MAZMUR 1:6 - Susula Malalaok Hehelu Palak Ma Hehelu Beuk

⁶ Nana Manetualain hela-nole, ma nasulu-nahapa hataholi manatungak-ka, tehu hataholi mangalauk-ka, neu leo mamate-momopok-ka neu.

MAZMUR 1:6 Σταυροειδείς Αναφορές

AYUB 23:10

Tehu, Ana bubuluk basa au enong lala'en-na, boeo au ei nggangganing lala'en-na Metema, Ana fola au, sama leo lilopilas-sa, soona neukose, Ana bubuluk nae, au daleng-nga leo lilo isik.

MAZMUR 112:10

Hataholi mangalauk-kala litan boema, lamanasa; ala hengu nisin-nala, nanahu ta lahiik lo fan. Boema mopo-mates; mopo sila namahehenan-na losa dodoon-na.

MAZMUR 142:3

Au hoo-nggu'u nai matan-na; au afa'dan, basa au susang lala'ena.

MAZMUR 142:4

Lelek hihii nae ketu au namahehenang-nga, O bubuluk hata fo, au muse taon. No denge-dengek, musu-a lona hihi'ik ba'eneu au, nai enok fo, au muse tungak-ka.

MAZMUR 146:9

Ana nasulu-nahapa hataholi nusa dea-la; Ana tulu-fali basa faluina anamaak-kala, tehu Ana tao-na, hataholi mangalauk-ka dale tutu'un-na, manada'di tak.

MAZMUR 9:6

O huku basa leoina-la so, ma tao mamate-mamopo hataholi fo manatao tatao-nono'i mangalauk-kala; sila na'den-nala nananasanggango henik losa dodoon-na.

AMSAL 14:12

Hapu enok fo meten soona, ta ndoos fa, tehu mate'en-na, enok ndia leo mamates-sa neu.

AMSAL 15:9

Manetualain ta hii hataholi malelesik-ka so'dan-na eno-dalan fa, tehu Ana sue-lai hataholi manasanga enok, fo tao-no'i hihii-nanaun-na.

NAHUM 1:7

Manetualain ndia malole. Nasulu-nahapa anan-nala nai lelek ala susa, Nanea hataholi fo nasulu-nahapa neun.

MATEOS 7:13

“Masok tunga lelesu makabi'a ka leona, te lelesu ma enok mana leo tasi ha'ik dale neu a, maloa de hataholi ba'u ka hii tunga enok ndia.

YOHANIS 10:14

Au nde manafoo malole. Sama na leo Ama ka nalelak Au, ma Au alelak Ama ka leondiak boe. Au alelak Au bi'ilopo ngala, ma bi'i sila boeo lalelak Au. Au fe la'iesak Au maso'da nga neu bi'i sila la.

YOHANIS 10:27

Au bi'ilopo ngala lamanene Au hala nga. Boema Au alelak asa, hu ndia de ala tunga Au.

2 TIMOTIUS 2:19

Tehu batu netes fo Manetualain nafofo'a ka, matea-mahelek, ta hapu hataholi nanggenggengok nala fan. Nanasulak nai batu netes ndia lain nae, “Lamatua ka nalelak Ndia hataholi nala,” boema “Hataholi fo nafa'da nae, Lamatua ka hataholin ndia, soona hataholi ndia, muse ana hahae tao-no'i tatao-nono'i masalak.”

2 PETRUS 2:12

Tehu mesen masapepekok sila la su'di selin! Sila sama leo bana fo bongi naan soona, ho'u nan fo do'don henin. Ala tao hata esa soona, ala ta dodoo fa, te ala tao tunga ka'da sila dale hihii nala, nalosa ala laban dede'ak fo ta lalela kana, ninik dede'a nakamumulu-nakamamaek. Hu ndia de, mopo-mates sama leo bana makaa-makisu ka, nana tatao-nono'i mangalaun sila la.

SEMUEL SUSULAK-KA ESAN-NA 2:9

Hataholi manalilinekak-ka nee-nee lino-lino tataas esa nai Manetualain nasulu-nahapan dale. Tehu manatao mangalauk-ka mate mopon nai makiu-makahatuk dale. Ta bisa tasalai dea-tala neu be'i-balakai mesa-tala fa, hataholi daebafak-ka be'i-balakain ta neni sesengik fa.