MAZMUR 26:9 - Susula Malalaok Hehelu Palak Ma Hehelu Beuk

⁹ Boso taomisa au, sama-sama no hataholi masala-masingok-ka, do ho'i-ma au samaneng-nga sama-sama no kanisak-kala.

MAZMUR 26:9 Σταυροειδείς Αναφορές

2 SEMUEL 16:7

Simei soo-supa Dauk nenik dede'ak-kala nde ia, “La'o leona! La'o leona! Kanisak-konei! Manatao tatao-nono'i mangalauk-konei!

2 SEMUEL 21:1

Nai tepo-lelek Dauk paleta, la'a-ndoes matuaina, ana da'di teuk telu dalen-na. Boema, Dauk noke natutu'duk neme Manetualain mai, la'eneu la'a-ndoes ndia, de ManetualainManakoasa nafa'da nae, “La'a-ndoes ndia da'di, hu kande Saul no teidalen-nala salan-na, nana ala taolisa hataholi Gibeon-nala.”

MAZMUR 139:19

Ou Manetualain, ela bee-na O tao mamopo-mamate hataholi mangalauk-ka, madook basa kanisak-kala, neme au mai!

MAZMUR 51:14

Fe au amahoko-setelee seluk, nanahu so'da-molek fo neme O mai, fe au dalek fo ana nau tunga neu O.

MAZMUR 55:23

Fe o dale manaba'ihanam-ma neu Manetualain, soona neukose Ana tia-to'ba o; nana hataholi dale ndoos-sa, Ana ta po'ilotak-kana kala fa.

MALEAKHI 3:18

Neukose Au anang-ngala, lita seluk hataholi malole, ma hataholi mangalauk, hataholi manasene-do'ok, ma manasene-do'ok tak-ka, so'dan-nala ta sama fa.”

MATEOS 24:51

Soona neukose tua na fepa-li'u nalo'bo malalau-maoono ndia, basa soona ana tapan leo hataholi mana dea-dale kala mamana na neu. Neukose ala kii-makaleleu ma ala doidoso nai naa.”

MATEOS 25:32

Neukose nalo nakabubua basa leoina lala'ena neu mata na. Boema Ana ta'da ba'es neu bubuak dua, sama leo mana foo a ta'da fe'e bi'ilopo neme bi'ihii ka mai.

MATEOS 25:44

Boema lafa'dan lae, ‘Lamatuak, faihi'da ka nde ami mita Lamatua ka namala'a, do maa ma'da, do hataholi mana mai, do papake-ngganggaon ta, do mamahe'di, do nai bui dale, te ami ta tulu-fali Lamatua ka fa?’

MATEOS 25:46

Soona neukose hataholi sila la nanahukuk ninik huhuku mana ketu basa ta ka, tehu hataholi mana tao tunga Manetualain hihii-nanau na, neukose ala hapu maso'da matetu ka, ma mana ketu basa ta ka.”

SEMUEL SUSULAK-KA ESAN-NA 25:29

Leouni'ka, hataholi esa, sapu-na au Ama Maneng, fo ana so'ba taonisa au Ama Maneng soona, tao leo bee-o, neukose Manetualain nasulu-nahapa au Ama Maneng, sama leo hataholi mahata-hetok-ka, nanea hata-heton. Tehu neukose, Manetualain tapa heni au Ama Maneng musun-na, leo dook eli neu, sama leo hataholi manaho'u pipiluk-ka, ana pilu batu-a leo dook eli neu.