MIKHA 6:14 - Susula Malalaok Hehelu Palak Ma Hehelu Beuk

¹⁴ Neukose emi mi'a-minu, tehu emi ta makabete fa, te emi boetai mamala'a mahele. Neukose emi so'u bua-lo'as, tehu emi ta hapu manea mala fas. Emi manea mala su'di beek-ka boeo, neukose Au tao akalulutuk-kasa nai natee-natatik dale.

MIKHA 6:14 Σταυροειδείς Αναφορές

YESAYA 30:6

Manetualain hala hehelun-na leo iak, la'eneu basa bana fo manaleo dae kona, “Basa hataholi nadedenuk-kala fua sila keledein ma ontan-nala nenik bua palsen, boema ala la'ok tunga mamanak fo henuk no soe, ma singa, menge malasok, ma buta mali'dak-ka mamana leleon-na. Ala tunu-hotu bua palsen sila-la, neu leoina esa, fo ana ta hapu tulu-fali sila fa.

YESAYA 65:13

Te'e-te'e, hataholi fo manasene-do'ok neu Au-a, neukose na'a, tehu emi mamala'a. Neukose ala linu, tehu emi maa ma'da. Neukose ala lamahoko-setelee, tehu emi hapu mamaek.

YESAYA 9:20

Hataholi Manasye-la ma hataholi Efraim-mala, esa sapu-na esa, boema ala sama-sama la'ban Yehuda. Tehu Manetualain bei namanasa, de Ana huku nahele.

YEREMIA 48:44

Hataholi manamalaik neme musu-a mai-a neukose ala tu'da leo bolok dale, ma mana kalua neme bolok ndia neukose nanaho'u nak nai hihi'ik-ka.

YESKIAL 5:12

Metema, ba'e o laum-ma neu baba'ek telu soona, Au taoisa baba'ek esa, nanahu he'di-laus ma la'a-ndoes-sa da'di nai kota dale. Baba'ek esa, nanado'do nisak nai kota deak, ma neukose Au nggenggela-ngganggali baba'ek esa seluk, leo basa daebafak-ka bu'un-nala leu, ma neukose Au usis tataas esa nenik tafaina.

HOSEA 4:10

Neukose, emi mi'a neme tutunu-hohotuk fo nanatunu-hotuk-ka mai, tehu neukose emi mamala'a mahele. Neukose emi sene-do'ok neu lamatua daebafak, fo ala lamaheles fe bubu'u-palusa lalole, tehu emi laum-ma ta namade'u fa, nana emi la'oela Au so, de emi meu sene-do'ok neu lamatua daebafak fe'ek-kala.”

IMAMAT 26:26

Neukose, emi nana'am-ma basan, nalosa inak sanahulu, ala paluu ka'da mamana tutunu loti esa, soaneu tunu sila lotin-na. Neukose, emi mi'a basa nana'ak ndia so, tehu emi bei mame'da mamala'a boe.

HAGAI 1:6

Emi sele-nggali basa bini ngges makadotok so, tehu emi ketu-kolu faanak. Emi manana'ak de emi mi'a, tehu emi ta makabete fa. Emi manuu angol de emi minu, tehu emi dalem-ma, ta namahoko fa. Emi manuu bua papakek, tehu ta dai, soaneu tao nato'bi emi aoinam-ma fa. Ma kuli-la sipo ngga'di-a, ta dai soaneu tao natetu so'dan-nala fa.

HAGAI 2:16

Emi meu mete basa gandum manadodouk-ka so, de emi maedaenga, neukose emi hapu gandum kilo natun dua, te se'ko na hapu ka'da kilo natun esa. Emi meu, fo emi ndui angol litel natun esa neme tong angol dale mai, tehu hapu ka'da litel 40 nai tong ndia dalek.