NEHEMIA 10:37 - Susula Malalaok Hehelu Palak Ma Hehelu Beuk

³⁷ Neukose ami meni fe basa imam manai Manetualain Uman-na, gandum sopuk nanakamek neme gandum fo tunga teuk ami ketu-kolu makasososak-ka, boeo tunu-hotu fe'ek, nalupa angol, mina setun ma ai boa mata-matak lala'en-na. Ami fe ami tinam-ma buna-boan baba'ek esa neme ba'eneu sanahulu mai, neukose ami menin leo hataholi-hataholi Lewi fo manasusu tunu-hotu baba'ek esa neme ba'eneu sanahulu nai kota-kota fo hataholin-nala manatao tina osi.

NEHEMIA 10:37 Σταυροειδείς Αναφορές

2TAWARIKH 31:6

Basa hataholi fo manaleo lai Yehuda kota-kota-nala, leni perpuluhan neme sila sapin ma bi'ilopo-nala, ma boa-boa fe'ek-kala, boema ala fe basa sila-la leo sila Manetualain neu.

NEHEMIA 13:10

Fe'ek neme ndia mai, au hapu lae basa manamakaminak sasanu-la ma hataholi Lewi-la la'o ela Yerusalem, de esa-esak fali ne'un leo tina-osin neu, nanahu laun-na ta tao natetu sila paluun-na fa.

NEHEMIA 13:12

Basa boema, laun Israel-la lala'en-na, mulai fe seluk gandum baba'ek esa neme ba'eneu sanahulu mai, angol ma mina setun, fo lenis leo kama pepe'da nana'ak-kala neu.

NEHEMIA 13:5

Elyasib fe Tobia kama matua esa, fo tunga ndoon-na ala sadia hehelik kama ndia soaneu pe'da tunu-hotu gandum, boomenik, bua-lo'as fo nanapakek nai Manetualain Uman, tunu-hotuk soaneu imam, gandum baba'ek esa neme ba'eneu sanahulu mai, angol, ma mina setun, fo sanga ba'e fe hataholi Lewi-la, basa manamakaminak sasanu-la, ma manamanea Manetualain Uman-na lelesuinan-na.

NEHEMIA 13:9

Basa boema au adenu fo ela tao feta tao balisi kama sila. Basa ndia boema, au pe'da falik basa tunu-hotu gandum lala'en-na ma boomenik boema Manetualain Uman-na bua-lo'an leo ndia neu.

KELUARAN 13:12

emi muse tunu-hotu anatou uluk lala'en-na, ma bana-manu ana maneanan makasososan-nala. Basa sila-la Manetualain nuun,

KELUARAN 13:2

“Tunu-hotu basa ana uluk-kala fe Au. Basa Israel anatou ulun-nala, ma basa bana-manu ana ulun-nala nde been-na, Au nuung sila.”

IMAMAT 23:17

Uma loo esan-na, muse tunu-hotu loti dua, soaneu tunu-hotu natutu'duk ba'eneu Manetualain. Muse tao loti esa-na neme ha'desopu sopuanak kilo dua, ma pake laluteik, fo muse fen leo Manetualain neu, da'di leo tunu-hotuk neme dae-a buna-boa makasososan-na mai.

MALEAKHI 3:10

Meni la'iesak emi tunu-hotum, baba'ek esa neme 10 mai, leo Au Umang-nga neu, fo ela hapu nana'a-nininuk sasi kao-kao nai naa. Fola Au, soona neukose emi mita, mae Au soi heni basa lelesu nusa so'dak-ka, fo Au ba'e-bati emi nenik hata malole lala'en-na.

MALEAKHI 3:8

Besak ia, Au atane emi: Hataholi daebafak-ka, bole ke'di-ndiu Manetualain do ta? Tao leo bee-o, ta hetu. Tehu emi ke'di-ndiu Au boe. Emi matane mae, ‘Da'di, tao leo bee?’ Au ataa ae, Nai dede'ak, fo fe baba'ek esa neme 10 mai, ma nai fe tunu-hotuk-ka dalek.

BILANGAN 18:15

Hataholi Israel-la, tunu-hotu fe Au, basa hata maso'dak lala'en-na ana ulun-nala, nau hataholi do bana-manu boe, o nuum sila. Tehu, emi muse soi-mala, emi ana ulum-mala, ma bana-manu nalulik-kala, ana makasososan-nala boe.

BILANGAN 18:18

Emi soa bana-manu nanatunu-hotuk fo, latu'du fen neu Au-a, fo nde tenen-na, ma sakibolo konan-na.

BILANGAN 18:21

Boema, Manetualain nafa'da Harun nae, “Hataholi Israel-la fe hataholi Lewi-la sila hahapu dadain baba'ek esa neme ba'en neu sanahuluh. Sila baba'en-na nde ndia, soaneu sila ue-le'din manai Au Lalaa Temang-nga.

ROMA 11:16

Metema loti bibia makasososa ka ala fen leo Manetualain neu soona, dede'ak ndia sosoa na nae, ala fe la'iesak loti ndia leo Manetualain neu boe. Ma metema Manetualain nanuu ai a oka na soona, dede'ak ndia sosoa na nae, Manetualain nanuu la'iesak ai ndia ndana nala boe.

ULANGAN 14:22

“Tunga teun, emi muse ho'i-ma emi daem-ma buna-boan, metema hahapu dadain ba'ek esa neme ba'eneu sanahuluh, fo taon da'di tunu-hotu boa sosak, soaneu Manetualain.

ULANGAN 18:4

Sila baba'en-na boeo nde, gandum, angol, ma mina setun-na, buna-boa makasososan-na, boema bi'ilopo-la, bulu nananggute makasososan-na.

ULANGAN 26:2

fo metema emi ketu-kolu basa emi daem-ma buna-boan lala'en-na soona, emi muse pe'da makabubua emi boa sosam-mala neu lepeneu esa dalek, fo menis leo emi Manetualaim-ma hele mamanak-ka neu.