NEHEMIA 13:26 - Susula Malalaok Hehelu Palak Ma Hehelu Beuk

²⁶ Au afa'da ae, “Ade Mane Salomo boeo, ta tao sala-singok ia-la do ta? Ta hapu manek nai daebafak ia, matua ba'u lena fan. Manetualain sue-lain, ma Ana taon da'di manek neu basa Israel-lala'en-na. Leomae leondiak boe, ina nusa dea-la fufu'di-oo'dok-lan fo tao sala-singok.

NEHEMIA 13:26 Σταυροειδείς Αναφορές

1RAJA-RAJA 21:25

Beita hapu hataholi fo nakikisak dalen-na ana tao nita tatao-nono'i mangalauk nai Manetualain mata memeten-na, sama leo hata fo Ahab tao-no'i nana fa. Ana tao basa tatao-nono'i mangalauk sila-la no saoinan Izebel fufu'di-oo'don-na.

1RAJA-RAJA 3:12

de o nonokem ndia, neukose Au tao atetun. Neukose Au tao a o da'di manatee-tenok ma manatee-tenok lena neme su'di see mai boe, nau nai fai maneu kala do nai fai manamaik-kala.

1RAJA-RAJA 3:13

Lena-lenak hata fo o ta moke fan boeo, neukose Au fen neu o: nai o fai maso'da ma dalek, neukose o mamasu'i ma nanafe ha'da-holomatak lena heni mane fe'ek see boe.

1RAJA-RAJA 4:1

Salomo da'di manek neu basa nusa Israel-la lala'en-na.

2TAWARIKH 1:12

Hu ndia de, neukose Au fe o manatee tenok ma malelak. Fe'ek neme ndia mai, neukose Au tao o da'di manatetutemak lena, kamasu'i-makabetek lena nananita-nalelak lena neme su'di manek bee mai boe, nau tepo-lelek maneuk-ka do nai tepo-lelek manamaik-ka.”

2TAWARIKH 9:22

Manek Salomo-a su'i-beten lena ma manatee tenon-na lena neme su'di manek bee mai boen nai daebafak-ka.

AMSAL 31:3

Boso didilo-dodolo o balakaim-ma, do nggenggela-ngganggali o be'i-balakaim neu inak. Nana mopo-mate manek ba'uk-ka, hu kande inak-ka.

PENGKHOTBAH 7:26

Au hapun nae inak-ka makahe'duk lena neme mamates-sa mai. Inak-ka susue tou-ta'en-na, sama leo dala ma hihiik fo naheheleaon ho'u musun-na. Lima hoholun-na sama leo lange fo ana henge nahelen. Tehu hataholi manatao tunga Manetualain hihii-nanaun-na, nala hihi'ik-ka deak, tehu tao leo bee-o, hihi'ik-ka nala hataholi masala-masingok-ka.