MAZMUR 7:9 - Susula Malalaok Hehelu Palak Ma Hehelu Beuk

⁹ O maketu-mala'di hataholi daebafak-ka; fe au ndoos ma matetuk, ou Manetualain, nana au salang ta.

MAZMUR 7:9 Σταυροειδείς Αναφορές

KEJADIAN 20:5

Saotoun-na, nafa'da nae ndia fa'din inak ndia, ma inak ndia, nafa'da nae leo ndia boe. Au tao tataos ndia no dale malalaok, da'di au ta asala fa.”

1RAJA-RAJA 8:32

ou Amak, ela leo been-na O mamanenen nai nusa so'dak-ka, ma maketu O atam ia la dede'a na. Huku manamasala ka nandaa no tatao-nono'in, ma po'i sala taa ka.

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

MAZMUR 10:15

Helu la'di hataholi mangalauk-ka, ma hataholi malelesik-kala, koasan-na; hukus, nanahu tatao-nono'in-nala, losa lame'da litan fo ala bii.

MAZMUR 10:18

O masala'e anamaak-kala, ma hataholi nanatuni-ndenik-kala, dede'an-na, fo ela hataholi boso nakabibiik-kasa bai.

MAZMUR 11:5

Manetualain fola hataholi ndoos-sa, ma hataholi mangalauk-ka Ana ta hii hataholi fo, ana nau ka'da laka-nakasetik-ka.

MAZMUR 139:1

Soaneu mauli-malanga nakameek-ka. Dauk Kokoa-kikiok. Ou Manetualain, O bubuluk besa-besa moo au, ma O malelak au.

MAZMUR 17:3

Meteme O fola au daleng-nga ma O mai palisak besa-besa mo au nai fai le'odaen-na soona, neukose O hapum-ma, au daleng-nga ndoos ma matetuk; au hala-kokolang sama leo au dudu'a-aafing.

MAZMUR 18:21

Manetualain balas au tatao-nono'ing fo ndoos-sa; Ana ba'e-pala au, nana au salang ta.

MAZMUR 26:2

Palisak matalolole au, ou Manetualain, ma fola au leona, palisak au hihii-nanaung ma au dudu'a-aafing leona.

MAZMUR 35:23

Fo'a leona, fo masala'e au dede'ang-nga, ou au Manetualaingma au Amang-nga, tulu-fali au leona!

MAZMUR 37:23

Manetualain hela-nole hataholi nai enok fo, ana la'ok tungak-ka, Ana tao natea-nahele hataholi fo, so'dan-na nandaa no dalen-na.

MAZMUR 40:2

Au ahani Manetualain tutulu-fafalin no ta haelai amanasa fa; boema Ana taoafik neu au, ma namanene au dokodoeng-nga.

MAZMUR 43:1

Fe ndoos ma matetuk-ka neu au, ou Manetualain masala'e au haak-ka soaneu leoina malelesik-ka. Se'i-po'i au neme hataholi mangalauk ma manatipu-daik-ka mai.

MAZMUR 44:21

Leounik-ka, ami ta sene-do'ok seluk neu Manetualain fa, te ami hule-haladoi neu lamatua daebafak fa'ek soona,

MAZMUR 58:6

fo ta namanene manamanea malelak-ka, halan-na fa, do hataholi fo manafe paleta neunana halan-na fa.

MAZMUR 9:9

Ana paleta leoina-la, no ndoos ma matetuk ma naketu-nala'dis tunga ndoon-na.

MAZMUR 96:10

Tui-benga neu leoina-la mae, “Manetualain ndia Manek! Daebafak-ka, matea-mahelek, de ta naggengo fa; Neukose Ana naketu-nala'di leoina-la no ndoos ma matetuk.”

MAZMUR 96:13

Nana Manetualain mai paleta nai daebafak-ka, Neukose Ana naketu-nala'di leoina-la no ndoos ma matetuk, ma tunga ndoo-na.

MAZMUR 98:9

Nana, Ana mai, fo naketu-nala'di daebafak-ka; neukose, Ana naketu-nala'di leoina-la no ndoos ma matetuk ma la'en.

YEREMIA 11:20

Boema au hule-haladoi ae, “Ou Manetualain Fo Manakoasa, O manamaketu-mala'dik fo matetuk; O nde so'ba-su'di dudu'a-aafik-ka ma hataholi-la dalen-na. Au dede'ang ia Au fen leo o-a neu. Ela leo been-na o nde ito mutang O bala hataholi-hataholi sila-la tatao-nono'in-nala.”

YEREMIA 17:10

Au Manetualain, manapalisak dalek, Au su'di-dou hataholi daebafak dale bobongo anan-na, Neukose Au balas hataholi-a esa-esak tunga ndia tatao-nono'in. boema Au tao tunga sila tatao-nono'in.”

YEREMIA 20:12

Tehu, ou Manetualain Fo Manakoasa, O fola hataholi daebafak-ka no ndoos matetuk; O bubuluk sila dalen-na ma dudu'a-aafin-nala. Hu ndia de sa'di leo been-na au ita o balas musu fo tatao-nono'i mangalaun-na nana au fe basa au dede'ang-nga lo O neu so.

DANIAL 11:45

Nakalenak, neukose napadedeik lalaa temak paletan-na nai tasi ma letek-ka tala'da; letek fo Manetualain Uma mamanan-na. Tehu basa boema, neukose maten, de ta hapu hataholi esa boen tulu-fali fan.”

HATAHOLI 12:23

No hatematak ndia boe, Lamatua ka ata nusa so'da na fapa Herodes, nana ana ta fe ha'da-holomata neu Manetualain fa. Boema kalati kala la'a Herodes de maten.

ROMA 16:25

Kokoa-kikiok neu Manetualain! Nanuu koasa fo natetea-nahehele emi namahehele ma, nandaa no Manetualain Hala Malolen fo au tui-bengan la'eneu Yesus Kristus. Au tui-benga halak ndia nandaa no hata fo Manetualain nafa'da ka: fo nde la'eneu Manetualain dale tutu'un fo teu netek eli la, hataholi a beita bubulu kana fa.

1 TESALONIKA 3:13

No enok ndia, neukose Lamatua ka natetea-nahehele emi dale ma, fo emi da'di malalaok, ma emi ta masala-masingo nai ita Aman Manetualain matan, nai lelek fo ita Lamatuan Yesus, Ana mai no basa hata fo ana da'di Ndia nuu nala.

1 PETRUS 5:10

Tehu emi doidoso basa hatematak esa soona, neukose Manetualain tao na emi da'di matetu-mandaak. Neukose Ana fe emi mapadeik metetu, ma natetea-nahehele emi. Nanahu Ndia nde bee na, Manetualain fo dale susue na, ba'u na seli. Fo nalo basa emi, soaneu emi mame'da mita matua-mademan fo, mana ketu basa ta ka, tunga Kristus.

YUDAS 1:1

Tolano-tolanook fo, Manetualain nalo basak, ma sue-lai ma naneas soaneu Yesus Kristus. Da'dileo Yesus Kristu satan, au – Yudas – fo Yakobis tolanoo na,

NINITAK 2:23

Neukose Au taoisa la'iesak hataholi manatunga nala boe, fo ela basa salani kala lame'da lae, Au nde Ndia fo manabubuluk hataholi daebafa ka dudu'a-aafin ma dale nala. Neukose Au balas emi tunga emi esa-esak tatao-nono'in.

SEMUEL SUSULAK-KA ESAN-NA 16:7

Tehu Manetualain nafa'da Semuel nae, “O dalem-ma boso tu'da, hu kande mata makee-na ma ao mademan-na; Au ahiik-ka, ta nde ndia fa. Au mata memeteng-nga ta sama leo hataholi daebafak-ka mata memeten-na fa. Hataholi daebafak-ka mete matak, te Au mete dalek.”

SEMUEL SUSULAK-KA ESAN-NA 2:9

Hataholi manalilinekak-ka nee-nee lino-lino tataas esa nai Manetualain nasulu-nahapan dale. Tehu manatao mangalauk-ka mate mopon nai makiu-makahatuk dale. Ta bisa tasalai dea-tala neu be'i-balakai mesa-tala fa, hataholi daebafak-ka be'i-balakain ta neni sesengik fa.