NEHEMIA 12:43 - Susula Malalaok Hehelu Palak Ma Hehelu Beuk

⁴³ Nai faik ndia, tutunu-hohotuk makadotok nanatunu-hotuk soaneu Manetualain. Laun-na lamahoko-setelee nanahu Manetualain fes laua-lanale. Basa inak-kala ma ni'iana-la boeo tunga feta, de sila hala hika-natadalen-nala, lamanenen losa dook-ka.

NEHEMIA 12:43 Σταυροειδείς Αναφορές

2TAWARIKH 20:13

Boema basa touk Yehuda-la lala'en-na sama-sama loo sila sao-ana-nala lapadeik lai Manetualain Uman.

2TAWARIKH 20:27

Boema Yosafat nauli-nalanga la'iesak solda'du-la de ala fali leo Yerusalem leu no namahokok nanahu Manetualain sengi sila musu-na.

2TAWARIKH 7:10

ma balahaa, fo nai bula kahitu-a fain duahulu telu boema, Salomo nadenu hataholi sila-la fali. Ala lamahoko nanahu hata malole fo Manetualain taon soaneu leoina Israel fo anan-nala, soaneu Dauk ma Salomo.

EZRA 3:13

nalosa ta bubuluk manaeeki-matadalek-ka nde see do manakii-makaleleuk-ka nde see fa. Halan-nala tanen-na seli, nalosa lamanenen losa dook-ka.

NEHEMIA 12:27

Lelek lakatema kota Yerusalem-ma papala nanadaman-na, laloo hataholi Lewi-la leme basa sila mamana leleon lala'en-na mai, fo ela ala tunga tao makaseek nai feta ndia nenik nakamee makasi, ma nenik sasanu, gambus ma kecapi.

NEHEMIA 12:42

Manala'ok nai sila dean-na nde Maaseya, Semaya, Eleazar, Uzi, Yohanan, Malkia, Elam ma Ezer. Yizrahya nauli-nalanga de basa manamakameek-kala lakamee.

AYUB 34:29

Metema Manetualain ho'i nakeketuk fo denge-denge soona, ta hapu esa boen napalani nakamulu-nakadaun. Metema Ana nafuni mata panan soona, ta esa nitan boen.

MAZMUR 27:6

Besak ia, au sengi musu manai au boboa-kaisung-nga; boema no eeki-natadalek, au tunu-hotu tutunu-hohotu makasi nai Uman; au nau akamee, ma koa-kio Manetualain.

MAZMUR 28:7

Manetualain nde been-na, au masulu-mahapang ma manamasala'eng-nga, de au amahele neun. Ana tulu-fali ma Ana tao namahoko au daleng-nga, au koa-kion nenik nakamee makasi.

MAZMUR 9:2

No dale katematuak, au nau oke makasi neu O, Manetualain, ma tui-benga O tatao-nono'im fo, dodoo doak-kana ndia.

MAZMUR 92:4

boema nakaminak gitar tali ka sanahuluk-ka, sama-sama no gambus ma kecapi-a.

YESAYA 61:3

soaneu fe hika-natadalek ma namahokok neu hataholi manadale he'dik, ma manasusak-ka; soaneu tao asafali sila dale he'din-na, da'di nakamee kokoa-kikiok. Neukose sila sama leo ai fo Manetualain sele matan. Neukose ala tao hata fo malole ma ndoos, nalosa Manetualain nananamatutua-namadedemak.

YEREMIA 31:13

Neu faik ndia te anafe'o anak-kala neukose ala lolonge-dadape no dale namahokok. Hataholi lasik-kala ma hataholi mulik-kala neukose laua-lanale beno'u, nana neukose Au tao amahokos. Sila dale he'din-nala Au tao asafalin da'di namahokok, ma pinu i'duk-ka Au tao asafalin da'di maua-manalek.

YEREMIA 33:11

Tehu nai mamanak ndia hapu lamanene halak namahokok-kala ma setelek-kala ma halak feta ka'bing-ngala seluk. Hapu lamanene hataholi-la leni nakamek tutunu-hohotu makasi lo Au umang-nga neu boe. Neukose lafa'da lae, ‘Toke makasi neu Manetualain Fo Manakoasa, nanahu Ndia malole-a, ma susue-lalain manaketu basa tak, ma matetuk.’ Neukose nusak ia Au taon da'di manahapu-manadaik sama leo makasososan-na. Au, Manetualain, nde manakokolak-ka.”

BILANGAN 10:10

Boeo nai fai-faik fo emi mamahoko-stelee, fo nde nai feta-dote Bula Beuk, ma feta fe'e-fe'ek-kala soona, pupuuk sila-la muse nanapuuk, nai lelek emi tunu-hotu fe Au, tutunu-hohotu nanatunuk, ma tutunu-hohotu mole-dame. Soona neukose Au tulu-fali emi. Au nde Manetualain, fo emi Manetualaim-ma.”

MATEOS 21:15

Tehu malanga ima mala ma mese agama la lita Yesus tao manda'di beuk sila la boema, lamanasa. Ma lamanasa nai lelek fo lamanene ni'iana la lasanggati lai Manetualain Uman dale lae, “So'dak neu Dauk ana na!”

MATEOS 21:9

Hataholi makadotok fo mana la'ok nai Yesus uluk ma manai dea na lalo bebou lae, “So'dak neu Dauk Ana na! Baba'e-papalak neu Ndia fo ana mai no Manetualain na'de na! Koa-kio Manetualain, fo Matua Madema ndia!”

YOHANIS 16:22

Emi boeo leondiak: Besak ia emi dale ma he'di sa, tehu metema Au atongo seluk o emi soona, emi mamahoko-setelee, fo ta hapu hataholi esa boen, hapu ho'i na namahoko-seteleek ndia neme emi dalem dale mai so'on.

EFESUS 5:19

Pake dede'a-kokolak neme mazmu ra mai, nakamee kokoa-kikiok, ma nakamee salanik nai emi hala-kokola ma dalek. Ela leo bee na, no dale namahokok, emi makamee kokoa-kikiok neu Lamatua ka.

YAKOBIS 5:13

Metema nai emi dalek, hapu nggelok susa soona, ela leo bee na ana hule-haladoi. Metema hapu nggelok lamahoko soona, ela leo bee na, ana koa-kio Manetualain.

SEMUEL SUSULAK-KA ESAN-NA 4:5

Lelek Peti Hehelu-balataak ndia losa mamana oofuk-ka boema, hataholi Israel-la eki lapane'e, nalosa daebafak-ka dele.