MAZMUR 55:2 - Susula Malalaok Hehelu Palak Ma Hehelu Beuk

² Ou Manetualain, mamanene au huhule-haladoing leona, boso lepos masadea au dokodoeng-nga.

MAZMUR 55:2 Σταυροειδείς Αναφορές

MAZMUR 17:1

Dauk huhule-haladoin. Mamanene au hala naloloong fo, dokodoe ndoos ma matetuk-ka, taoafik neu au huhule-haladoing fo neme au dale ndoong-nga mai, ou Manetualain.

MAZMUR 32:3

Nai lelek au ta manaku au sala-singong fa, au doi-doso nanahu au ahoo tunga faik.

MAZMUR 38:6

Au bisung-ngala nanak mesa-mesan, ma laboo pulu, nanahu au tao nono'kabai, au amanggoa.

MAZMUR 43:2

O nde Manetualain, fo au masulu-mahapang; tao le'e de, O la'oela au? Tao le'e de, au muse doi-doso akandoo hu kande au musung-ngala tuni-ndenin?

MAZMUR 64:1

Soaneu mauli-malanga nakameek-ka. Dauk kokoa-kikiok.

MAZMUR 66:19

Tehu Manetualain namanene basa au so, de Ana taoafik neu au dokodoeng-nga.

MAZMUR 77:3

Nai fai toto'a-tataak-ka, au hule-haladoi neu Manetualain; le'odae katemak esa dalen-na, au so'uk au limang-nga neun no ta sota-mangu fa, tehu au daleng-nga, ta nau nanakokoe-nanasik fa.

YESAYA 38:14

Au halang-nga, boetai namaanak-ka, ma ta balakaik-ka fa, au hoo-nggu'u, sama leo manupui kalua. Au matang-nga namakai, nanahu au anganalo leo lalai u, Manetualain, soi-po'i au eme toto'a-tataak ia mai

YESAYA 59:11

Ami bii-mamata'u, ma dale he'di; ami sanga ndoos ma matetuk-ka, tehu ta hapu fan; ami mamahena so'da-molek-ka, tehu manada'di tak.

RATAPAN 3:56

Au dokodoe anseli, boso ko'oketu O di'idoom-ma soaneu au nonokeng-nga, fo ela O tulu-fali au. Boema O mamanene au huhule-haladoing, ma O mai deka; O mafa'da mae, ‘Boso bii.’