MIKHA 6:5 - Susula Malalaok Hehelu Palak Ma Hehelu Beuk

⁵ Au anang-ngala lemin, mafandele hata fo Balak mane Moab-pa tutu'un la'eneu emi, ma hata fo Beor anan Bileam nataa neun. Mafandele hata fo ana da'di nai emi leleo-lala'om dalek, nai emi mamana leleom nai Sitim nai Gilgal tala'da. Metema emi mafandele basa sila-la soona, neukose emi mame'da mita hata fo Au tao basan soaneu soi-tefa emi.”

MIKHA 6:5 Σταυροειδείς Αναφορές

MAZMUR 111:4

Manetualain ndia, manasue ma manalai, Ana tao tatao-nono'ik fo, dodoo doak-kana, fo ela ita tafandendelek tahelen.

MAZMUR 143:11

Ou Manetualain, soi-tefa-mala au nandaa no O hehelum-ma, hu kande O malolem-ma, de soi-po'i au neme makase'ek-ka mai.

MAZMUR 36:10

O nde oemata maso'dak ba'eneu basa mahahaek-kala, nai O mangale'dom-ma dalek, ami mita mangale'dok-ka.

MAZMUR 71:19

Ou Manetualain, O ndo ma matetum-ma, dema lalai; O tatao-nono'im-mala matuaina; see sama-na leo O?

YESAYA 1:27

Manetualain ndoos ma matetuk, boema Ana soi-tefa-na Yerusalem, ma hataholin fo manasale dalek-kala.

BILANGAN 22:41

Balahaa boema, Balak no Bileam, nde nda'e leo pupuku Bamot Baal-la lain leu. Bileam hapu nita leoina Israel-la seli, neme mamanak ndia mai.

BILANGAN 23:27

Boema Balak nae, “Mai fo, ata teu leo mamana fe'ek teu. See bubuluk, Manetualain po'ilotak o supa-soo Israel soaneu au, nai mamanak ndia.”

BILANGAN 25:1

Lelek leoina Israel-la, leo lai bafak Sitim-ma, toun-nala mulai hohonge loo ina Moab manai sila-la.

BILANGAN 25:2

Inak sila-la, lelekos fo leu leo mamana sosongok tatangok-kala leu, fo ala fe ha'da-hoholomata neu sila lamatua daebafak-na. Hataholi Israel-la boeo, la'a nana'ak sosongok tatangok sila la, ma ala sene-do'ok neu hataholi Moab-pala lamatua daebafak-na.

BILANGAN 31:16

Ade inak sila-la, ta nde tunga Bileam nanoli-nafa'dan, de nalosa ala fufu'di-oodok hataholi Israel-la neme Peor, fo ala boso lilineka neu Manetualain hetu? De ndia nde neni soe neu Manetualain anan-nala!

BILANGAN 31:8

fo Midian mane ka liman-nala lai dalek boe. Mane ka limak sila-la nde: Ewi, Rekem, Zur, hur ma Reba. Ala taolisa Bileam, fo Beor anan-na boe.

EFESUS 2:11

Tolano-tolanook fo ta hataholi Yahudi la lemin! Mafandendelek emi ha'da-tataom, nai lelek makahulu na: hataholi Yahudi fo ala manaku aon lae, sila hataholi nanasunat ala, loke emi soona lae, “hataholi nanasunat tak”, lae sila nanasunat basak ndia (sosoa na nae, hataholi daebafa ka nde tao ta'du-tana ndia, neu sila ao paa na.)

ULANGAN 16:3

Emi muse mi'a tutunu-hohotuk ndia, no loti fo ta pake laluteik fa. Emi muse mi'a loti fo ta pake laluteik ndia, faik hitu dalen-na, sama leo nai lelek no lai-laik emi la'oela dae Masir-ra. Mi'a loti fo loken lae loti doidosok-ka, fo ela nai emi fai maso'dam-ma dalek, emi mafandendelek, faik fo emi la'oela Masir, fo emi mamana doi-dosom-ma.

ULANGAN 23:6

Nai emi fai maso'dam-ma dalek, boso tulu-fali leoina sila-la, ma boso fes laso'da no tetu-temak.

ULANGAN 8:18

Mafandendelek te, emi Amam Manetualaim nde fe emi su'i-betes ndia. Ana tao leondiak, nanahu losa faik ia dalen-na, Ana bei lilineka neu hehelu-balataan, fo Ana taon no emi bei-ba'i kaim-mala.

ULANGAN 8:2

Mafandendelek leona! Te nai teuk haahulu dalen-na, emi Manetualaim-ma nauli-nalanga emi, nai emi leleo-lala'o dae doom-ma dalek, tunga moo solokaek-ka. Manetualain dudu'a basa leleo-lala'ok ndia, soaneu Ana so'ba emi, fo ela Ana nita beek nanape'dak nai emi dalem dale, ma ade neukose emi tunga paletan-nala do ta.

ULANGAN 9:7

Mafandendelek, tao leo beek de emi taom-ma, emi Manetualaim-ma namanasa neme moo solokaek-ka. Nailelek neme emi la'oela Masir, losa emi losa mamanak ia, emi lena-la'ban Manetualain.

YOSUA 2:1

Basa boema, Yosua nadenu hataholi manamakuk dua leme Sitim leo Kanaan leu. Hataholi ka duak sila-la hapu paleta, fo leu palisak matalolole nusa Kanaan-na, no nafufunik fo makasososan-na leu leo kota Yerikho leu. Boema leu leo kota ndia leu, de ala sungu leme ina manasosoa-piaok esa na'de Rahab, uman.

YOSUA 3:1

Balahaa fafaik boema, Yosua ma hataholi Israel-la lala'en-na, fo'a fafaianak nanseli, boema ala la'oela leme sila mamana ofun manai Sitim-ma, de leu leo Lee Yarden-na leu. Ala ofu leme ndia, fo lahani fain-na losa, ala lena leo selik leu.

YOSUA 4:19

Hataholi Israel-la losa Lee Yarden-na selik, de nai hataholi Yahudi-la bula ka esan-na, fain sanahulu boema, ala ofu leme Gilgal, fo nai Yerikho boboan dulu.

2 PETRUS 2:15

Hu ka nde ala ta nau tunga eno ndo sa fa de, ala la'ok sala. Ala la'ok tunga enok fo makahulu na, Bileam fo Beor ana na, eno-dalan. Bileam ia, nahiik nanseli, ana hapu doik neme tatao-nono'i mangalau na mai.

1 YOHANIS 1:9

Tehu metema ita manaku ita sala-singon neu Manetualain soona, neukose Ana tao natetu hala hehelu na, ma naketu-nala'di tunga matetu na. Neukose Ana fe do'o do ampon neu ita sala-singon, ma Ana safe balisi ita tatao-nono'i masala-masingo nala.

YUDAS 1:11

Soe ba'eneu sila. Ala tunga Kaen eno na so. Hu doi ka, de ala la'ok tunga eno masala ka, sama leo Bileam. Ma sila boeo, nanatao nakalulutuk, nanahu ala sanga musu sama leo Korah.

NINITAK 2:14

Leomae leondiak boe, fo Au ta hiin nai emi dalek fa nde: Hapu hataholi nggelok nai emi dalek, ala tunga hata fo Bileam nanoli ka. Bileam nanoli Balak eno na tao leo beek fo tu'u hataholi Israe la leo sala-singo ka dalek leu, fo nde ninik ana fufu'di-oo'dos fo la'a nana'ak fo ala fe basan neu sosongo-tatango ka ma ala tao tatao-nono'i manasosoa-piao kala.

HAKIM-HAKIM 11:25

O maedaenga, o malole lena neme Zipor anamanen Balak, fo mane Moab-pa mai do? Balak beita la'ban nita, do natee-nata'ti no ami la'iesa boen.

HAKIM-HAKIM 5:11

Lamanene hataholi makadotok lakamee, nai deka no oedolu-la, ala tui Manetualain sesengin-na do'e-do'e, Israel, fo Manetualain anan-nala sesengin-na. Boema ala la'ok lakadadalak lasale leo kota lelesuinan-na leu.

SEMUEL SUSULAK-KA ESAN-NA 12:7

Besak ia, boso la'o dei. Neukose au kalaak emi nai Manetualain matan. Mafandendelek leon neu Manetualain dale malolen lala'en fo natu'dun neu emi, ma neu emi bei-ba'i kaim-mala so.