MATEOS 7:2 - Susula Malalaok Hehelu Palak Ma Hehelu Beuk

² Nanahu emi maketu-mala'di hataholi tao leo beek soona, neukose Manetualain naketu-nala'di emi tao leondiak boe. Boema emi uku-dou hataholi minik ai uku bee soona, neukose Manetualain pake seluk ai uukuk ndia fo ana uku-dou emi boe.

MATEOS 7:2 Σταυροειδείς Αναφορές

2 SEMUEL 21:5

Boema lataa lae, “Saul nde been-na, manek fo Manetualain helen, tehu nahiik tao namopo-namate la'iesak ami, fo mopok ami neme Israel lala'en-na mai.

MAZMUR 109:17

Ana nau ka'da supa-soo hataholi; nemen-na fo, supa-sook la'e seluk-kana! Ana ta hii fe hataholi baba'e-papalak fa, nemen-na fo, ana boso hapu baba'e-papalak.

KELUARAN 21:24

matak nggati matak, nisik nggati nisik, limak nggati limak, eik nggati eik,

YESAYA 33:1

Soe ba'eneu ita musun-nala! Ala lamanako, leomae nako ta namanako sila fa, ma lalelesi, leomae hataholi ta nalelesi sila fa. Tehu lamanako ma lalelesi basa soona, neukose nakodaa namanakos, ma malelesik-ka, nalelesis.

YEREMIA 51:24

Manetualain nafa'da nae, “Emi mesam-mala meten neu leo, besak ia Au bala falik Babel ma basa laun-nala tatao-nono'in mangalauk neu Yerusalem.

OBAJA 1:15

“Tete'ek-ka fain-na deka soaneu Au, Manetualain, aketu-ala'di leoina-la. Hata fo Edom tao-no'in, neukose ana hapu babalan-na. Boeo neukose, neme'da hata fo ana tao-no'in.

MATEOS 6:14

Makanaema emi fe do'o do ampon neu hataholi mana tao salak neu emi soona, neukose emi Amam manai nusa so'da ka boeo, Ana fe do'o do ampon neu emi sala-singo mala.

MARKUS 4:24

Boema Yesus kokolak seluk nae, “Taoafik neu hata fo emi mamanenek ia! Uuku-dodouk fo emi paken soaneu uku-dou hataholi fe'e ka, neukose Manetualain pake uuku-dodouk ndia boe, fo Ana uku-dou emi. Ma uuku-douk ndia ba'ulena seluk bai.

LUKAS 6:38

Fe hataholi fe'ek, fo ela Manetualain boeo fe emi. Neukose emi sipo fee feek manasasi kao-kao ka, uuku malole esa fo nananene'e basak soaneu emi. Nana uukuk fo emi paken soaneu hataholi fe'e ka, neukose Manetualain paken soaneu emi.”

2 KORINTUS 9:6

Mafandendek leona! Te hataholi manasele-nggali bini-ngges faa ana ka, neukose ana ketu-kolu buna-boak faa anak boe. Tehu hataholi manasele-nggali bini-ngges ba'u ka, neukose ana ketu-kolu buna-boak ba'u ka boe.

YAKOBIS 2:13

Nana neukose Manetualain ta natu'du susue-lalain neu hataholi fo, ta nalelak susue-lalai ka fa. Tehu susue-lalai ka, neulau na ba'u lena hoholo-lalane ka.

NINITAK 18:6

Taon sama na leo ana tao basan neu emi a; balas ana la'i dua soaneu basa hata fo ana tao-no'i basa ka. Isi mango na ninik nininuk fo nanala lenaheni neme nininuk fo nanasadiak soaneu emi.

HAKIM-HAKIM 1:7

Boema, Adoni-Bezek nae, “Makahulun-na, au te'te heni manek hituhulu, limaku'uinan-eiku'uinan-nala so, boema au po'ilotak-kasa la'a nana'a elak fo manatu'da leme au meing lain mai. Besak ia, Manetualain tao au, saman-na leo au tao sila.” Basa boema, ala fo leni Adoni-Bezek leo Yerusalem neu, de maten neme naa.

HAKIM-HAKIM 5:27

Ana bala neu, de ketu hahaen-na lee-lee nai dae lain, de natongo no mamaten-na.

SEMUEL SUSULAK-KA ESAN-NA 15:33

Boema Semuel nafa'da nae, “Sama leo o tafainam-ma tao namopo inak makadotok anan-nala so, leondiak boe, neukose mopo o inam, anan-na boe.” Boema Semuel tete'te Agag nai mei tunu-hotuk manai Gilgal-la matan.