MAZMUR 16:3 - Susula Malalaok Hehelu Palak Ma Hehelu Beuk

³ Au fe ha'da-holomata neu hataholi malalao-malalafuk fo, manai nusak ia-la; au dale namahokong-nga nde, au leo nakabubua nos.

MAZMUR 16:3 Σταυροειδείς Αναφορές

2TAWARIKH 6:41

Fo'a besak ia leon, ou Manetualain! Ma sama-sama moo Peti Hehelu-balataak fo ana da'di dulak neme O koasa-ma mai ndia, ela leo been-na O masok leo O Uma ia dalek muu, fo leo nai ialosa dodoon-na. Ba'epala basa O imam-mala tatao-nono'in lala'en-na, ma ela leo been-na O anam lala'en-na laua-lanale nanahu O malole neu sila.

MAZMUR 101:6

Au ahiik hataholi fo, ana lilineka neu Manetualain; hataholi sila, bole leo nai au umang. Hataholi fo aso'dan-na bu'u-ba'en ta, bole nalalau-naoono au.

MAZMUR 116:15

Manetualain nasasale dale nanseli, metema mate hataholi susue-lalain esa.

MAZMUR 119:63

Au tao tia-laik o basa hataholi kamahehelek-kala, ma basa hataholi fo, lakalala'ok O paletam-ma.

MAZMUR 122:8

Hu kande au tolanoo ka'a-fa'ding, ma au tia-laing-ngala, de au afa'da ae, “Ela leo bee-na, o so'da-molek!”

MAZMUR 30:4

O matapo'i au neme mamates-sa mai, ma O tao maso'da au neme hataholi manamatek-kala tala'da mai.

AMSAL 12:26

Hataholi malole-a, naua-nanale lena heni uma titia-tatain-na; hataholi mangalauk-ka natofa-natalak, nanahu tatao-nono'i mangalaun-na.

AMSAL 13:20

Hataholi fo, ana leo-napalasa no hataholi manatee-tenok-ka, neukose ana da'di manatee-tenok; tehu hataholi fo, ana leo-napalasa no hataholi nggoak-ka, neukose ana hapu soe.

AMSAL 8:31

Au amahoko-setelee nai daebafak-ka poin-na, ma ame'da amahoko nai hataholi daebafak-ka tala'da.

KIDUNG AGUNG 7:10

Au touana susueng-nga nuun au, de nahiik au.

YESAYA 62:4

O na'dem-ma, ta nde ‘Fo Nanala'oelak so'on’, o nusam-ma, ta na'de ‘Fo Mananee-nee lino-linok so'on’. Neukose loke o lae, ‘Fo Manetualain sue-lain’, ma o nusam-ma, nanafoik na'de, ‘Fo Ka'bing basa so’, nana Manetualain dalen-na nandaa no o, Ndia sama leo, o nusam-ma, saotoun-na.

MALEAKHI 3:17

Manetualain Fo Manakoasa, nafa'da nae, “Neukose ala da'di Au anang-ngala. Nai faik fo Au aketu-ala'di, neukose ala da'di Au hata-heto susue-lalaing. Neukose Au sue-lais, sama leo amak manasue-lai anan fo manaleo non-na.

HATAHOLI 9:13

Boema Ananias nafa'dan nae, “Lamatuak, au amanene hataholi ba'u ka kokolak hataholi ndia, lenak-lenak tutuni-ndendenik neu O hataholi kamahehelem manai Yerusalem mala.

GALATIA 6:10

Hu ndia de, metema bei hapu fai loak soaneu ita soona, ela leo bee na ata tao malole neu basa hataholi lala'ena, lena-lenak ba'eneu ita tolanoon fo, ita namahehelek esa.

EFESUS 1:1

Manetualain hataholi kamahehelen fo manai Efesus ala, fo mana lilinekak neu Kristu sala lemin!

TITUS 3:8

Dede'ak ia, memak tete'e ka la'en. Au nau o taoafik neu dede'ak ia la, fo ela hataholi fo lamahele neu Manetualai na, te'e-te'e ala sanga enok soaneu ala tao-no'i tatao-nono'i malole ma masosoa-ndandaak soaneu basa hataholi lala'ena.

IBRANI 6:10

Ita Manetualain ta nde Manetualain fo ta mana tao tunga ndo na fa. Ana ta nafandele heni hata fo emi tao-no'i ba'eneu na fa, ma susue-lalaik fo emi matu'du neun, nai lelek tulu-fali tolano-tolanook fo namahehelek esa, nai makahulu na ma besak ia.