MAZMUR 6:2 - Susula Malalaok Hehelu Palak Ma Hehelu Beuk

² Manetualain, boso fepa-li'u au nai O nasa-melum-ma dalek, boso huku au, nai O nasa-melum-ma dalek.

MAZMUR 6:2 Σταυροειδείς Αναφορές

KEJADIAN 20:17

Manetualain taon-na basa inak manai Abimelekh uma manen-na, manabongi tak no'u-no'u, nanahu manada'dik no Sara, fo Abraham saon ndia. Boema, Abraham hule-haladoi neu Manetualain, de Manetualain tao nalea-nahai Abimelekh, saon-na ma ata inan-nala, nalosa inak sila-la hapu bongi seluk.

AYUB 19:21

Hai, au tia-laing-ngala lemin, sue-lai au dei nana Manetualain liman-na, fepa au.

AYUB 5:18

Nana, Manetualain nde tao nahe'di, de Ndia boeo, nde puli-namo'do, Ma liman fo manafepa-li'uk-ka, nde tao malole falik-kana.

MAZMUR 22:14

Lasasale matak loo au no bafan-nala beepoo, sama leo singa nanggao fo ana kaa.

MAZMUR 30:2

Au koa-kio O, ou Manetualain, nana O soi-tefa basa au so ma O ta po'ilotak au musung-nga eeki-natadale au fa.

MAZMUR 31:10

Ou Manetualain, sue-lai au, nana au ai toto'a-tataak-ka dalek; au matang-nga nake'te, nanahu au kii, au samanen-nga male-tale

MAZMUR 32:3

Nai lelek au ta manaku au sala-singong fa, au doi-doso nanahu au ahoo tunga faik.

MAZMUR 38:2

Manetualain, boso huku au nai O nasa-melun dale, boso fepa-li'u au nai O nasa-melum dale.

MAZMUR 38:3

O kou-kou isim-ma, ana tola de ana hina au aopaang-nga, au ame'da O lima belam-ma, ne'e au.

MAZMUR 38:7

Au akatele ma akabuku, tunga faik, au la'ok no dale he'dik.

MAZMUR 51:8

O mahiik dale ndoos-sa; tao mahenu au daleng-nga nenik O manatee-tenom-ma.

KELUARAN 15:26

Manetualain nae, “Tunga Au no te'e-te'ek, ma tao hata fo Au meten malole; tunga la'iesak Au paletang-ngala. Metema emi tao tungan leondiak soona, neukose Au ta huku emi nenik he'di-laus fo Au fen neu hataholi Masir-ra. Au nde Manetualain, fo manatao nalea-nahai emi-a.”

YEREMIA 10:24

Fepa li'u ami ou Manetualain, tehu boso fepa liu mahe'di ami nanseli. Boeo boso huku ami, metema O nasam-ma be fo'a, nana tao leo beo neukose ami basa-mala mate-mopo.

YEREMIA 17:14

Manetualain, tao mahai au dei, soona neukose auda'di so'da-la'dak. Soi-tefa mala au dei, soona neukose au hapu so'dak. Ka'da O mesam-ma fo au koa-kiok-ka!

HOSEA 6:1

Hataholi Israel-la lafa'da lae, “Mai fo ata fali leo Manetualain Manakoasa teu. Ndia nde tao nakahehe'dik ita, tehu neukose, Ndia boeo nde tao nahai ita. Ndia nde tao nahina ita, tehu neukose, Ndia boeo nde puli-namo'do ita bisun-nala.

BILANGAN 12:13

Boema, Musa naloo bou-bou neu Manetualain nae, “Ou Manetualain, au dokodoe fo ela-leo been-na, fen lea-hai leona!”

MATEOS 4:24

Ala benga Yesus nafeo basa nusa Siria lala'ena, nalosa hataholi makadotok mai leo Yesus mai. Ala lo basa hataholi kamahe'di mata-mata kala ma hataholi mana to'a-ta kala. Hataholi nitu sa'e kala, kamulu bi'i kala, ma lu'u ei kala de Yesus nakahahaik basa-basas.

ULANGAN 32:39

Mete leona, te Au Manetualain Fo Kisak esa mesak-kana, ta hapu lamatuak daebafak fe'ek fa, te ka'da Au mesang-nga. Au nde taoisa, ma Au nde tao aso'da falik-kana, Au nde tao ahinan, ma Au nde tao alea-ahain-na. Metema, Au tao-no'i hata esa, soona ta hapu manalena-la'ban fa