MAZMUR 90:3 - Susula Malalaok Hehelu Palak Ma Hehelu Beuk

³ O madenu hataholi daebafak-ka fali ne'un leo mamana dada'di-momolin neu, fo da'di dae sama leo makasososan-na.

MAZMUR 90:3 Σταυροειδείς Αναφορές

KEJADIAN 3:19

Neukose, o maue-male'di no sosota-mamanguk, ma o pusem ma ti'ti, soaneu ana taon-na dae ia nabuna-naboa hata esa, losa o fali leo dae-a muu, nana o da'di meme dae-a mai. O da'di meme dae-a mai, de neukose o fali leo dae-a muu boe.”

AYUB 12:10

Ndia nde, ito-ato basa mahahaek lala'en-na, so'dan-na; Ndia nde koasa, hataholi daebafak-ka ani hahaen-na.

MAZMUR 104:29

Metema O lepos masadea soona, ala bii; metema O ho'i falik ani hahaen-na soona, ala mopo-mate fo ala da'di falik dae, sama leo makasososan-na.

MAZMUR 146:4

Metema, mates soona, ala fali leo dae-a leu; faik ndia boe, sila dale tutun-nala mopok-kana.

PENGKHOTBAH 12:7

Neukose ita aopaan-na ana fali, fo ana da'di afu nai daebafak-ka. Neukose ita ani hahaen-na, ana fali leo Manetualain neu. Ndia nde manafe-ka, fo da'di leo baba'e-babatik.

BILANGAN 14:35

Au soo, ae neukose Au taon leondiak soaneu neu emi, fo hataholi mangalauk fo malahalak soaneu la'ban Au. Neukose mate la'iesak emi, nai moo solokaek ia. Au, fo Manetualain, nde manakokolak-ka.’ ”