MAZMUR 69:3 - Susula Malalaok Hehelu Palak Ma Hehelu Beuk

³ Au kosik leo oe madema dale u, ta hapu mamanak fo au apadeik fa. Au bolo nai oe madema dale, lii matuaina tao-na au bolo.

MAZMUR 69:3 Σταυροειδείς Αναφορές

AYUB 11:20

Tehu, hataholi mangalauk-ka, neukose ana mete, fo napangamak, nana, ta hapu tutulu-fafalik ba'eneu sila fa. Sila namahehenan-na, ka'da kisak esa mesak-kana, fo nde, mamates-sa, losa lai-lai leona.”

AYUB 16:16

Au mata-panang pilas, hu kande kikiik-ka; au mata loung-nga peta, ma ana kapahe'duoe.

MAZMUR 119:123

Au matang-nga nakete no ahani O tutulu-fafalim fo maneni maso'dak-ka, au ahani soi-po'ik fo O heluk-ka.

MAZMUR 119:82

Au matang-nga sota-mangu no nahani O tao matetu O hehelum-ma, au afa'da ae, “Neukose faihi'da de'i fo O kokoe-nanasi au?”

MAZMUR 22:15

Au be'i-balakaing basan, sama leo po'a heni oe-a, basa au duing-ngala latasesu leme sesesun-nala mai, au daleng-nga noe, sama leo lilik-ka.

MAZMUR 22:2

Au Manetualaing, ou au Manetualaing, tao le'e de O la'oela au? Au aloo bou-bou, tehu O mahele nai dook-ka, de O ta tulu-fali au fa.

MAZMUR 25:21

Ela leo been-na, dale malole-a no dale ndoos-sa lanea au, nana au amahena neu O.

MAZMUR 39:7

so'dan-na sapu-lalo sama leo salaok-ka. Ana nakalupu ka'da hata fo, sosoa-ndandaan ta; ana nakaduduluk hata-heto, tehu ana ta bubuluk see kande pake-nggao-nana fa.

MAZMUR 40:3

Ana hela-na au neme bolok soe-a dalek ma neme tane manai puuk dale-a mai. Ana nangatutuuk au neu, pupuku batu lain, nalosa au ei ngganggani-nga matetuk.

MAZMUR 6:6

Nana nai bolo mamates-sa dalek, ta lafandele O so'on; ta hapu manakoa-kio O nai hataholi manamatek-ka daebafan-na fa.

MAZMUR 69:21

Nakamumulu-nakamamaek-ka, tao nakalulutuk au daleng-nga, ma ketu au namahehenang-nga. Au sanga susue-lalaik, tehu manada'di tak, au sanga kokoe-nanasik, tehu au ta hapu fa.

MAZMUR 88:7

O tapa au leo, bolo madema dale neu, leo bolo mamates madema, ma makahatuk dale neu.

YESAYA 38:14

Au halang-nga, boetai namaanak-ka, ma ta balakaik-ka fa, au hoo-nggu'u, sama leo manupui kalua. Au matang-nga namakai, nanahu au anganalo leo lalai u, Manetualain, soi-po'i au eme toto'a-tataak ia mai

RATAPAN 2:11

Au matang-nga peta, nanahu ta hahae kikiik-ka fa, au samaneng-nga doi-doso nanseli. Au daleng-nga nakalulutuk mete leoina tutu'dan-na; mete ni'iana-la boema ni'iana manasu'uk-kala sapala'o nai kota enon-nala.

YOHANIS 19:28

Yesus bubuluk nae, besak ia basan lala'ena natetu-nandaa so, boema fo ela hata fo nanasulak nai Susula Malalaok dale ana da'di, boema nae, “Au maa nga ma'da ka.”

ULANGAN 28:32

Neukose ala fe heni, emi anam-mala leo hataholi nusa dea-la, nai emi matam, fo ala taos da'di ata. Tunga faik, emi mata-ma nakete, nana emi sanga emi anam-mala, tehu manada'di tak, nana neukose ala ta fali so'on.

IBRANI 5:7

Nai lelek fo Yesus naso'da neme daebafak ia, Ana hule-haladoi, ma dokodoe no ngganggasik ma kikiik neu Manetualain fo nabe'i soi-tefa nalan neme mamate sa mai. Ma hu ka nde nakatele neu Manetualain no ha'da-holomata henuk neu Manetualain, de Manetualain namanenen.