MAZMUR 139:12 - Susula Malalaok Hehelu Palak Ma Hehelu Beuk

¹² soona makiu-makahatuk ndia boeo, ta da'di makiu-kahatuk ba'eneu O fa; le'odaek ndia mangale'dok, sama leo lele'dok-ka, ma makiu-makahatuk ndia, sama leo mangale'dok-ka.

MAZMUR 139:12 Σταυροειδείς Αναφορές

AYUB 26:6

Nai Manetualain matan soona, hataholi manamatek-ka daebafan-na, natahuka, nanakena tak, nalosa nitan.

AYUB 34:22

Leomae makahatu kiu-kiuina boeo, ta hapu makahatuk, fo bisa nafuni hataholi masala-masingok-ka fa.

KELUARAN 14:20

nai solda'du Masir-ra ma solda'du Israel-la tala'da. Ko'as ndia, neni makahatuk, nalosa le'odae katemak esa, solda'du bubua ka duak sila-la, esa ta hapu deka no esa fa.

KELUARAN 20:21

Tehu hataholi sila-la, lapadeik lahele lai dook-ka, de ka'da Musa neu deka no ko'a makahatuk-ka, nai mamanak fo Manetualain nai ndia.

DANIAL 2:22

Ndia nde nafa'da bibila-babaak mademaina. Ndia bubuluk basa hata lala'en fo ana da'di nai makahatuk dale. Mandela-masa'an-na poti-nan.

IBRANI 4:13

Ta hapu mahahaek esa boen, fo nanafunik neme Manetualain mata memete na mai fa. Basan lala'ena makaholak ma nanabukak nai mata na. Hu ndia de, ita muse fe natataak neun.