MAZMUR 91:5 - Susula Malalaok Hehelu Palak Ma Hehelu Beuk

⁵ O ta bole bii-mamata'u neu soe manai fai le'odaen-na, do manasapu no kaiboik-ka, nai fai lele'don-na;

MAZMUR 91:5 Σταυροειδείς Αναφορές

2RAJA-RAJA 7:6

Nana, Manetualain tao-na hataholi Siria-la, lamanene maliik-ka, sama leo solda'du manasa'e ndala, ma manasa'e kaleta bubuaina esa, ala mai sapu. Hataholi Siria sila-la, laedaenga, mane Israel-la, se'ba basa mane Het-ta, ma mane Masir-ra loo solda'dun-nala, fo ala mai sapu-la sila.

AYUB 6:4

Manetualain, Fo Manakoasa, kokou isin-na tola au aopang-nga; de lason-na, nananama leo basa au aopaa-samaneng lala'en-na neu. Manetualain koasa matuainan-na, neni bibii-namata'uk nanseli, de nono'kabai, musu nook-ka solda'dun-nala sapu-la au.

MAZMUR 112:7

Ana ta bii, sipo halak ta malole fa, dalen-na natea-nahele, nanahu namahele neu Manetualain.

MAZMUR 46:2

Manetualain nde been-na, ita manamasulu-mahapan, ma ita be'i-balakain. Naheheleaon tataas esa, ma Ana tulu-fali nabe'i ita, nai to'a-taak-ka dalek.

AMSAL 28:1

Hataholi mangalauk-ka nalai, leomae hataholi ta usi fan, tehu hataholi dale ndoos-sa, napalani sama leo singa.

KIDUNG AGUNG 3:8

fo lalelak natee-natatik nai musu dale. Sila basa-basas lasakue tafaina nai kale'bon-nala laheheleao fo lasasalematak loo musu-a nai fai le'odaen-na.

YESAYA 21:4

Au daleng-nga ta tesa-tama fa; au ame'da bibii-namata'uk, de ana taon-na au dele. Le'odaek fo au ahiik-kana, ka'da neni dedele nuku-nukuk.

YESAYA 43:2

Metema, o lena tunga oe dale soona, neukose Au sama-sama o o, neukose, o ta bolo nai, o toto'a-tataam dale fa. Metema, o la'ok tunga ha'i dale soona, neukose ha'i-a, ta na'a naputu o fa, Soso'ba-susu'di mabelaina-la, neukose ta tao soe o fa.

MATEOS 8:26

Yesus fo'a boema nafa'das nae, “Te tao le'e de emi bii? Emi kulang namahehelek neu Au!” Basa boema Yesus fo'a napadeik de, nasapala ani na ma dano a. Boema dano a oe na nakamate.

LUKAS 12:20

Tehu Manetualain nafa'dan nae, ‘Hei nggoa konei! Le'odaek ia boe, mate o, fo neukose see ka nde hapu basa su'i-betes fo o makadudulu mak sila la?’

LUKAS 12:39

Mafandendelek ia leona! Leo uni ka uma lamatuak bubuluk li'u ba'u bee nakodaa neukose ana mai soona, neukose nanea fo ela nakodaa ta masok leo uman dale neu fa.

IBRANI 13:6

Hu ndia de, ita tapalani tafa'da tae, “Au Lamatua nga nde bee na, au manatulu-faling, de au ta bii fa. Hata fo hataholi daebafa ka, hapu tao-no'in neu au?”