MAZMUR 120:1 - Susula Malalaok Hehelu Palak Ma Hehelu Beuk

¹ Nakamee dodonge-dadamak. Nai au susang-nga dalek, au aloo bou-bou neu Manetualain, de nataa au.

MAZMUR 120:1 Σταυροειδείς Αναφορές

MAZMUR 102:2

Ou Manetualain, mamanene au huhule-haladoing, nemen-na fo, au dokodoeng-nga losa O matam.

MAZMUR 107:13

Nai sila susan-na dalek, ala laloo bou-bou neu Manetualain, de Ana soi-po'is leme makase'ek-ka dalek mai.

MAZMUR 118:5

Nai au makase'eng-nga dalek, au aloo bou-bou neu Manetualain; boema nataa, de Ana soi-po'i au.

MAZMUR 121:1

Nakamee dodonge-dadamak. Au akanae leo letek-kala neu, boema au atane ae, au manatulu-manafaling, ana mai neme bee mai?

MAZMUR 122:1

Dauk nakamee dodonge-dadaman. Au amahoko-setelee, nai lelek hataholi-la lafa'da au lae, “Mai fo, ata teu leo Manetualain Uman-na teu!”

MAZMUR 123:1

Nakamee dodonge-dadamak. Au anganalo neu O, ou Manetualain, fo manapaleta nai nusa so'dak-ka.

MAZMUR 124:1

Dauk nakamee dodonge-dadaman. Tao leo beek fo, leouni'ka Manetualain ta nok ita fa? Hai Israel, mataa mae leo ia:

MAZMUR 125:1

Nakamee dodonge-dadamak. Hataholi fo, namahele neu Manetualain nde bee-na, sama leo Pupuku Sion fo, matea-mahelek de ta nanggengo fa, ma nakatatakak losa dodoon-na.

MAZMUR 126:1

Nakamee dodonge-dadamak. Lelek Manetualain tao nabebeu Yerusalem boema, ita sama leo talame'i!

MAZMUR 127:1

Salomo nakameen-na. Metema, Manetualain ta nde, nafofo'a uma fa soona, basa tuka-la tatao-nono'in manada'di tak. Metema, Manetualain ta nde, nasulu-nahapa kota fa soona, basa manamanea-la nanean-na, manada'di tak.

MAZMUR 128:1

Nakamee dodonge-dadamak. Maua-manalek ba'eneu hataholi kamahehelek-ka, ma hataholi fo, naso'da tunga Manetualain paletan-na.

MAZMUR 129:1

Nakamee dodonge-dadamak. Israel, mafa'da leon, tao leo bee de, musu-a fepa-li'u o, neme lelek o muli-solum-ma mai.

MAZMUR 130:1

Nakamee dodonge-dadamak. Ou Manetualain, au aloo bou-bou neu O, neme fakak susa dalek mai.

MAZMUR 131:1

Dauk nakamee dodonge-dadaman. Manetualain, au ta amatutua-amadedema au aoinang-nga, ma ta koao-ndaeao fa. Au ta usi dede'a matuaina-la fa, do hata fo, tean-na seli ba'eneu au.

MAZMUR 132:1

Nakamee dodonge-dadamak. Ou Manetualain, mafandele Dauk no basa doi-doson lala'ena.

MAZMUR 133:1

Dauk nakamee dodonge-dadaman. Tete'ek-ka, malole ma namahokok nanseli, metema Manetualain anan-nala laso'da no mole-dame!

MAZMUR 134:1

Nakamee dodonge-dadamak. Mai fo, koa-kio Manetualain, hai basa Manetualain atan-nala lemin, basa manamaik fo lalalau-laoono nai Manetualain Uman, nai fai le'odaen-na.

MAZMUR 18:6

Susa soe mamates-sa, okofefeon-na au so, hihi'i mamates-sala, nanalonak nai au matang-nga.

MAZMUR 50:15

Maloo bou-bou neu Au, nai lelek fai toto'a-tataak-ka, neukose Au soi-po'i emi, ma neukose emi koa-kio Au.”

MAZMUR 50:23

Hataholi fo, ana tunu-hotu tutunu-hohotu makasi da'di leo ndia tutunu-hohotun soona, ndia nde fe ha'da-holomata neu Au; ma ba'eneu hataholi fo manasadia enok-ka neukose Au atu'dun so'da-molek-ka neme Au mai.”

YUNUS 2:2

“Ou Manetualain, nai au susang-nga dalek, au aloo neu O de O mataa au Au dokodoe tutulu-fafalik neme hataholi manamatek-kala daebafan dale mai, de O mamanene ma O taoafik neu au dokodoeng-nga.

YUNUS 2:3

O tapa au leo mamana madema neu losa tasi bui mate'en-na. Oe manafaak-ka, okofeo-na au nai ndia, lii-a ba'u neni au.

LUKAS 22:44

Yesus dale na susa nanseli, nalosa Ana boetai te'e-te'e hule-haladoi. Puse na sama leo daa ka, ana titi leo dae lain neu.

IBRANI 5:7

Nai lelek fo Yesus naso'da neme daebafak ia, Ana hule-haladoi, ma dokodoe no ngganggasik ma kikiik neu Manetualain fo nabe'i soi-tefa nalan neme mamate sa mai. Ma hu ka nde nakatele neu Manetualain no ha'da-holomata henuk neu Manetualain, de Manetualain namanenen.

SEMUEL SUSULAK-KA ESAN-NA 1:20

Inak ndia nailu, de ana bongi anatouk esa. Ana foin na'de Semuel, nana nafa'da nae, “Au oken neme Manetualain mai so.”

SEMUEL SUSULAK-KA ESAN-NA 1:27

Ni'iana ia nde, au oken neme Manetualain mai. Ana sipok au huhule-haladoing,