MAZMUR 96:4 - Susula Malalaok Hehelu Palak Ma Hehelu Beuk

⁴ Nana Manetualain matuina, ma nanakoa-nanakiok nanseli, muse bii-namata'u neun, lena heni basa lamatua daebafak lala'ena.

MAZMUR 96:4 Σταυροειδείς Αναφορές

2TAWARIKH 2:4

Besak ia, au nau afofo'a uma nakalupu-nakatela hehelik esa soaneu fe ha'da-holomata neu au Manetualain. Nai uma ndia, au ma au laung-ngala neukose sene-do'ok neun nenik tunu boomenik kaboomenik, boema tunu-hotu fen loti tunga faik. Nai uma ndia boe, neukose ami tunu-hotu tutunu-hohotuk nanatunuk tunga-tunga fafain-na ma le'odaen-na nai fai Sabat-ta, fai malole Bula Beuk-ka ma fai hehelik fe'ek-kala soaneu fe ha'da-holomata neu ami Amam Manetualaim. Nana, Ana paleta basa fo ela hataholi Israel-la tao dede'ak ndia losa dodoo na.

NEHEMIA 9:5

Hataholi Lewi-la nde mulai nakaluku-nakatelek ndia. Hataholi Lewi sila-la nde: Yesua, Kadmiel, Bani, Hasabneya, Serebya, Hodia, Sebanya ma Petahya. Lafa'da lae, “Fo'a mapadeik fo koa-kio Manetualain fo ita Manetualain-na! Fe kokoa-kikiok neun losa dodon-na neu! Koa-kio na'den fo henuk no mandela-masa'ak, na'dek fo maneni-mafa'dak, lena heni basa koa-kiok lala'en-na!”

MAZMUR 145:3

Nana Manetualain matua-madema, ma nanakoa-nanakiok nanseli, matua-mademan ta hapu dodoo-nala fan.

MAZMUR 150:2

Koa-kion, nanahu tatao-nono'i matuainan-na. Koa-kion, nanahu mandela-masa'a matuainan-na.

MAZMUR 18:3

Ou Manetualain, fo au pupuku batung, au kota musung ma au manasoi-manatefang-nga, Au Manetualaing au lete batung, au mamana nasulu-nahapang-nga. Au babaa fanang, ma manamanea au, fo au nee-nee lino-lino tataas esa, au kota musung-nga.

MAZMUR 48:1

Teidalek Korah kokoa-kikion-na.

MAZMUR 66:3

Mafa'da Manetualain leon mae, “Tete'ek-ka, O tatao-nono'im, matua-madema! Musu-a, nakatele neu O no bibii-namata'u matuaina, nana O koasam-ma, ba'un-na seli.

MAZMUR 66:5

Mai leona, fo mete Manetualain tatao-nono'in, tete'ek-ka, tatao-nono'in matua-madema nai hataholi daebafak-ka tala'da!

MAZMUR 76:7

Basa ndala-la loo hataholi manasa'en-nala, tu'da de mates hu kande, O nasapalam-ma, ou Yakob Manetualain-na!

MAZMUR 86:10

Nana O makadelek, ma O tao manada'di beuk-kala, ka'da O nde Manetualain-na.

MAZMUR 89:7

Nai lalai, ta hapu hata fo, sama leo O fa, ou Manetualain, ta hapu mahahaek nusa so'dak fo, sama leo O fa.

MAZMUR 95:3

Nana Manetualain nde bee-na, Manetualain fo matua-madema, Manek makadelek fo nai lamatua daebafak lala'ena lain.

KELUARAN 18:11

Besak ia, au bubuluk ae Manetualain, ba'ulena basa lamatuak lala'en-na, nanahu Ana tao basa sila-la, nai lelek hataholi Masir-ra no koao-ndaeaok nanseli, ala tuni-ndeni hataholi Israel-la.”

YEREMIA 5:22

Au nde Manetualain-na; te tao le'e de, emi ta bii-mamata'u neu Au fa? Tunga ndoon-na, emi muse dele ngge'be-ngge'be neu Au! Au nde tao tasi su'un-na, da'di tasi too-lanen, fo ta hapu la'o lena fan, losa dodoon-na. Tasi fo'a, fo lii-la napoponu, tehu ana ta hapu lena dae too ndia fa.

DANIAL 2:47

Manek-ka nafa'da nae, “Tete'ek-ka Danial, o Manetualaim ndia matuaina nanseli nai basa Manetualain lala'en-na. Ndia nde been-na, manakoasa neu basa manek lala'en-na, ma manasoi heni basa bibila-babaak lala'en-na. Au bubuluk dede'ak ndia, nana o mafa'da-malak bibila-babaak ndia sosoa-ndandaan.”

LUKAS 12:5

Malole na Au atu'du fe emi, see ka nde emi muse emi bii-mamata'u nana. Bii-mamata'u leona neu Manetualain! Nana Ana ho'i basa ani haha'e ka soona, nanuu koasa boe, soaneu tapa emi leo tasi ha'ik dale neu. Te'e-te'e Ndia nde muse emi bii-mamata'u nana!

NINITAK 15:4

See ka nde ta bii neu O fa Lamatuak? See ka nde ta nau tui-benga O matua-mademan fa? Ka'da O mesa ma nde malalaok. Basa leoina lala'ena neukose ala mai sene-do'ok neu O, nanahu O tatao-nono'im tunga matetu na, basa hataholi la litan so.”

SEMUEL SUSULAK-KA ESAN-NA 4:8

Soe tete'ek-ka! See kande, bisa soi-tefa-na ita teme lamatua daebafak fo mabe'i-balakaik ndia mai? Ade, lamatua daebafak sila-la ta nde makahulun-na, taolisa hataholi Masir-ra neme moo solokaek-ka hetu?