MATEOS 5:47 - Susula Malalaok Hehelu Palak Ma Hehelu Beuk

⁴⁷ Boema metema emi fe ha'da-holomata neu ka'da emi nonoo mala mesa kasa soona, ade emi lena ma nde bee? Nanahu hataholi fo ta lalelak Manetualai na boeo, ala tao leondiak boe!

MATEOS 5:47 Σταυροειδείς Αναφορές

MATEOS 10:12

Emi losa uma dale soona, mafa'da uma lamatuak mae, ‘Ela leo bee na, Lamatua ka fe baba'e-papalak neu emi basa-basa mala.’

MATEOS 5:20

Da'di, mafandendelek leona te: emi ta hapu da'di Manetualain hataholi kamahehele nala fa, metema emi ta tunga matalolole Manetualain hihii-nanaun lenaheni mese agama la ma hataholi Farisi la fa!”

MATEOS 5:46

Nanahu metema emi sue-lai ka'da hataholi mana sue-lai emi soona, sosoak hata Manetualain muse balas emi tatao-nono'im ndia? Ade mana susu bea la boeo, ala ta tao leondiak fa do?

MATEOS 5:48

Emi Amam ma nai nusa so'da ka boeo, Ana sue-lai basa hataholi lala'ena no matetu-mandaak. Hu ndia de emi boeo muse tao leondiak.”

LUKAS 6:32

Metema emi sue-lai ka'da hataholi mana sue-lai emi a soona, emi ngga'di ma nde bee? Hataholi masala-masingo ka boeo, ana sue-lai hataholi mana sue-lais ala!

KOLOSE 4:14

Dote Lukas, fo ita sue-lai ka, no Demas ala haitua fe emi, nate'ak boe.

KOLOSE 4:15

Manduku-malosak ami nate'a ma neu tolano kamahehelek manai Laodikia la; boeo neu Nimfa, ma neu tolanoo kamahehelek fo mana hule-haladoi nai uma nala.

1 PETRUS 2:20

Nanahu, ade malole na nde bee, metema emi makatatakak nai huhukuk fo emi lu'a-lepak ndia, nanahu emi sala ma? Tehu metema emi doidoso, hu ka nde emi tao ndoos, soona neukose Manetualain fe emi baba'e-papalak.