MAZMUR 2:9 - Susula Malalaok Hehelu Palak Ma Hehelu Beuk

⁹ Neukose o helu la'dis nenik aitete'e besi ma o tao ba'en, sama leo uledae-a.’ ”

MAZMUR 2:9 Σταυροειδείς Αναφορές

MAZMUR 89:23

Neukose musu-a, ta sengi fan, ma neukose hataholi mangalauk-ka, ta tuni-ndeni fan.

YESAYA 30:14

Neukose emi sopu-sopu, sama leo uledae fo ba'en, de ana da'di bibia-bibiak-kala, nalosa ta hapu bibian sila-la esa boen, hapu due nenik ha'ikaak neme la'o dale mai, do ndui nenik oe neme bak dale mai fa.”

YESAYA 60:12

Leoina, ma nusak fo ala ta nau lakatele neu o fa, neukose mate-mopos, fo mopok-kasa.

YEREMIA 13:14

Boema neukose Au tao tapasasala sila esa no esa. Lasik ma mulik, neukose Au tao taos tao leondiak ta pake do'o-do ampon fa. Neukose Au tao akatoto'a-akatatak-kasa ta pake nameme'da susuek do lalaik fa. Au Manetualain, nde manakokolak-ka.”

YEREMIA 19:11

Au muse afa'da sila ae Manetualain Fo Manakoasa nafa'da nae leo ia, neukose leoina ma kota ia Au tao akalulutuk de nalosa ana da'di sama leo kete fo ba'ek ndia fo ta hapu tao nahiin seluk fa. Neukose hataholi natotoi-natotono sila popolan nai Tofet, nanahu ta hapu seluk mamana lo-late fe'ek fa.

DANIAL 2:44

Nai lelek manek sila-la paleta, Manetualain manai nusa so'dak-ka, neukose napadedeik nusak esa fo neukose nakatatakak losa dodoon-na, ma neukose leoina bee boe ta hapu sengi fan. Nusak ndia neukose tao nakalulutuk basa nusa fe'ek sila-la lala'en-na.

DANIAL 2:45

Ade, Ama Manek ta nita basa nae hataholi ta koila'e batu esa fa, te batu ndia tu'da neme felak lain mai, boema napaluni ma ana tao nakalulutuk dodoki-dudulak neme besi, liti, dae ulek, lilofulak ma lilopilas ndia mai hetu? Manetualain fo matuaina, nafa'da Ama Manek hata fo neukose ana da'di. Bisa lamahele me'is ndia, ma atam-ma nafa'da mangalele'don-na la'en.”

MIKHA 5:8

Neukose Israel sengi musun-nala, boema ana tao nakalulutuk la'iesak-kasa.

MATEOS 21:44

Metema hataholi fo mana tu'da neu batu ndia lai na, neukose nakalulutuk; ma metema batu ndia napaluni na see soona, neukose ana loli nakasosopu kana, fo ana da'di afu.”

NINITAK 12:5

Boema inak ndia bongi na ni'iana touanak esa, fo neukose ana paleta basa hataholi manai daebafa ka ninik aitete'e besik. Tehu ana loso na ni'iana ndia neme inak ndia mai, boema non leo Manetualain ma leo kandela mane na matan neu.

NINITAK 19:15

Tafaina matane esa kalua neme bafa na mai, ma ninik tafaina ndia de neukose Ana sengi leoina la ma neukose Ana paletas ninik ai tete'e besi. Ana ka'bi ango la nai Manetualain Fo Mana Koasa kaka'bi angol nasa-melu na dalek.