MATEOS 5:20 - Susula Malalaok Hehelu Palak Ma Hehelu Beuk

²⁰ Da'di, mafandendelek leona te: emi ta hapu da'di Manetualain hataholi kamahehele nala fa, metema emi ta tunga matalolole Manetualain hihii-nanaun lenaheni mese agama la ma hataholi Farisi la fa!”

MATEOS 5:20 Σταυροειδείς Αναφορές

MATEOS 16:12

Neu makabui na boema besa ka Yesus ana mana tunga nala bubuluk lae, Yesus nadenus fo ala i'akouk ndia nde bee soona, ala i'akouk neu lalu teik fo ala paken neu loti a nde ndia fa, te ala i'akouk neu hataholi Farisi la ma hataholi Saduki la, nanoli nala nde ndia.

MATEOS 18:5

Ma hataholi fo ana sipok ni'iana fo leo ia ka hu ka nde Au, soona sosoa na nae, ana sipok Au.”

MATEOS 3:10

Taka nanasadia basak soaneu ala lo'oheni ai huuna no basa oka nala lala'ena so. Metema ai bee ta naboa boa malole fa soona, neukose nanalo'o henik, fo ala tapan leo ha'ik dale neu.

MATEOS 7:21

“Ta basa hataholi fo lalo Au lae, ‘Lamatuak, Lamatuak,’ soona ala da'di lima eik neme Manetualain hataholi kamahehele nala mai. Ka'da hataholi fo mana tao tunga Au Amang manai nusa so'da ka hihii-nanaun.

MARKUS 10:15

Mafandendelek dede'a ka nde ia! See ta neu nataa Manetualain sama na leo ni'iana esa fa soona, neukose ana ta da'di lima eik neme Manetualain hataholi kamahehele nala fa.”

MARKUS 10:25

Ndofo na seli, bana unta esa masok tunga ndandau ka bolo na, neme hataholi kamasu'ik esa ana masok leo Manetualain Daebafa Beun dale neu.”

LUKAS 11:44

Soe ba'eneu emi! Emi sama leo late nanakota ta ka, fo hataholi a ta name'da fa te, ala heheta-aa'in.”

LUKAS 12:1

Hataholi lifu-lifun lakaseseti ao nalosa nggelok heta la nggelok ei na. Hataholi sila la bei lakamomotu te Yesus nafa'da ana manatunga nala nae, “Manea matalolole neu hataholi Farisi la lalu tei na. Fo Au dudu'a ka nde sila manadea-dale nala.

LUKAS 18:17

Mafandendelek leona! Te hataholi fo ta nasasale matak no Manetualain sama leo ni'iana esa fa soona, neukose ana ta da'di lima eik neme Manetualain hataholi kamahehele nala mai fa.”

2 KORINTUS 3:9

Metema hehelu-balataak fo manahuku hataholi daebafak ndia, mandela-masa'an leondiak soona, tao leo bee o hehelu-balataak fo manatao na hataholi daebafa ka malole falik no Manetualai na, mandela-masa'an lena seluk bai.

2 KORINTUS 5:17

Hataholi fo naso'da da'di esa no Kristu sa, ana da'di hataholi beuk. So'da palaa ka ta kana so. Basa-basan, ana da'di beuk so.

FILIPI 3:9

fo te'e-te'e, au da'di esa on. Au ta sanga enok soaneu tututi-nanatok no Manetualai na, malole falik, tunga agama hoholo-lalanen so'on. Besak ia, au tututi-nanatong no Manetualai na malole falik, nanahu au amahele neu Kristus so. Da'di, tututi-nanato malole ndia, ana da'di neme Manetualai na mai, ma tunga namahehelek neu Yesus Kristu sa.

IBRANI 12:14

Sanga enok soaneu maso'da mole-dame mo basa hataholi lala'ena. Sanga enok boe, soaneu maso'da no malalao-malalafuk, ka'da soaneu Lamatua ka. Nana ta hapu hataholi esa boen, fo hapu nita Lamatua ka, metema ana ta naso'da sama leondiak fa.

NINITAK 21:27

Tehu hataholi fo manatao-no'i dede'a manggenggeo kala, do hataholi masapepeko-masandandali ka, dede'a keke'u na, hata beek boe – metema manggengeok soona, neukose ta masok leo kota ndia dalek makandondook fa. Fo manamaso ka nde ka'da hataholi fo na'de nala nanasulak nai Susula Hataholi Maso'da kala fo nde Bi'ilopo Ana ndia susulan dale.