NEHEMIA 12:27 - Susula Malalaok Hehelu Palak Ma Hehelu Beuk

²⁷ Lelek lakatema kota Yerusalem-ma papala nanadaman-na, laloo hataholi Lewi-la leme basa sila mamana leleon lala'en-na mai, fo ela ala tunga tao makaseek nai feta ndia nenik nakamee makasi, ma nenik sasanu, gambus ma kecapi.

NEHEMIA 12:27 Σταυροειδείς Αναφορές

2 SEMUEL 6:12

Mane Dauk-ka namanene, lae Manetualain fe baba'e-papalak neu Obed-Edom teidalen-nala, ma hata-heton lala'en-na, nanahu Peti Hehelu-balataak ndia. Boema, neu leo Obed-Edom uman neu, de ana ho'in-na Peti-a, fo ana lali heok-kana leo Yerusalem neu, de ana tao feta matuaina.

1RAJA-RAJA 8:63

Soaneu tutunu-hohotu mole-dame a, Salomo tunu-hotu sapi lifun duahulu dua ma bi'ilopo lifun natun esa duahulu. Leondiak, manek-ka ma basa laun-na lala'en-na tao feta nakatema Manetualain Uman-na.

1 TAWARIKH 13:8

tehu Dauk ma basa laun Israel-la lala'en-na foti-longe ma lakamee no namahokok nanseli, lakaminak kecapi, rebana, simbal ma pupuuk soaneu fe ha'da-holomata neu Manetualain.

1 TAWARIKH 15:12

Dauk nafa'das nae, “Emi nde been-na mauli-malanga teidale-bobongik nai leo Lewi dalek. Hu ndia de, ela leo been-na emi ma hataholi Lewi fe'ek kala tao malalao-malalafu aoina mala fo ela emi hapu laliheok Amak, fo Israel Manetualain na Peti Hehelu-balataan leo mamanak fo au sadia basan so.

1 TAWARIKH 15:16

Dauk boeo nadenu basa mauli-malangan hataholi Lewi sila-la, fo ela ala fe paleta neu hataholi de'ubee leme sila leo na mai fo lakamee ma lakaminak kecapi ma simbal nenik kokoa-kikiok.

1 TAWARIKH 15:28

Basa hataholi Israel-la lala'en-na leu tunga Peti Hehelu-balataak ndia losa Yerusalem no ala eki kao-kao ma pupuu liik, nafiri, simbal ma kecapi.

1 TAWARIKH 15:4

Boema Dauk nadenu Harun tititi-nonosin ma hataholi Lewi la lakabubua.

1 TAWARIKH 16:42

Heman ma Yedutun boeo hapu bela-ba'uk soaneu pupuuk, simbal boema sasanu fe'e-fe'ek fo nananakaminak tunga nakamee kokoa-kikiok ka. Teidale-bobongik Yedutun hataholin-nala hapu bela-ba'uk soaneu lanea lelesuina la.

1 TAWARIKH 16:5

Asaf nanahelek da'di leo mauli-malangan makasososak ma Zakharia da'di limaboa kona na. Yeiel, Semiramot, Yehiel, Matica, Eliab, Benaya, Obed-Edom ma Yeiel nanahelek soaneu lakaminak simbal,

1 TAWARIKH 23:5

hataholi lifun haa soaneu da'di manamanea, ma hataholi lifun haa seluk soaneu koa-kio Manetualain nenik sasanu-sasanu fo nanasadia basak kala so.

1 TAWARIKH 26:31

Tititi-nonosik Hebron-na mauli-malangan nde Yeria. Manek Dauk-ka paleta neu teuk-ka haahulun-na boema, ana palisak matalolole Hebron tititi-nonosin. Nai palisan ndia dalek, ana hapu nai sila dalek hapu solda'du ao makadelek-kala leo lai Yazer fo nai nusak Gilead-a.

2TAWARIKH 29:25

Nandaa no natutu'du-natutu'duk fo Manetualain fen neu Dauk tunga Nabi Gad, fo naue-nale'di fe manek-ka, ma tunga Nabi Natan-na, de manek-ka pe'da hataholi Lewi-la nai Manetualain Uman, fo lakamina kecapi ma gambus,

2TAWARIKH 29:30

Manek-ka ma lasi nggolok-kala ladenu hataholi Lewi-la lakamee soaneu Manetualain kokoa-kikiok fo Dauk ma Nabi Asaf-fa tao nakameek-kala. Basa hataholi-la lakamee no namahokok nanseli ma ala senek fo lakaluku-lakatele neu Manetualain.

2TAWARIKH 7:6

Basa imam-mala lapadeik lai mamanak fo nananaketu basak ba'eneus; lasasalematak loo hataholi Lewi fo manakoa-kio Manetualain nenik sasanu fo Manek Dauk-ka tao-kala, boema lakamee nakameek-ka nae, “Susue-lalain manaketu basa taak losa dodoon-na!” fo nandaa no Dauk nonoken-na. Basa imam-mala fuu trompet lelek basa laun-na lala'en-na lapadeik.

EZRA 6:16

Basa boema, no namahokok, hataholi Israel-la, hataholi Lewi-la, ma basa hataholi nanafoo haik-kala, lakatema Manetualain Uman ndia.

NEHEMIA 11:20

Laun Israel-la, basa imam-mala, ma hataholi Lewi-la seli, ala leo lai sila daen-na nai kota-kota manai Yehuda.

NEHEMIA 12:43

Nai faik ndia, tutunu-hohotuk makadotok nanatunu-hotuk soaneu Manetualain. Laun-na lamahoko-setelee nanahu Manetualain fes laua-lanale. Basa inak-kala ma ni'iana-la boeo tunga feta, de sila hala hika-natadalen-nala, lamanenen losa dook-ka.

NEHEMIA 8:17

Basa laun fo manafali ma'is leme mamana tu'u-tapak mai, ala tao lalaak sila-la, boema ala leo lema ndia. Ia nde soaneu ka la'i esan-na, ala tao dede'ak ndia, mula neme Yosua fo Nun anan-na tepo-lelen-na, boema basa-basas lamahoko ma laua-lanale.

MAZMUR 149:3

Koa kio na'den-na, nenik fofoti-lolongek, koa-kion nenik kecapi ma tambur!

MAZMUR 30:1

Dauk kokoa-kikion-na. Nakameek soaneu nakatema Manetualain Uman-na.

ULANGAN 16:11

Nai emi Manetualain-ma matan, fo nai Ana hele mamanak-ka, emi mamahoko-setelee, sama-sama moo emi anam-mala, emi atam-mala, ma hataholi Lewi-la, hataholi nusa dea-la, faluina-anamaak fo, manaleo manai emi kotam-ma.

ULANGAN 20:5

Basa soona, basa malanga solda'du matuaina-la, lafa'da dede'ak-kala nde ia, neu emi nae, ‘Ade, nai emi dalek, hapu hataholi, besak-ka nafofo'a uman-na, te ana beita tao feta soaneu nakatema fan do? Metema hapu soona, ana bole fali ne'un. Nana metema, maten nai natee-natatik dale soona, neukose hataholi fe'ek neu leona uman-na.

FILIPI 4:4

Ela leo bee na, emi mamahoko tataas esa, nana hu emi maso'da da'di esa mo Lamatua ka so. La'i esa seluk au afa'da: mamahoko leona!

NINITAK 5:8

Bi'ilopo Ana ndia beitao leondiak te, mahahae kaha kala ma lasi-lasik kaduahulu hak sila la, bala leu mata na. Sila esa soona, ana ho'u sasanu ma mango lilopilas fo isi na boominik, fo nde Manetualain hataholi kamahehele nala huhule-haladoin.