MAZMUR 72:3 - Susula Malalaok Hehelu Palak Ma Hehelu Beuk

³ Ela leo been-na, ami nusam-ma tetu-temak ma so'da-molek, ma hapu ndoos ma matetuk ba'eneu leoina lala'ena.

MAZMUR 72:3 Σταυροειδείς Αναφορές

MAZMUR 65:12

Hu kande, O dale malolem-ma, de tunga teuk O sadia keketu-kokoluk; O tunga bee soona, hapu manasasi kao-kaok-ka.

MAZMUR 72:16

Ela leo been-na, gadum-ma sasi kao-kao nai nusak-ka lala'ena, ma pupukun-nala henuk no daebafak-ka buna-boan. Ela leo been-na daen-na nalole sama leo Letelepak Libanon-na, ma laun manai kotan-na lamaba'u sama leo na'u manai mook-ka.

YESAYA 45:8

Au akona sesengik-ka, neme lalai mai, sama leo u'dan-na, daebafak-ka nakapepela liman-na, soaneu ana sipok-kana, boema, Au akamomolik so'da-molek ma ao loak-ka; Au Manetualain fo manamakadada'dik basa sila-la.”

YESAYA 52:7

Namahokok nanseli, mete hataholi nadedenuk-ka, mamain-na; ana la'ok la'di letelepak-ka de neni hala malole, hala so'da-molek, hala so'da-molek ba'eneu Sion; nae, “O Manetualaim-ma Manek!”

YESAYA 60:17

Au uni lilopilas, fo nggati liti, ma lilofulak, fo nggati besi. Au fe liti, fo nggati ai, ma besi, fo nggati batu. Neukose Au tao-a, o nusam-ma nee-nee lino-linok, ma mole-dame, ma nanapaletak no ndoos ma matetuk.

DANIAL 9:24

Teuk hituhulu la'i hitu ndia nde faik fo Manetualain naketun soaneu Ana soi-po'i o leoinam-ma, ma o kotam fo malalao-malalafuk ndia neme sala-singok ma tatao-nono'i mangalauk-ka mai. Basa sala-singok lala'en-na, neukose hapu do'o do ampon ma napadedeik natetu ndoos ma matetuk fo manaketu basa taak-ka, nalosa ninitak ma hala nafa'da elak ndia, neukose ala da'di, ma Manetualain Uman fo malalao-malalafuk ndia, neukose pake falik-kana soaneu Manetualain.

YOEL 3:18

Nai lelek ndia, neukose lete-letek-kala henuk no osi angol. Neukose bana-manu la'a na'u nai pupukuk manaleloakak-kala. Neukose ta ma'da Lee manai Yehuda-la makandondook fa. Neukose lee esa, ana faa neme Manetualain Uman mai, fo oen-na faa no nee-nee lino-linok leo Bafak Akasia neu.