NEHEMIA 10:38 - Susula Malalaok Hehelu Palak Ma Hehelu Beuk

³⁸ Tehu imam esa, tititi-nonosi Harun soona, muse sama-sama no hataholi Lewi sila nai lelek ala susu tunu-hotuk sila-la. Ma baba'ek esa neme ba'eneu sanahulu mai neme basa tunu-hotuk sila-la mai ndia, hataholi Lewi sila-la muse lenis leo kama pepe'da nana'ak manai Manetualain Uman-na.

NEHEMIA 10:38 Σταυροειδείς Αναφορές

1 TAWARIKH 9:26

Tehu malanga manamanea ka 4-k sila-la, lanea lahele. Ala lanea kama-kama manai Manetualain Uman, ma bua-lo'as nanape'dak manai ndia.

NEHEMIA 13:31

Boeo au atol, fo ela nai fai kikisak-kala, ala hapu sadia ai ha'i soaneu tunu-hotu tutunu-hohotuk fo bisa nanasadiak, ma laun-na hapu neni boa-boa neme dae isi-mina makasososan-na mai. Mate'en-na au hule-haladoi ae, “Au Manetualaing-ngo nei, mafandele basa ia-la, ma ba'e-pala au leona.”

IMAMAT 27:30

Baba'ek esa neme baba'ek sanahulu, neme basa dae buna-boan lala'en-na mai, nau gandum do ai boak boe, nde been-na soaneu Manetualain.

BILANGAN 15:19

Metema emi mulai mi'a nusak ndia buna-boan soona, emi muse ho'i-ma baba'ek esa fo pe'da fe'en, fo da'di tunu-hotu hehelik soaneu Manetualain.

BILANGAN 15:21

Loti fo, emi taon neme gandum nanake'di makasososak ndia, muse emi fen da'di leo tunu-hotu hehelik neu Manetualain losa dodo-na.

BILANGAN 18:21

Boema, Manetualain nafa'da Harun nae, “Hataholi Israel-la fe hataholi Lewi-la sila hahapu dadain baba'ek esa neme ba'en neu sanahuluh. Sila baba'en-na nde ndia, soaneu sila ue-le'din manai Au Lalaa Temang-nga.

BILANGAN 18:24

nanahu, soaneu sila baba'en-na, Au fe basa sila baba'en nde, hataholi Israel-la hahapu dadain baba'ek esa neme ba'en neu sanahuluh, fo ala fen neu Au, da'di leo tunu-hotu hehelik so. Hu ndia de, la'eneu hataholi Lewi-la soona, Au afa'da ae neukose sila ta hapu baba'e pusaka nai Israel fa.”

ULANGAN 14:22

“Tunga teun, emi muse ho'i-ma emi daem-ma buna-boan, metema hahapu dadain ba'ek esa neme ba'eneu sanahuluh, fo taon da'di tunu-hotu boa sosak, soaneu Manetualain.