NEHEMIA 12:31 - Susula Malalaok Hehelu Palak Ma Hehelu Beuk

³¹ Au fe basa mauli-malanga Yehuda-la loak fo kae leo papala nanadamak lain leu, fo lapadeik lakadadalak da'di bubua matua dua, fo neukose ala la'ok lakadadalak okofefeok kota, boema lakamee nakamee makasi neu Manetualain. Bubuak makasososak-ka, ala la'ok lakadadalak nai papala nanadamak lain, lasale leo kona neu, fo leo Lelesuina Kadafuk-la neu.

NEHEMIA 12:31 Σταυροειδείς Αναφορές

1 TAWARIKH 13:1

Manek Dauk ka nakokolaok no basa malanga solda'du matuainan fo nauli-nalanga solda'du lifun esa ma solda'du natun esa.

1 TAWARIKH 28:1

Manek Dauk-ka paleta fo ela basa mauli-malangan Israel-la lakabubua. Da'di basa maneleo, malangan teidale-bobongik, basa manamanea manek-ka ma anamanen-nala hata-heton boema bana-manun-nala – dede'a keke'un-na, basa uma manek-ka hataholi matua-mademan-nala, malanga solda'du matuaina-la ma hataholi nananita-nalelak-kala, fo basa-basas lakabubua lai Yerusalem.

2TAWARIKH 5:2

Basa ndia boema, Manek Salomo nadenu basa mauli-malanga leo-la ma teidale-bobongik-kala leme leoina Israel-la fo lakabubua nai Yerusalem soaneu ala laliheok Manetualain Peti Hehelu-balataan neme Sion, fo Kota Dauk-ka leo Manetualain Uman neu.

NEHEMIA 12:32

Hosaya la'ok nai manamakameek-kala dean-na, basa boema mauli-malanga Yehuda-la baba'ek esa tunga.

NEHEMIA 12:38

Manamakameek bubuak esa seluk, ala la'ok lakadadalak nai papala nanadamak lain lasale leo kii leu, de au sama-sama o laun-na seli, tungas. Ami la'ok makadadalak tunga Uma Puni Madema fo mamanak tutunu loti losa Papala nanadamak Maloa.

NEHEMIA 12:40

Boema manamakameek bubua ka duak sila losa nai deka no Manetualain Uman-na. Fe'ek neme basa mauli-malangan manai au bubuang-nga dalek,

NEHEMIA 2:13

Lelek ami la'oela kota tunga Lelesuina Bafak-ka nai muli te bei le'odaek. Ami la'ok masale leo kona meu, fo leo Lelesuina Kadafuk-ka meu, de ami tunga Oe Mata Naga. Nai leleo-lala'ok ndia dalek, au palisak nalutu-nalutuk manai kota papala nanadaman-nala, de au ita lelesuina fo ha'i na'a nalutuk-kala boe.