MIKHA 2:13 - Susula Malalaok Hehelu Palak Ma Hehelu Beuk

¹³ Neukose Au soi enok-ka, fo Au o emi kalua meme mamana tu'u-tapak mai. Neukose emi hona malulutuk lelesuina-la fo emi la'o no pe'daom. Au, Manetualain mesak-kana nde emi Manem, ma neukose Au hela-nole emi fo emi kalua.”

MIKHA 2:13 Σταυροειδείς Αναφορές

KELUARAN 14:19

Boema, Manetualain ata nusa so'dan manai solda'du Israel-la uluk-ka, ana lali leo dea neu. Ma dii ko'as-sa boeo, ana lali de ana losa

YESAYA 42:7

Soaneu fe hataholi pokek-ka nita, ma soi-po'i hataholi manai bui makahatuk-ka dalek.

YESAYA 51:12

Manetualain nafa'da nae, “Au nde kokoe-nanasi emi-a. Tao le'e de, o bii-mamata'u neu hataholi daebafak fo, manasapu-manalalok-ka, neu hataholi daebafak fo, nanatapa henik, sama leo na'u-a?

YESAYA 52:12

Neukose emi ta makalupu lala'ok fa, ma ta sama leo, hataholi manamalaik-ka fa. Nana, neukose Manetualain hela-nole emi; Israel Manetualain-na, neukose nasulu-nahapa emi, neme bu'u-bu'uk lala'en-na mai.

YESAYA 55:4

Te'e-te'e, Au taon da'di mauli-malangan, ma malanga solda'du matuaina sakasii neme Au koasang-nga mai, soaneu leoinak-kala.

DANIAL 2:44

Nai lelek manek sila-la paleta, Manetualain manai nusa so'dak-ka, neukose napadedeik nusak esa fo neukose nakatatakak losa dodoon-na, ma neukose leoina bee boe ta hapu sengi fan. Nusak ndia neukose tao nakalulutuk basa nusa fe'ek sila-la lala'en-na.

HOSEA 1:11

Neukose tao nakabubua falik leoina Yehuda, ma leoina Israel-la. Neukose ala so'u mauli-malangan esa, ma neukose lamade'u, ma tetu-temak seluk nai sila nusan-na. Te'e-te'e, Yizreel fain-na, neukose ana da'di fai matua!

HOSEA 13:14

Neukose, Au ta soi-tefa leoina ia, neme hataholi manamatek-kala daebafan-na mai fa. Hai mamates, nggali o he'di-laum mai leona! Makalala'ok o tatao-nono'im fo maneni nakalulutuk ndia leona! Nana, Au ta sue-lai leoina ia so'on.

HOSEA 2:2

Manetualain nafa'da nae, “Hai Au anang-ngala lemin, au saong ta emi inam so'on, ma ndia saon ta Au fa. Hu ndia de madede'a moon, fo ela ana boso hohonge ma ana boso boe da'di manasosoa-piaok seluk bai.

HOSEA 3:5

Tehu neukose fain-na losa, leoina Israel-la fali le'us leo sila Manetualain-na leu, ma leo sila manen-na neme Dauk tititi-nonosin mai. Boema, neukose ala bii, ma ala fe ha'da-holomata neu Manetualain, boema ala sipo baba'e-papalan.

MIKHA 2:12

Manetualain nafa'da seluk nae, “Hai hataholi Israel fo bei elak-kala lemin! Neukose tao leo bee-o, Au tao akabubua emi, fo Au tao-a emi da'di esa, sama leo bi'ilopo-a fali leo lalaen-na neu. Sama leo mook fo henuk no bi'ilopo-a, leondiak boe emi nusam-ma, neukose henu seluk-kana no hataholi makadotok.

MIKHA 3:1

Mamanene leon hai emi fo manakoasa Israel-la lemin! Tunga ndoon-na, emi bubuluk ndoos ma matetuk-ka,

MIKHA 4:7

Ala tao lalas da'di lu'uk so, ma dook-ka leme nggolo-ta'dun mai. Tehu, neme bei ela hataholi sila-la mai, de neukose Au mulai tititi-nonosi beuk esa. Neukose ala da'di leoina matua ma mabe'i-balakaik. Neukose Au paletas nai Pupuku Sion-na losa dodoon-na.”

ZAKHARIA 10:12

Neukose Au atea Au anang-ngala, neukose lakatele, ma ala sene-do'ok neu Au. Au, Manetualain Manakoasa, nde manakokolak-ka.”

IBRANI 6:20

Yesus oti basa enok leo mamanak ndia soaneu ita, ma Ana masok basa leo naa neu fo Ana da'di ita Imam Matua Inan losa dodoo na, sama leo Imam Melkisede ka.

YOSUA 3:6

Boema Yosua paleta basa imam-mala, fo ela ala ndolo Peti Hehelu-balataak ndia, fo ala la'ok lakahuluk leme hataholi Israel-la mai. Ala tao tunga Yosua paletan-na.

NINITAK 17:14

Neukose latati lo Bi'ilopo Ana ndia. Tehu Bi'ilopo Ana ma ana manatunga manalilinekan fo nanatao nananalo basak ma nanahelek sila la, neukose ala sengi manek sila la. Nana Ndia nde Lamatuak neu basa tuan lala'ena, ma Manek neu basa manek lala'ena.”

NINITAK 7:17

Nana Bi'ilopo Ana fo nangatuuk nai kandela manek ndia tala'da heo na, neukose Ana da'di sila manafoo na. Neukose Ana hela-noles leo oe mata manafe maso'da ka leu. Ma neukose Manetualain hali nama'da hataholi sila luu oe nala leme mata nala mai.”