mamanene ma tao afik neu fas.

YEREMIA 44:22

Manetualainta nakatataak so'on Ana mete emi tunu-hotu tutunu-hohotukneu lamatua daebafak fe'ek-kala. Emi tatao-nono'im ndia mangalauk-ka ma sosoa-ndandaan ta. Emi masala-masingo basa neu Manetualain so, ma ta nau tunga neu paletan-nala fa. Hundia de besak ia emi nusa namom nakalulutuk so, de nalosa tapu leon fa, ma na'den-na nanapakek da'di leo soo-supak. Hataholi fo litan lame'da langgenggengo ao.”

YEREMIA 44:4

Au haitua Au atang-ngala, basa nabi-la neu emi tatas esa, fo ala kena-ka'is boso tao-no'i mangalauk fo Au akamu-akadauk ndia.

YEREMIA 44:5

Tehu emi ta nau namanene fas, ma ta nau tao afik neu fas. Emi ta nau hahae tao mangalauk fa, fo nde fe tutunu-hohotuk neu lamatuak daebafak-kala.

YEREMIA 7:25

Mulai neme emi bei-ba'i kaim-mala, kalua leme Masir mai, losa faik ia, Au adenu Au atang-ngala, basa nabi-la le'i leo emi leu tataas esa.

RATAPAN 2:17

Manetualain nakalala'ok basa Ana fe nasanene'dak fo makahulun-na Ana tutu'un ma Ana fe nasanene'dak neu ita so. Ana tao nakalulutuk ita ta no dale kasian fa, Ana fe musu-a sesengik. Ana tao-nalas lamahoko-setelee, lita ita tutu'dan-na.

DANIAL 9:6

Ami ta mamanene O atam fo nde nabi sila-la fa, ala kokolak basa nenik O na'dem-ma neu ami manem-mala, basa mauli-malangan-nala, basa ami bei-ba'i kaim-mala ma neu ami laoinam lala'en-na.

ZAKHARIA 7:12

Latea dalen-nala, nalosa natea sama leo batu-a. Au amanasa anseli, nanahu ala ta nau tunga nanolik fo Au fen tunga nabi makahuluk-kala fa.

ZAKHARIA 7:13

Au ta ataa huhule-haladoin-nala fa, nanahu sila boeo ta lamanene Au, nai lelek Au kokolak fa.

BILANGAN 11:26

Nai mauli-malangan ka hituhuluk sila-la dalek, hapu sila dua fo nde, Eldad ma Medad, lahele nai lalaa ofu dale, de ta leu sama-sama loo fe'ek-kala leo Manetualain Lalaa Teman-na leu fa. Duladalek-ka kona neu hataholi ka duak sila-la lain neme lalaa ofu ndia dalek, de duas boeo laloo beebou sama leo nabi-a.

HATAHOLI 13:18

Ana ta haelai namanasa ha'da-tatao nala, nai lelek fo leme mo maloa teuk hahulu dale na.

HATAHOLI 28:25

Ala fali le'us no esa-esak hahapun, nana nai lelek Paulus nafa'das nae, “Memak la'en la'iesa kana, hata fo Manetualain Dula Dale na nafa'dan neu ita bei ba'ikai nala tunga Nabi Yesaya!

HATAHOLI 7:51

Tolanoo kala langa batu manseli, ma tea na seli soaneu emi tunga Manetualain! Emi di'idoo mala pake nanseli neu Manetualain dede'a-kokolan! Emi mo emi bei ba'ikai mala matak esa! Emi la'ban Manetualain Dula Dale na tataas esa!

ROMA 2:4

Do emi ka'da makadadaek Manetualain dale malole na ma nggange loa na boema dudu'a manalu matuaina na ta nde ndia fa do? Tao leo beeo emi bubuluk basa, Manetualain natu'du susue-lalain nana Ana nau fo ela emi tukatei-saledale meme emi sala-singo mala mai.

1 PETRUS 1:11

Nabi sila la, ala palisak matalolole tao leo beek, ma faihi'da fo dede'ak sila la ala da'di, fo tetee-tutu'dan nde, Kristus Dula Dalen manai sila dalen dale a. Nai lelek ndia Kristus Dula Dale na nafa'da elas, la'eneu doidosok fo Kristus muse la'oladin, ma la'eneu basa doidosok sila la seli soona, besa ka nananamatutua-namadedemak.

2 PETRUS 1:21

Nana beita la'iesa fo Manetualain hala hehelu na, nanatui-bengak tunga ka'da hataholi daebafa ka hihii-nanaun fa. Te hu ka nde, Manetualain Dula Dale na koasa na basa nabi la, de besa ka ala tui-benga hala heheluk fo maneme Manetualai na mai.

2 PETRUS 3:9

Amak Manetualain ta nakamama'ak fe hata fo Ana helu basa ka fa, leomae hataholi nggelok laedaenga leondiak. Dede'a nasafali na, Ana ta hae lai namanasa emi fa nana, Ana ta nau mate-mopo emi esa boen. Ana nau fo ela basa hataholi lala'ena, ala tuka tei-sale dale bee no'u leme sala-singo nala mai.