NEHEMIA 13:28 - Susula Malalaok Hehelu Palak Ma Hehelu Beuk

²⁸ Yoyada nde been-na Imam Matuaina Elyasib-pa anan, tehu Yoyada ana esa da'di manafeuk neme Sanbalat neme kota Bet-Horon-na mai. Hu ndia de, au usi heni Yoyada neme Yerusalem mai.

NEHEMIA 13:28 Σταυροειδείς Αναφορές

EZRA 10:8

Ba'eneu see, fo nai faik telu dalen-na, ana ta mai fa soona, neukose ala sita-la basa hata-heton lala'en-na, ma ala ta sipok-kana da'di laun so'on. Mauli-malanga laun-nala, limalee paleta ndia.

NEHEMIA 12:10

Imam Matuaina Yesua, tititi-nonosin nde ia: Yesua, Yoyakim, Elyasib, Yoyada.

NEHEMIA 12:22

Susula na'dek la'eneu hataholi Lewi-la malanga uma loon-nala, ma imam-mala teidalen-na, nanasula basak nai basa Imam Matuaina-la tepo-lelen-na nde ia: Elyasib, Yoyada, Yohanan ma Yadua. Susula na'dek ndia nanasula basak ndek lelek Darius paleta da'dileo mane Persia.

NEHEMIA 13:25

Au fes nasanene'dak ma au soo-supas. Au fepa-li'u nggelok ma au sisii-lulu'i langadoon-nala. Basa boema, au adenus ala soo lenik Manetualain na'den-na lae sila ma sila anan-nala, neukose ta saoana sese'do-babalik so'on.

NEHEMIA 2:10

Tehu lelek Sanbalat, fo hataholi Bet-Heron ndia, ma Tobia, fo manapaleta esa neme Amon mai, namanene lae au mai soaneu leoina Israel-la paluun-na boema lasasale dale lanseli.

NEHEMIA 2:19

Lelek Sanbalat, Tobia, ma Gesyem, fo hataholi Arab ndia, bubuluk ami dale tutu'um ndia boema, ala hika ma hakinonoli ami. Lafa'da lae, “Emi sanga tao beek? Ade emi sanga la'ban manek-ka paletan-na do?”

NEHEMIA 3:1

Ia nde been-na hala nafafa'dak la'eneu tao leo bek de Yerusalem papala nanadaman-na nanatao nahiik. Imam Matua Elyasib-pa no nonoon-nala lafofo'a falik Lelesuina Bi'ilopo-a ma ala pasak lelesu-la doon-na, de ala fe hehelin ba'eneu Manetualain. Ala tao lahiin de ala fe hehelik papala nanadamak-ka losa Uma Puni Madema Natun Esa ma losa leo Uma Puni Madema Hananeel-la neu.

NEHEMIA 4:1

Lelek Sanbalat namanene lae ami fo hataholi Yahudi-la tao mahii kota papala nanadaman-na boema, namanasa nanseli ma ana mulai hakinonoli ami.

MAZMUR 101:8

Neme faik leo faik neu, neukose au tao amopo-amate, hataholi manatao tatao-nono'i mangalauk-kala, nai nusak ia. Basa hataholi manatao tatao-nono'i manalauk-kala, neukose au tao amopo-amates leme Manetualain kotan-na mai.

AMSAL 20:26

Manek fo manatee-tenok-ka, ana bubuluk, see kande hataholi mangalauk-ka; neukose ana hukus, ta pake do'o do ampon fa.

AMSAL 20:8

Metema, manek-ka nangatuuk nai kandela manakee-manafula lain soona, nita basa tatao-nono'i mangalauk lala'en-na.