MAZMUR 74:9 - Susula Malalaok Hehelu Palak Ma Hehelu Beuk

⁹ Ta mita nabi-nabi, ma manada'di beuk so'on, ma ta hapu hataholi esa boen, ana bubuluk, manada'di leoiak-ka, nakandoo losa faihi'da.

MAZMUR 74:9 Σταυροειδείς Αναφορές

KELUARAN 12:13

Daak manai emi umam-ma lelesu-na, neukose ana da'di ta'du-tana neme uma fo emi mamana leleom-ma. Metema Au ita daak ndia soona, Au la'o seli emi, ma nai lelek Au huku Masir-ra, Au ta tao amopo-amate emi fa.

RATAPAN 2:9

Dae-a nakadofu ketu lelesuinan-nala, la'di la'iesak ai betubalan-nala; manek-ka no manapaleta-la lai mamana tu'u-tapak. Ta lanoli hataholi-a, Manetualain hoholo-lalanen so'on, nabi-la ta sipo ninitak neme Manetualain mai so'on.

YESKIAL 20:12

Au adenus fo, ala tao lalalao-lalalafu fai Sabat-ta, da'di leo ta'du-tana neu Au hehelu-balataang no sila, soaneu fes nasanene'dak, nae Au Manetualain, tao sila da'di Au ana heheling so.

YESKIAL 7:26

Susa-soe ma tutui-bebenga ta malole-la, ala mai tataas esa. Neukose, emi dokodoe, fo ela basa nabi-la, lafa'da ela emi, dede'a-kokolak, tehu ala ta bisa fa. Basa imam-mala, nanolin ta, soaneu lanoli salanik-kala, ma mopo mauli-malangan nanoli-nafa'dan so.

AMOS 8:11

Manetualain Fo Mademaina, nafa'da nae, “Neukose fain-na losa, Au fe la'a-ndoes da'di nai nusak ia. Neukose hataholi-a namala'a, tehu ta namala'a nana'a-nininuk fa. Neukose hataholi-a maa ma'da, tehu ana ta maa ma'da oe fa. Te lamala'a ma maa ma'da neu Au dede'a-kokolang.

MIKHA 3:6

“Hai nabi, emi faim-ma, hihii nae basan so; emi le'dom-ma sanga tenak so. Neukose emi ta hapu seluk ninitak fo nafa'da Au dale tutu'ung-ngala so'on. Neukose emi ta hapu mafa'da memak hata-hata so'on.”

MIKHA 3:7

Hataholi-hataholi fo lafa'da memak fai manamaik-ka nenini na, neukose ala hapu mamaek, nanahu lafa'da memak-ka, ta la'e fan. Mopo basa-basas mata-panan, nanahu Manetualain ta nataa fas.

IBRANI 2:4

Fe'ek neme ndia mai, Manetualain boetai tao natetea-nahehele hataholi sila tutui-bebengan, ninik Ana tao manda'di beu matak-mata kala, ma dede'a matua ina la, boema Ana baba'e fee-feek maneme Dula Dale ka, tunga hihii-nanau mesa na.

HAKIM-HAKIM 6:17

Boema, Gideon nataa nae, “Metema tete'ek-ka Manetualain nahiik au soona, so'ba fe ta'du-tana esa, mae memak Manetualain nde fe au paleta ia.

SEMUEL SUSULAK-KA ESAN-NA 3:1

Ndia te, Semuel fo bei ni'iana ndia, nalalau-naoono Manetualain nai Eli paletan-na dae. Nai tepo-lelek ndia, la'i esa-la'i esa de'i fo, hapu hala heheluk ma ninitak neme Manetualain mai.