MAZMUR 32:6 - Susula Malalaok Hehelu Palak Ma Hehelu Beuk

⁶ Hu ndia de, basa hataholi kamahehelek-kala muse hule-haladoi nai lelek ala la'ola'di to'a-taak-ka, nalosa metema faa susa-soe-a ana mai soona, ta la'e fan.

MAZMUR 32:6 Σταυροειδείς Αναφορές

MAZMUR 144:7

Look O limam-ma, neme nusa so'dak-ka mai, fo soi-po'i au neme faa mai. Soi-tefa-mala au, neme hataholi nusa dea koasan-na,

MAZMUR 4:3

Hai hataholi-la lemin, bei doo bee seluk bai, fo emi makadadaek au Manetualaing-nga? Emi sue-lai hata mana da'di tak-ka ma usi hata fo, ta ndoos-sa fa, losa fai hi'da?

MAZMUR 40:3

Ana hela-na au neme bolok soe-a dalek ma neme tane manai puuk dale-a mai. Ana nangatutuuk au neu, pupuku batu lain, nalosa au ei ngganggani-nga matetuk.

MAZMUR 42:7

Nai mamana okak ia, au daleng-nga nakalulutuk, hu ndia de, au afandele neu Manetualain. Au samaneng-nga bolo nai faa dale he'dik dale faa tasi'bu-a sa'e-na au; sama leo Lee Yarden-na oe lili'don-na nggun-na neme Lete Hermon ma Lete Mizar-ra mai.

MAZMUR 91:7

Nemen-na fo, hataholi lifun esa, mate nai o boboam-ma, ma lifun sanahulu nai o boboa konam-ma, tehu, neukose o ta makahina fa.

AMSAL 1:28

Nai lelek ndia, neukose emi maloo au, tehu neukose, au ta ataa fa. Neukose emi sanga au nai basa mamanak lala'ena, tehu emi ta matongo moo au fa.

YESAYA 43:2

Metema, o lena tunga oe dale soona, neukose Au sama-sama o o, neukose, o ta bolo nai, o toto'a-tataam dale fa. Metema, o la'ok tunga ha'i dale soona, neukose ha'i-a, ta na'a naputu o fa, Soso'ba-susu'di mabelaina-la, neukose ta tao soe o fa.

YESAYA 49:8

Manetualain nafa'da nan-nala nae, “Nai lelek, Au daleng-nga nau soona, neukose Au ataa; nai Au fai soi-tefang-nga, Au tulu-fali emi. Au asulu-ahapa, ma Au anea emi, ma Au tao emi da'di, hehelu-balataak ba'eneu leoinak-kala Au ta abebeu nusak mananee-nee lino-linok-ka da'di dae pusaka fo nanaleok.

YESAYA 55:6

Fali leo Manetualain mai leona, nai lelek bei bisa hapun; maloo bou-bou neun, nai lelek Ana deka.

YOHANIS 7:34

Neukose emi sanga Au, tehu emi ta hapu matongo mo Au so'on. Nanahu emi ta hapu meu leo mamanak ndia meu fa.”

2 KORINTUS 1:4

Ana tao natea-nahele ami dale ma, nai lelek fo ami la'ola'di toto'a-tataa ka, fo ela no be'i-balakaik fo ami sipon neme Manetualain mai ndia, ami boeo hapu tao matea-mahele basa hataholi manai toto'a-tataa ka dalek.

2 KORINTUS 6:2

Nai Susula Malalaok dale Manetualain nafa'da nae, “Nai faik fo Au ahii kana, Au amanene basa o so, ma nai fai so'da-mole ka, Au tulu-fali basa o so.” Mafandendelek matalolole, te besak ia nde faik fo Au ahiik ndia! Besak ia nde faik soaneu emi nanasoi-tefak!

1 TIMOTIUS 1:16

Tehu neme enok ndia mai de, Manetualain sue-lai au, fo ela basa hataholi la lita, Kristus Yesus ta haelai namanasa au fo, hataholi masala-masingok ia. Fo dede'ak ia, ana da'di natutu'duk esa, soaneu basa hataholi fo, neu fai makabuin besa ka lamahele neun na, ala hapu so'da matetu ka, ma mana ketu basa ta ka.

TITUS 2:12

Manetualain susue-lalain ndia, nde nanoli ita fo ela ita so'da na boso naseikosalak no Manetualain hihii-nanaun, ma ita boso tunga hihii-nanau daebafa ka. Ita nanananoli-nafa'dak, fo ela ita hapu takatatakak ita ao ina na, tao tunga ndo na, ma ata lilineka tahele neu Manetualain, nai lelek fo ita taso'da nai daebafak ia.