MAZMUR 113:9 - Susula Malalaok Hehelu Palak Ma Hehelu Beuk

⁹ Ana ba'e-bati fe saoinak ana tak-kala, anak, Ana taon da'di ina fo, maua-manale malole, ma nanafe ha'da-holomata nai uman dale. Koa-kio Manetualain leona!

MAZMUR 113:9 Σταυροειδείς Αναφορές

KEJADIAN 25:21

Hu kande Ribka ta bongi fa, de Isak hule-haladoi neu Manetualain soaneu saoinan Ribka. De Manetualain sipok Isak huhule-haladoin, boema Ribka nailu.

2RAJA-RAJA 4:17

Tehu tete'ek-ka, leo Elisa halan-na. Teu manamaik-ka, fo fafa'kama nai faik fo sama, inak ndia bongi-na ni'iana touanak esa.

MAZMUR 68:6

Manetualain fo manaleo nai Uma malalao-malalafun-na nde bee-na, anamak-kala aman, ma manamasala'e faluina-la.

YESAYA 54:1

Yerusalem, makahulun-na, o sama leo ina ta manabongik, fo ta bisa bongi fa. Tehu besak ia, hika-matadale leona, ma makamee no namahoko-seteleek! Nana o anam-mala, makadotok nanseli, lena heni, ina maela saok-ka, anan-nala.

BILANGAN 5:28

Tehu leounik-ka ta nasala fa soona, soo-supak ndia ta la'e fan, de ana bei bisa bongi seluk.

GALATIA 4:27

Nanahu nai Susula Malalaok dale nanasulak nae, “Mamahoko setelee leon, hei ina kalte'di sala lemin, inak fo beita bongi nita la'i esa boen! Mamahoko-setelee ma hika-matadale leon, hei emi fo beita mame'da mita he'di bobongi ka la'i esa boen! Nanahu inak fo saotou na nalai la'oela nana, neukose ana bongi seluk anak ba'u ka, neme inak fo bei naso'da no saotou na.”

SEMUEL SUSULAK-KA ESAN-NA 2:5

Hataholi fo makahulun-na nakabete nanahu nana'a-nininun sasi kao-kao, besak ia, ana da'di hataholi mana'a ngga'di, ka'da soaneu hapu nana'ak. Hataholi fo makahulun-na namala'a-namandoe, besak ia namahokok, nana'a-nininun dai so. Saoinak kalate'dis-sa, besak ia dalen-na namatua, ana bongi-na ni'iana hitu so! Tehu inak fo anan ba'uk-ka, dalen-na he'dis-sa, nanahu ana-nala mate la'oelan.