MATEOS 5:37 - Susula Malalaok Hehelu Palak Ma Hehelu Beuk

³⁷ Ka'da mafa'da mae, ‘Hei’ do ‘Ta’ lenak neme ndia mai soona, basa sila la neme nitu mai ndia.”

MATEOS 5:37 Σταυροειδείς Αναφορές

MATEOS 13:19

Bini-ngges fo mana tu'da nai enok lai na, nakasasama na leo hataholi fo namanene halak la'eneu Manetualain paleta tao leo beek, tehu ta nalela kana fa. Boema Nitu Mangalauk ndia, ana mai de, natona nini hata fo nanasele-nggali basak nai dale nala dalek so.

MATEOS 13:38

Tina ndia nde daebafak ia. Bini-ngges malole sila la nde hataholi fo, ana da'di Manetualain hataholi kamahehele nala. Boema fii sila la nde hataholi fo, ala lok nitu a.

MATEOS 15:19

Nanahu dudu'a-aafi mangalau ka da'di neme dale ka mai, fo ana tao na hataholi a nanisa, hohonge, sosoa-piao, namanako, fe sakasii pepekok ma nakasasa'ek dede'ak neu hataholi.

MATEOS 5:36

Boeo boso soo-supa minik o langa ma, nana o ta tao malelak o langa doo ma da'di fulak do nggeok, leomae ka'da dook esa boe.

MATEOS 6:13

Matetea ami namahele ma, nai faik fo soso'ba-susu'di ka so'ba-su'di ami, tehu mapo'ik ami neme nitu mangalau ka koasa na mai. Nanahu O nde Manek mana koasa, ma mandela masa'ak, losa dodoo na. Amin.’

YOHANIS 17:15

Au ta oke Ama ka ho'i nalas leme daebafa ka ia mai fa, tehu Au oke ela leo bee na, Ama ka naneas leme Nitu Mangalau ka mai.

YOHANIS 8:44

Emi amam nde nitu a, de tao leo bee o, emi nau tunga emi amam hihii-nanaun. Neme makasososan mai a, nitu ndia kanisak. Ana ta hii eno ndo sa fa, nanahu eno ndo sa ta hapu nai dalen dale fa. Metema nasapepeko soona, nandaa no ndia, ninik ndia ha'da-tataon leondiak so. Ndia masapepekok, ma basa masa pepekok lala'ena da'di leme ndia mai.

EFESUS 4:25

Hu ndia, tolano-tolanoo ngala lemin! Boso masapepeko-masandandali bai. Esa tao ndoos no esa, nana ita basa-basa tala nde bee na, Kristu sao paa na, lima ein no'u-no'u.

EFESUS 6:16

Nai basa fai lala'ena, pake emi namahehelem neu Lamatua ka, da'dileo tee tafa mana ta'da esa; fo no namahehelek ndia, emi hapu tao makamate Nitu a, kokou isi mana pila na.

KOLOSE 3:9

Esa boso nasapepeko-nasandandali esa boen, nana emi tu'u-tapa heni so'da palaa ka no basa ha'da-paliin lala'ena so.

KOLOSE 4:6

Ela leo bee na, dede'a-kokolak fo emi kokola kana, muse nini nanahokok fe hataholi, ma hataholi hii namanenen tataas esa. Ela leo bee na emi bubuluk, tao tao leo beek fo, emi muse mataa hataholi a natatane nala.

2 TESALONIKA 3:3

Tehu Lamatua ka, mana lilinekak. Neukose natetea-nahehele emi, ma nasulu-nahapa emi neme Hataholi Mangalauk ndia mai.

YAKOBIS 5:12

Paluu makasososa ka nde: boso soo-supa minik lalai a, do daebafa ka, do su'di bee ka. Ka'da mafa'da mae, “Hei” metema emi dale dodoo ma nae, hei, ma mafa'da mae, “Ta” metema emi dale dodoo ma nae, ta; fo ela Manetualain boso naketu huhukuk neu emi.

1 YOHANIS 2:13

Ama ngala lemin! Au sulak fe emi susulak ia, nana emi malelak Hataholi fo Ana da'di neme makasososan eli mai a so. Ana muli-solu ngala lemin! Au sulak fe emi susulak ia, nana emi sengi Hataholi Mangalau ka so.

1 YOHANIS 3:12

Ita boso sama leo Kaen fo ana da'di Nitu a anan de, ana taonisa tolano na. Hu beek de Kaen taonisa tolano na? Hu ka nde ana tao ka'da tatao-nono'i masala kala, tehu tolano na soona, ana tao ka'da tatao-nono'i ndo sa.

1 YOHANIS 5:18

Ita bubuluk boeo, basa Manetualai nana nala lala'ena, boso tao sala-singok lakandondoo henin, hu ka nde lamahena Manetualain nasulu-nahapas de Hataholi Mangalauk ndia ta taos le'e esa boen.