MAZMUR 7:8 - Susula Malalaok Hehelu Palak Ma Hehelu Beuk

⁸ Taom-makabubua leoina-la nai O boboa-kaisum, fo koasa neme O kandela manem manai nusa so'dak-ka mai.

MAZMUR 7:8 Σταυροειδείς Αναφορές

KEJADIAN 18:25

Boso taomisa hataholi sala taak sila-la, sama-sama loo hataholi masalak-kala. Bosok Manetualain! Nana, metema Manetualain taon soona, tao leo bee-o, neukose hataholi sala taak-kala, nanahukuk sama-sama loo hataholi masalak-kala. Hapu nai bee, manakee-manafula lalai ma daebafak-ka, ho'i nakeketuk fo ta ndoos ma matetuk fa!”

KEJADIAN 31:53

Manetualain fo Abraham sene-do'ok-ka, ma au amang Nahor sene-do'ok-ka, neukose ana da'di manamaketu-mala'dik neu ita.” Boema Yakob soo nenik Manetualain, fo aman Isak sene-do'ok-ka na'den-na, fo ana tao natetu hehelu-balataan.

2TAWARIKH 20:12

O nde ami Amam Manetualaim-ma! Huku-doki hataholi sila leona, nanahu ami balakaim ta soaneu masasalematak moo solda'du makadotok fo ala nau sapu-la ami. Ami ta bubuluk muse tao beek-ka fa, hu ndia de ami mai moke tutulu-fafalik neu O.”

MAZMUR 11:4

Manetualain nai Uma malalao-malalafun dale, kandela manen-na, nai nusa so'dak-ka. Ana taoafik neu hataholi daebafak-ka ma Ana bubuluk basa tatao-nono'in lala'en-na.

MAZMUR 25:21

Ela leo been-na, dale malole-a no dale ndoos-sa lanea au, nana au amahena neu O.

MAZMUR 26:1

Dauk kokoa-kikion-na. Fe au ndoos ma matetuk-ka, ou Manetualain, nana au aso'da no dale ndoos. Au amahena neu Manetualain, de au daleng-nga ta naba'e faaanak boen.

MAZMUR 26:11

Tehu au aso'da no dale ndoos, sue-lai ma soi-po'i au leona.

MAZMUR 41:12

Metema musu-a, ta sengi au fa soona, au bubuluk ae O mook au.

MAZMUR 43:1

Fe ndoos ma matetuk-ka neu au, ou Manetualain masala'e au haak-ka soaneu leoina malelesik-ka. Se'i-po'i au neme hataholi mangalauk ma manatipu-daik-ka mai.

MAZMUR 78:72

Dauk nakabobois no dale katematuak, ma ana hela-noles nenik malelan-na.

MAZMUR 82:1

Asaf Kokoa-kikion. Manetualain nauli-nalanga nakabua malalao-malalafuk-ka, nai nusa so'dak-ka, boema Ana fe naketu-nala'din nae:

MAZMUR 9:8

Manetualain paleta losa dodoon-na; Ana napadedeik kandela manen-na, fo naketu-nala'di daebafak-ka

MAZMUR 96:13

Nana Manetualain mai paleta nai daebafak-ka, Neukose Ana naketu-nala'di leoina-la no ndoos ma matetuk, ma tunga ndoo-na.

MAZMUR 98:9

Nana, Ana mai, fo naketu-nala'di daebafak-ka; neukose, Ana naketu-nala'di leoina-la no ndoos ma matetuk ma la'en.

AMSAL 19:1

Malole lenak hataholi nuu-taa hata-taak, fo dalen-na ndoos, neme hataholi nggoak, fo ana nau nasapepekok-nasandandali.

HATAHOLI 17:31

Nana naketu basa faik esa soaneu naketu-nala'di basa daebafak ia lala'ena tunga matetu na. Manetualain hele basa hataholi esa soaneu nakalala'ok bela ba'uk ndia. Boema fo ela basa hataholi lala'ena lamahele dede'ak ndia de Manetualain tao naso'da falik hataholi ndia neme mamate sa mai so!”

2 KORINTUS 1:12

Ami mamahoko nana ami dale bobongoana ma natetea-nahehele ami nae, ami maso'dam nai daebafak ia, makasososa na ami tututi-nanatom mo emi a, ami makalala'ok basan no dale ndoos ma matetuk so. Ami tao basa sila la ta no hataholi daebafak manatee teno na fa, tehu no be'ibalakaik fo Manetualain fe ka.

1 TESALONIKA 2:10

Ami maso'da no malalaok, ndoos, ma ami ta masala-masingo soaneu emi fo, mana mamahele basak neu Kristu sa so. Manetualain ma emi, nde da'di ami sakasii ma.