MAZMUR 69:21 - Susula Malalaok Hehelu Palak Ma Hehelu Beuk

²¹ Nakamumulu-nakamamaek-ka, tao nakalulutuk au daleng-nga, ma ketu au namahehenang-nga. Au sanga susue-lalaik, tehu manada'di tak, au sanga kokoe-nanasik, tehu au ta hapu fa.

MAZMUR 69:21 Σταυροειδείς Αναφορές

PENGKHOTBAH 4:1

Basa boema, au taoafik seluk neu ta ndoos ma matetuk lala'en fo ala da'di nai daebafak ia. Hataholi nanantuni-ndenik-kala kii, ma ta hapu hataholi nau tulu-fali fas. Ta hapu hataholi esa boen, nau tulu-fali fas, nanahu manatuni-ndenik sila, lanuu koasa matuaina.

YEREMIA 23:15

Manetualain Fo Manakoasa nafa'da nae, “Neukose Au fe basa nabi-nabi manai Yerusalem-mala sesele-bubu'u makaheduk soaneu nana'an-nala ma laso soaneu nininun-nala, nanahu ala tao-la hataholi-hataholi manamai nusak-ka lala'en-na ala ta fe ha'da-holomata mai Au fa.”

YEREMIA 8:14

Manetualain anan-nala bekola lae, “Tao le'e de, ita ta tao hata-hata fa? Mai fo, basa-basa tala, talai leo nusa fe'ek, fo kotan-nala makota musuk, nemen-na ata mate nai naa. Ita Amam Manetualain naketu basa, nae muse mopo-mate ita. Ana fe basa ita laso, fo ita tinu, nana ita tasala-tasingo neun.

YEREMIA 9:15

Hu ndia de, mamanene hata fo Au, Manetualain Fo Manakoasa, fo Israel Manetualain-na, neukose taon nde: Neukose Au fe anang-ngala la'a bubu'u-palusa makahe'duk, ma linu laso.

RATAPAN 1:2

Le'odae katemak esa dalen-na, ana kii no dale he'dik, luuoen-na titi nai nasebu'un-na. Ta hapu hataholi esa boen, neme basa tou-ta'e susuen-na nau kokoe-nanasik fan. Tia-lain-nala lalelesin de lasafali da'di musu nok.

RATAPAN 1:9

Manggenggeon-na, nananitak no mangale'dok, tehu ta nafaduli, neukose hata da'di la'eneu aoinan-na fa. Tutu'dan-na ba'un-naseli, tehu ta hapu hataholi esa boen, kokoe-nanasi fan. Boema ana dokodoe susue-lalaik neme Manetualain mai, nanahu musun-nala sengi so.

MATEOS 27:34

Nai mamanak ndia, ala fe Yesus ninu angol nanasese'do bana he'duoe. Tehu Yesus nalamei nita angol ndia boema Ana ta nau ninu fa.

MATEOS 27:48

Boema hataholi esa neme hataholi sila la tala'da mai, lai-lai neu ho'i na bue esa de ana dopen leo angol makeis dale neu. Basa boema ana kofun neu ai esa pe'da na, de ana lo kana leo Yesus difadoo na neu.

MARKUS 15:23

Boema ala fe Yesus ninu angol nanasese'do laluteik, tehu Yesus ta nau ninu angol ndia fa.

MARKUS 15:36

Boema hataholi sila la esa lai-lai neu ho'i buebunak, de ana dopen leo angol makeis dale neu. Basa boema ana ko'fu bue bunak ndia neu ai ndanak esa pe'da na, de ana lo kana leo Yesus difadoo na neu, ma nae, “Tahani fo, ata mete su'dik fafa'kama, Elia mai nakonan neme ai nggangek lain mai do.”

LUKAS 23:36

Solda'du la boeo hakinonolin. Leu deka lon de ala fen angol makeis,

ULANGAN 29:18

Da'di manea, fo boso nalosak hataholi esa nai emi dalek, nau touk do inak boe, do teidale-bobongik do leo fo manamapadeik manai ia-la, ala fali deak leme emi Manetualain-ma mai, fo ala sene-do'ok neu, leoina fe'ek-kala lamatua daebafak-nala. Tatao-nono'ik ndia, sama leo aiokak-ka ana moli, fo ana da'di bubu'u-palusa makahe'duk ma malasok.