MATEOS 5:6 - Susula Malalaok Hehelu Palak Ma Hehelu Beuk

⁶ Maua-manalek neu hataholi fo nahiik tao-no'i Manetualain hihii-nanaun; nanahu neukose Manetualain fes hata fo lahii kana!

MATEOS 5:6 Σταυροειδείς Αναφορές

MAZMUR 107:9

Nana, Ana fe hataholi manamaa ma'dak-ka, ninu losa nakabete, ma Ana fe hataholi kamala'ak-ka, nakabete nenik basa hata malole lala'ena.

MAZMUR 145:19

Ana tao namahoko hataholi kamahehelek-kala dalen-na; Namanene sila hala naloloon-na, de Ana soi-tefa-nalas.

MAZMUR 17:15

Tehu neukose au mete O, nanahu au salang ta. Nai lelek au fo'a, O mamaim-ma, tao namahoko au daleng-nga

MAZMUR 63:5

Au oke makasi neu O, nai au fai maso'dang-nga dalek; au so'uk au limang-nga neu O, boema au hule-haladoi,

MAZMUR 65:4

Au sala-singong, belan-na seli, ba'eneu au, tehu O fe do'o do ampon neun.

MAZMUR 84:2

O mamana leleom-ma, lolen-na seli, ou Manetualain Fo Manakoasa!

AMSAL 10:24

Hataholi dale ndoos-sa, hapu hata fo nahiik-kana; hataholi mangalauk-ka, hapu hata fo, ana bii-namata'u nanseli neun.

AMSAL 21:21

See sanga enok, fo ela ndoos ma matetuk-ka, nananakalala'ok soona, neukose ana hapu so'da-molek, ha'da-holomata ma teu naluk.

KIDUNG AGUNG 5:1

Au u leo au osing dale u, fa'ding-ngo, au saoinang-ngo, au hehele akabubua au ai daa tuung-ngala, ma au bumbung-ngala; au u'a au fani popolang-nga, ma au inu au fanioeng-nga, au inu kapoe, ma au angol-la. Mi'a-minu leon, tia-laing-ngala lemin, Minu losa mafuk hu kande susue tou-ta'ek.

YESAYA 25:6

Manetualain Fo Manakoasa, neukose Ana sadia feta soaneu basa leoina manai daebafak-ka, nai Pupuku Sion-na. Neukose Ana sadia nana'ak fo, mala'da hiik nanseli, ma angol nanahehelek.

YESAYA 41:17

Metema, Au leoinang fo, ua-nale poke-pakek ndia sanga oe, ma botolii koko'don-na namatuu, nanahu maa ma'dak-ka, soona Au, fo Manetualain, neukose ataa sila huhule-haladoin; Israel Manetualain-na, neukose Ana ta la'oela anan-nala fa.

YESAYA 44:3

Nana, neukose Au fe oe leo dae tuuk-ka neu, ma Au fe lee-la, ala faa lai dae tokotik-kala. Neukose, Au fe Au koasang-nga, neu o tititi-nonosim, ma Au fe o upu-anam, baba'e-papalak.

YESAYA 65:13

Te'e-te'e, hataholi fo manasene-do'ok neu Au-a, neukose na'a, tehu emi mamala'a. Neukose ala linu, tehu emi maa ma'da. Neukose ala lamahoko-setelee, tehu emi hapu mamaek.

YESAYA 66:11

Neukose emi mame'da mita tetu-teman, sama leo ni'iana esa, su'u inan.

YEREMIA 31:25

Sila fo manasotak-kaneukose Au tao balakais, ma manamalek nanahu la'as-sa neukose Au to akabetes.

LUKAS 1:53

Hataholi kamala'a-kamandoe kala, Ana tao nakabetes ninik basa malole lala'ena, tou kamasu'i-makabete ka, nanausik no limalouk.

LUKAS 6:21

Maua-manalek neu emi, fo mamala'a besak ia; neukose emi nakabetek! Maua-manalek neu emi, fo emi kii-makaleleu besak ia; neukose emi hika!

LUKAS 6:25

Soe neu emi, fo makabete besak ia; nana neukose emi mamala'a! Soe neu emi, fo hika besak ia; nana neukose emi dale he'di, ma emi kii-makaleleu!

YOHANIS 4:14

tehu metema see ninu oe fo Au fe ka soona, neukose ana ta maa ma'da so'on, losa dodoo na. Nanahu Au fe oe ndia, neukose ana da'di oe mata nai aon dale, fo ana faa leo deak mai. Oe ndia nde nini so'da matetu ka, ma manaketu basa ta ka.”

YOHANIS 6:27

Boso sanga ka'da nana'a kabook fo hapu basan. Te sanga nana'a kaboo ta ka, ma nana'a manini maso'da matetu ka, ma manaketu basa ta ka. Fo Ana Hataholi ka nde fe emi nana'ak ndia. Nanahu Amak Manetualain so'u basa Ana Hataholik ndia so.”

YOHANIS 7:37

Losa feta ndia fai mate'e na fo faik ndia, fai masosoak, boema Yesus neu napadeik neu Manetualain Uman dale de nalo napane'e nae, “Hei hataholi mana maa ma'da kala lemin, ela leo bee na emi mai leo Au mai, fo minu leona.

NINITAK 7:16

Neukose ala ta lame'da lamala'a so'on, do maa ma'da. Le'do, do le'dohaa ka boeo, neukose ta nahoi hataholi sila la so'on.