MAZMUR 10:14 - Susula Malalaok Hehelu Palak Ma Hehelu Beuk

¹⁴ Tehu O mitan; O taoafik neu toto'a-tataak, ma doidosok-ka, ma O maheheleaom tataas esa, soaneu tulu-fali. Hataholi tapandoes-sa, ana fe aoinan-na neu O, O tulu-fali hataholi nuu ta-hata tak-ka, tataas esa.

MAZMUR 10:14 Σταυροειδείς Αναφορές

KEJADIAN 21:17

Manetualain namanene Ismael halan-na, de Manetualain ata nusa so'dan-na, ana kokolak no Hagar neme lalai mai nae, “Hagar, o susa beek? Boso bii. Te Manetualain namanene O anam-ma, halan-na so.

KEJADIAN 31:12

Ata nusa so'dak ndia nafa'da seluk nae, ‘Mete mitak, bi'ihii mane fo manamala'bik sila-la, madulak, ma kokotok ma keke'ak. Au sue ito-ato leondiak soaneu o, nanahu Au ita basa, hata fo Laban taon soaneu o so.

2 SEMUEL 16:12

Fafa'kama, Manetualain neukose Ana taoafik neu doidosok ia, fo Ana fe au baba'e-papalak, fo da'di ngganggatik neu soo-supak ndia.”

2TAWARIKH 6:23

ou Manetualain, ela leo been-na O mamanenen nai nusa so'dak-ka fo O maketu O atam ia-la dede'an-nala. Huku manatao salak-kala ma po'i manatao sala taak-kala.

MAZMUR 146:9

Ana nasulu-nahapa hataholi nusa dea-la; Ana tulu-fali basa faluina anamaak-kala, tehu Ana tao-na, hataholi mangalauk-ka dale tutu'un-na, manada'di tak.

MAZMUR 22:11

Neme bongi au mai-a, au ua-naleng nai O limam dale, nai lelek au nai au inang tein dale, O nde au Manetualaing-nga.

MAZMUR 31:8

Neukose au amahoko ma setelee, nana O sue-lai mahele au. O mita au doi-dosong ma O taoafik neu au toto'a-tataang.

MAZMUR 35:22

Tehu O Manetualain, O mitan so; boso denge-denge, ou Manetualain boso dook-ka meme au mai.

MAZMUR 55:22

Hala-kokolan mangana'uk ma nadoe dale tehu nai dalen dale, hapu nakamuu-nakadauk. Hala-kokolan mangana'uanak, tehu ana papau sama leo tafaina matane.

MAZMUR 68:5

Makamee ba'eneu Manetualain, ma koa-kio na'den-na, Sadia eno okofoo ba'eneu Ndia fo, manasa'e ko'as-sa. Na'den-na Manetualain – mamahoko nai matan-na leona!

MAZMUR 68:6

Manetualain fo manaleo nai Uma malalao-malalafun-na nde bee-na, anamak-kala aman, ma manamasala'e faluina-la.

KELUARAN 2:25

Nita ala tao hataholi Israel-la da'di ata, boema Ana ho'i nakeketuk, fo Ana tulu-falis.

KELUARAN 22:22

Boso tao su'di bebe'ik-ka neu faluina do anamaak.

KELUARAN 22:26

Metema emi ho'i-ma hataholi fe'ek ba'du manalun-na da'di neu bua nggangga'dek soona, muse emi fe falik ba'du manalu ndia, bei dai le'do-a beita tenak fa,

AMSAL 15:25

Neukose Manetualain tao natu'u, hataholi manakoao-ndaeaok-ka uman-na, tehu Ana nasulu-nahapa inafalu esa dae pusakan-na.

AMSAL 15:3

Manetualain nita basa hata manada'dik manai mamanak lala'en-na; Ana taoafik neu basa hata fo malole, ma hata fo mangalauk.

YESAYA 10:3

Neukose emi tao beek nai faik fo, Manetualain huku emi? Ade emi sanga enok tao leo beek, nai lelek fo Ana fe soe-a mai neme nusa dook mai? Neukose emi moke tutulu-fafalik neu see? Neukose emi mafuni emi su'i-betem sila-la nai bee?

YEREMIA 16:17

Au ita basa hata fo sila taok-ka so. Ta hapu fo nananafunik ba'eneu Au fa; Sila sala-singon-nala boeo Au itan so.

YEREMIA 23:24

Ta hapu hataholi sa boen nafuni-na ao inan-na neme Au mata memeteng-nga fa, nana Au nae mamanak lala'en-na: nai nusa so'dak-ka ma nai daebafak-ka.

YEREMIA 49:11

Hei Edom! La'o ela o ana kisa anamam-ma neu Au, neukose au akaboboi fo ela o ina falum-mala tu'u dalek neu Au.

YEREMIA 51:56

Sila mai tao nakalulutuk Babel, ho'u leni soloda'du ma helula'di sisilon-nala. Au, Manetualainfo nde manahuku tatao-nono'i mangalauk, ma neukose Au balas Babel tunga ndia tatao-nono'ik.

RATAPAN 3:59

O mita tatao-nono'i mangalauk fo ala taon neu au, musu fo nakamuu-nakadau au-a, ana tutu'u eno mangalauk soaneu au. Hu ndia de, ou Manetualain, masala'e au dede'ang-nga.

HOSEA 14:3

Fali me'um-ma leo Manetualain meu leona, fo manduku-malosak hule-haladoik ia, da'di leo emi tutunu-hohotum neu Manetualain nae, “Manetualain, fe do'o do ampon neu ami sala singom lala'en-na, ma sipo-ma ami hule-haladoim ia, soona neukose ami koa-kio O, sama leo ami hala hehelum-ma.

HOSEA 14:4

Neukose, Asyur ta soi-tefa-nala ami fa, ma ndala natee-natatik-kala, ta hapu tulu-fali ami fa. Neukose ami ta kokolak seluk moo dodoki-dudulak-kala mae, ami Manetualaim-ma nde sila. Ou Manetualain, O sue-lai hataholi fo, ta namahena neu hataholi esa boen.”

YOEL 3:4

Emi sanga tao Au ia le'e, hai Tirus, Sidon ma basa nusa Filistin-na lemin? Emi sanga balas nape'da dalek soaneu Au do? Nah, sipo-ma Au babala manamaing-nga no lai-laik.

HABAKUK 1:13

Tehu, tao le'e de O makatatakak, mete hataholi manatao mangalauk fo dale susue-lalai tak sila-la? Ade O ta malalao-malalafuk manseli, soaneu mete tatao-nono'i magalauk fa hetu? Ade O ta malua mete ta ndoos ma matetuk-ka fa hetu? Da'di, tao le'e de, O ka'da denge-denge, nai lelek hataholi malenalanga-masa'basok-kala tao lakalulutuk hataholi kamahehelek-kala?

ULANGAN 10:18

Ana nasala'e faluina anamaak-kala haak-ka, fo ela taos tunga ndoos ma matetuk. Ana sue-lai hataholi nusa dea fo, manaleo sama-sama loo ita leoinan-nala, ma Ana fes nana'a-nininuk ma papake-ngganggaok.

2 TIMOTIUS 1:12

Hu ndia de, au lu'a-lepa basa doidosok ia la, tehu au amahele ahele, nanahu au bubuluk te'e-te'e, see hataholi fo au amahelek ndia. Au amahele, hata fo Ana fe basan neu au ndia, nanea nabe'in, losa Fai Mate'e ka.

IBRANI 4:13

Ta hapu mahahaek esa boen, fo nanafunik neme Manetualain mata memete na mai fa. Basan lala'ena makaholak ma nanabukak nai mata na. Hu ndia de, ita muse fe natataak neun.

1 PETRUS 4:19

Hu ndia de, metema hapu hataholi ana doidoso nanahu Manetualain hihii-nanaun leondiak, soona ela leo bee na hataholi ndia naso'da tunga ndo na, ma ala fe basa so'da nala neu Mana Makadada'di kasa. Neukose Ana tao natetu hala hehelu na.

1 PETRUS 5:7

Fe la'i esak emi dale mana ba'i hana ma, leo Manetualain neu, nana Ndia nde nafaduli emi a.

HAKIM-HAKIM 1:7

Boema, Adoni-Bezek nae, “Makahulun-na, au te'te heni manek hituhulu, limaku'uinan-eiku'uinan-nala so, boema au po'ilotak-kasa la'a nana'a elak fo manatu'da leme au meing lain mai. Besak ia, Manetualain tao au, saman-na leo au tao sila.” Basa boema, ala fo leni Adoni-Bezek leo Yerusalem neu, de maten neme naa.