MAZMUR 119:141 - Susula Malalaok Hehelu Palak Ma Hehelu Beuk

¹⁴¹ Au ia, hataholi anak, ma matasi'da-matasaek, tehu au ta afandele heni O nanolim-ma fa.

MAZMUR 119:141 Σταυροειδείς Αναφορές

MAZMUR 119:109

Au ase'o au so'dang-nga tataas esa, tehu au ta afandele heni, O hoholo-lalanem fa.

MAZMUR 119:16

O nakeketum-ma, tao namahoko au; neukose au ta afandele heni O nanolim-ma fa.

MAZMUR 119:176

Au atofa-asalak leo bi'i lopo manamopokka, de mai fo sanga-ma O atam ia, Hukande au ta la'o ela O paleta ma fa.

MAZMUR 22:6

Laloo bou-bou neu O, de O fes laladeak; lamahena, de dalen-nala tesa-tama.

MAZMUR 40:17

Ela leo been-na, hataholi manasene-do'ok neu O-a, lamahoko ma setelee, ma hataholi manasue-lai so'da-molek neme O mai-a, lafa'da lakandoo lae, “Tete'ek-ka, Manetualain matua-madema!”

AMSAL 15:16

Malole lenak hata-heto lumanak, tehu hata-heto lumanak ndia, sama-sama no bibii-namata'u neu Manetualain, neme hata-heto makadotok, tehu hata-heto makadotok ndia, sama-sama no bibii-namata'uk.

AMSAL 16:8

Malole lenak hapu-dai faaanak, tehu hapun tunga eno ndoos-sa, neme hapu-dai makadotok, tehu ta hapun tunga eno ndoos ma matetuk-ka fa.

AMSAL 19:1

Malole lenak hataholi nuu-taa hata-taak, fo dalen-na ndoos, neme hataholi nggoak, fo ana nau nasapepekok-nasandandali.

AMSAL 3:1

Anang-ngonei, boso mafandele heni hata fo au anolin neu o so. Mafandendelek tataas esa neu au paletang-nga,

YESAYA 53:3

Ita takadadaek-kana, ma ta deka to fan, hataholi fo henuk no doidosok-ka, ma biasa ana lu'a-lepa he'di-laus. Hataholi esa boen, ta nau mete fan, ma ita boeo, ta nau taoafik neu fan.

LUKAS 6:20

Yesus nanganalo ana manatunga nala boema nae, “Maua-manalek neu emi, fo nuu ta-hata ta kala, nanahu emi nde bee na, Manetualain hataholi kamahehele nala lima-ein!

LUKAS 9:58

Yesus nataa nae, “Busa fui a mabolok, ma manupui a mandunuk, tehu Ana Hataholi ka ta nanuu mamanak soaneu nakalololik aoina na neu fa.”

2 KORINTUS 8:9

Nana emi bubuluk tete'e ka, Yesus Kristus fo ita Lamatua na sue-lai na ita ba'u na seli. Yesus kamasu'ik, tehu Ana tao aoina na da'di nuu ta-hata tak, soaneu emi paluu ma, fo ela no nuu ta-hata tan ndia, emi da'di kamasu'ik.

YAKOBIS 2:5

Mafandendelek tolano-tolanoo susue-lalai ngala lemein! Manetualain hele basa hataholi nuu taa-hata tak manai daebafak ia la, ala da'di hataholi kamasu'ik nai namahehele ka dalek. Neukose hataholi sila la, nde da'di Manetualain hataholi kamahehelen, sama leo Manetualain helu basan neu hataholi mana sue-lai nana.