NEHEMIA 5:19 - Susula Malalaok Hehelu Palak Ma Hehelu Beuk

¹⁹ Au dokodoe ou Manetualain, mafandele hata fo au tao basan soaneu leoina ia, ma ba'e-pala au leona.

NEHEMIA 5:19 Σταυροειδείς Αναφορές

KEJADIAN 40:14

Tehu mafandele neu au, metema o so'da ma malole. Sue na manduku-malosak au dede'ang ia ne manek-ka, fo ela au nanapo'ik neme bui ia mai.

2RAJA-RAJA 20:3

“Manetualain, mafandendelek te, au ia aso'da nai O matam, no lilinekak ma dale ndoos. Au sanga enok tataas esa, fo tunga O hihii-nanaun.” Boema, Hizkia kii no dale he'dik.

NEHEMIA 13:14

Ou au Manetualaing-nga, mafandendelek basa hata lala'en fo au taon soaneu O Umam-ma no malalau-maoonon.

NEHEMIA 13:22

Boema au adenu hataholi Lewi-la tao feta tao balisi aok-ka, ma lanea lelesuina-la fo ela hataholi-la fe ha'da-holomata neu fai Sabat-ta. Au hule-haladoi ae, “Ou Manetualain, mafandele neu au, nanahu dede'ak ndia boe, ma sue-lai au, nandaa no O susue-lalai matuainam-ma.”

NEHEMIA 13:31

Boeo au atol, fo ela nai fai kikisak-kala, ala hapu sadia ai ha'i soaneu tunu-hotu tutunu-hohotuk fo bisa nanasadiak, ma laun-na hapu neni boa-boa neme dae isi-mina makasososan-na mai. Mate'en-na au hule-haladoi ae, “Au Manetualaing-ngo nei, mafandele basa ia-la, ma ba'e-pala au leona.”

MAZMUR 106:4

Mafandele au leona, ou Manetualain, no O dale malolem-ma, ba'eneu O anam-mala, Metema O soi-tefa-mala soona, mafandele au boe.

MAZMUR 40:17

Ela leo been-na, hataholi manasene-do'ok neu O-a, lamahoko ma setelee, ma hataholi manasue-lai so'da-molek neme O mai-a, lafa'da lakandoo lae, “Tete'ek-ka, Manetualain matua-madema!”

YEREMIA 29:11

Nana Au ia bubuluk Au dudu'a beek-ka ba'eneu emi? Dudu'a-dudu'ak sila-la ta soaneu tao amopo-amate emi fa, te soaneu emi tetu-temam, ma soaneu fe emi so'da fai manamaim-ma henuk no namahehenak-ka.

MATEOS 10:42

Ba'eneu see fo ana fe hataholi matasi'da-matasaik fo Au ana mana tungang esa ninu, leomae ka'da oe makasufuk boe, soona mamahele leona te, neukose tao leo bee o, ana sipo ngga'di na!”

MARKUS 9:41

Mafandendelek te! Hataholi fo ana fe emi minu, hu ka nde Mane Mana Fe So'da ka ana mana tungan emi soona, tao leo bee o ana sipo ngga'di na.”