MAZMUR 41:13 - Susula Malalaok Hehelu Palak Ma Hehelu Beuk

¹³ O tulu-fali au, nanahu au daleng-nga ndoos, ma ana tao-na au aso'da sama-sama o O, losa dodo-na.

MAZMUR 41:13 Σταυροειδείς Αναφορές

1RAJA-RAJA 1:36

Benaya nataa nae, “Hei, Ama Manek Fo Mandela-masa'ak, ela leo been-na Amak, fo Ama Manek Manetualain na, tao natea-nahele Ama Manek paletan ndia.

1 TAWARIKH 16:36

Koa-kio Amak, fo Israel Manetualain na, besak ia losa dodoon-na! Basa boema basa hataholi Israel-la lala'en-na lafa'da lae, “Tete'ek ka”, boema ala koa-kio Manetualain.

1 TAWARIKH 29:10

Manek Dauk-ka koa-kio Manetualain nai hataholi makadotok sila-la matan. Ana nafa'da nae, “Ou Manetualain fo ami bei-ba'i kaim Yakob sene-do'ok-ka, kokoa-kikiok soaneu O losa dodoon-na!

MAZMUR 106:48

Koa-kio Amak, fo Israel Manetualain-na, besak ia, losa dodoon-na. Nemen-na fo, hataholi-la lafa'da lae, “Amin!” (Tete'ek-ka!) Koa-kio Manetualain leona!

MAZMUR 147:6

Ana hela nafofo'a, hataholi nanatuni-ndenik-ka, tehu Ana bala hataholi mangalauk-ka, neu dae lain.

MAZMUR 150:6

Ela leo bee-na basa mahahaek maso'dak-kala, koa-kio Manetualain. Koa-kio Manetualain leona!

MAZMUR 89:52

Ou Manetualain, O musum-mala, lakamumulu-lakamamaek manek fo O helek-ka. Neu su'di leo bee neu boe, ala hakinonolin.

YEREMIA 28:6

“Malole so! Sa'di leo been-na o neuk sila-la da'di mata-nitak, ma te'e-te'e Manetualain neni falik neme Babel-la mai Manetualain Uman-na hata-heton ma no basa hataholi fo nanatu'u-tapak lo naa neu-a.

BILANGAN 5:22

Oe fo maneni soo-supak ia, neukose ana masok leo o teim dale neu, fo ana tao-na o teim-ma natafuu, ma ana tao-na o puu huum-ma, loun-na kukulu.” Soona inak ndia muse nataa nae, “Au sipok; de sa'di leo been-na, Manetualain taon leondiak.”

MATEOS 6:13

Matetea ami namahele ma, nai faik fo soso'ba-susu'di ka so'ba-su'di ami, tehu mapo'ik ami neme nitu mangalau ka koasa na mai. Nanahu O nde Manek mana koasa, ma mandela masa'ak, losa dodoo na. Amin.’

1 KORINTUS 14:16

Nana metema emi moke makasi neu Manetualain, ninik emi dula dale ma mesa kana, ma hapu hataholi fe'ek fo ta nalelak dede'a matabeuk fo maneme Manetualain Dula Dale na mai ndia fa soona, hataholi ndia ta hapu nafa'da nae, “Amin”, neu o huhule-haladoi makasim ndia, nana ana ta bubuluk hata fo emi mafa'da ka fa.

EFESUS 1:3

Koa-kio Manetualain, fo ita Aman Lamatuak Yesus Kristus! Ana ba'e-pala ita ninik basa baba'e-papala samane ka nai nusa so'da ka dalek, nanahu ita da'di esa to Kristus.

NINITAK 11:17

Lafa'da lae, “Manetualain Fo Mana Koasa, fo nai, ma nai ia so! Ami moke makasi neu O, nana O pake basa O koasa matuaina ma, de O mulai paleta so!

NINITAK 22:20

Ndia fo manamanduku-malosak basa hala heheluk ia la nae, “Tete'e ka, neukose Au mai no lai-laik!” Amin! Mai leona, ou Lamatuak Yesus!

NINITAK 4:8

Mahahae kahak sila la esa soona, li'dan ne, boema nai boboa-kaisun ma nai dalek henuk no matak. Lele'do-le'odaen mahahaek sila la ta hahae lakamee lae, “Malalaok, malalaok, Manetualain malalaok, Manetualain Mana Koasa; fo nai ia, nai ia so, ma nai ia losa doo na.”

NINITAK 7:12

Lalo lae, “Amin! Kokoa-kikiok neu ita Aman Manetualain, fo matua-madema ma manatee tenok. Ndia nandaa sipo basa huhule-haladoi makasi, ma ha'da-holomata. Ndia manakoasa ma be'i balakaik, losa dodoo na! Amin.”