MIKHA 4:13 - Susula Malalaok Hehelu Palak Ma Hehelu Beuk

¹³ Manetualain nafa'da nae, “Hai laun Yerusalem-mala lemin, meu leona fo heheta-aa'i emi musum-mala! Neukose Au tao a emi da'di balakaik, sama leo sapi fo susulan-na besi ma eifangan-na liti. Neukose emi tao makalulutuk leoina makadotok, ma ala loso-la su'i-betes-sala, neukose emi tunu-hotu fen leo Au, Manetualain, fo manamakadada'dik lalai ma daebafak-ka.”

MIKHA 4:13 Σταυροειδείς Αναφορές

MAZMUR 24:1

Dauk kokoa-kikion-na. Manetualain nde nuun daebafak-ka no oe-isin, daebafak-ka no basa hata-hata manaleo manai dalek-kala.

MAZMUR 68:29

Emi Manetualaim-ma, noke emi be'i-balakaim; ou Manetualain, matetea-mahehele hata fo O tao basan soaneu ami so.

MAZMUR 72:10

Mane-manek Tarsis-sala ma pulu-pulu-la leni tunu-hotuk soaneun Mane-manek Arab ma Etiopia-la ala mai fo leni bea.

YESAYA 18:7

Neukose fain-na losa, tunu-hotuk-kala nanananduku-nalosak neu Manetualain Fo Manakoasa, neme nusak ndia, fo lee-la tunga tala'da, neme leoinan fo mabe'i-balakaik ma makadelek, neme hataholin fo mademaina-la, ma lou mangana'uk, ma basa daebafak-ka lala'en-na bii-lamata'us. Neukose ala mai leo Pupukuk Sion-na, leo mamanak fo Manetualain Fo Manakoasan nanasene-do'ok.

YESAYA 21:10

Au leoinang fo Israel! O nanalulumu-eesek ma nanaheheta-aa'ik basak, sama leo gandum de'ek-kala. Besak ia, au tui-benga fe o, hala malole, fo au amanenen neme Manetualain Fo Manakoasa, fo Israel Manetualain-na.

YESAYA 23:18

Ana hapu nanalak ma ngga'di-a, neukose ana ta pe'da fan, tehu neukose ana tunu-hotu fen neu Manetualain. Hataholi fo manasene-do'ok neu Manetualain-na, neukose ala pake doik sila-la, soaneu ala asa nana'a-nininuk ma bua-lo'as fo sila paluu-ka.

YESAYA 5:28

Kokou isin-nala matane, ma kokoun-na nanahela memak. Ndalan-na eifangan-na, tean-na sama leo batuaik-ka, ma kaleta-na ein-na ana loli sama leo sangu-a.

YEREMIA 51:20

Manetualain nafa'da nae, “Babel sama leo ai fefepak, Au sisilong-nga soaneu nate-natatik. O nanapake fo soaneu sapu-la leoinak-kala ma nusan-nala.

YEREMIA 51:33

Ta dook-ka so'on te ala sengi heni sila, ma ala heheta-aa'is sama leo gandum nai manai popo'den-na. Au, Manetualain fo Manakoasa, Israel Aman Manetualain de manakokolak-ka.”

DANIAL 2:44

Nai lelek manek sila-la paleta, Manetualain manai nusa so'dak-ka, neukose napadedeik nusak esa fo neukose nakatatakak losa dodoon-na, ma neukose leoina bee boe ta hapu sengi fan. Nusak ndia neukose tao nakalulutuk basa nusa fe'ek sila-la lala'en-na.

HOSEA 10:11

Makahulun-na, Israel sama leo sapi fa'di esa malelak-ka, fo ana nau heheta-aa'i gandum. Au ta paluu tao lange neu kandoo mana'a hiin ndia fa. Tehu besak ia, Au aketu basa soaneu Au lakan fo naue-nale'di belak. Au adenu Yehuda, fo nakau'uk, ma Au adenu Israel, fo nalelenu.

MIKHA 5:7

Hataholi Israel fo ala bei leo lai leoina-la tala'da, neukose sama leo meoasu nai bana manai nula-la tala'da, do nai bi'ilopo bubuak manai moo mana'uk-ka. Meoasu ndia neu leo bi'ilopo bubuak ndia tala'da heon neu, fo ana heheta-aa'i ma ana sisii-lulu'i. Ta hapu manasoi-po'i fo soi-po'i bi'ilopo sila-la fa.

HABAKUK 3:12

O la'ok okofeo daebafak-ka no nasak, O heheta-aa'i leoina-la nenik O dalem-ma namahana loo-loo.

ZAKHARIA 12:3

Tehu neu faik bee, fo faik ndia losa soona, neukose Au tao-a Yerusalem, sama leo batu mabelaina; fo su'di leoina bee boe, ana so'u so'ban, soona ana hapu soe. Basa leoina manai daebafak-ka, lakabubua, fo leu sapu-la Yerusalem.

ZAKHARIA 12:6

Nai faik ndia, neukose Au tao-a Yehuda teidalen-nala da'di sama leo ha'i-a nai ai ha'i madodouk dale, do obol-la pila nai gandum aik-kala dalek; neukose ala tao lamopo-lamate leoina manai boboa-kaisun-nala Tehu laun Yerusalem-mala, neukose ala leo lahele leme kota dale no nee-nee lino-linok.

ZAKHARIA 4:14

Boema nafa'da nae, “Ndia nde bee soona, hataholi 2, fo Manetualain fo mana makadada'dik lalai maloa, Ana hele basa duas so, de natu'du duas fo lalalau-laoonon.”

ZAKHARIA 6:5

Nataa nae, “Metema, lasasalematak basa loo Manetualain fo manamakadada'dik lalai maloa soona, leu leo bu'u 4 leu.

1 KORINTUS 16:2

Nai fai makasososa ka tunga-tunga fai mamaso na soona, ela leo bee na emi basa-basa mala esa-esak pe'da fe'e doik nandaa no ndia hahapu na. Pe'da doik sila la leona losa au mai, fo ela nai lelek ndia ta paluu emi makabubua doik seluk so'on.

ULANGAN 33:25

Ela leo been-na, nasulu-nahapa kotan-nala nenik lelesuina liti ma besi fo ela leo been-na, so'dan nee-nee lino-linok ma tetu-temak.”

YOSUA 6:19

Muse pe'da hehelik basa bua lilofulak, lilopilas, liti, ma besi, soaneu Manetualain pe'das lai mamana pepe'da Manetualain hata-heton-na dalek.”