MATEOS 28:2 - Susula Malalaok Hehelu Palak Ma Hehelu Beuk

² Boema no kaiboboi anak de dae a nanggengo matua ina. Lamatua ka ata nusa so'dan esa kona neme nusa so'da ka mai, boema ana loli heni late sa batu kekena na, de nangatuuk neu lain.

MATEOS 28:2 Σταυροειδείς Αναφορές

MATEOS 27:60

Boema neu natoi Yesus popola na nai ndia laten esa dalek, fo ana kali memak bolok ndia nai pupuku batu esa lain. Basa ndia boema, ana loli na batu matua ina esa, de ana tatanan neu late sa bafa na, boema ana fali leona.

MATEOS 27:66

Boema leu leo lates leu, de ala segel lisa batu ina fo ala tatanan ninik late sa de lanea lahelen, fo daenga hataholi boso neu adu-dodoki lates ndia.

YOHANIS 20:1

Mamasok fafai na, fo bei makahahatuanak, te Maria Magdalena neu leo lates neu. Ana losa boema, ana mete te batuina fo ala tatanan neu late sa, nanakeko henik neme late sa bafa na mai so.

HATAHOLI 16:26

No kaiboboianak, dae nanggengo matuaina, de nalosa uma bui nanggengo. Boema lelesu bui a basa-basas latahuka, ma namosina nanapa'ak neu hataholi bui la bukahenis.

HATAHOLI 5:19

Tehu le'odae boema, Lamatua ka ata nusa so'dan esa ana soiheni uma bui a lelesu na de no Lamatua ka hataholi nadedenun sila la leo deak leu. Ata nusa so'dak ndia, nafa'da Lamatua ka hataholi nadedenun sila la nae,

1 TIMOTIUS 3:16

Ta hapu hataholi esa boen, hapu nalelesi nae, basa nanolik fo Manetualain natu'du kala nde bee na, tete'e ka: Natu'du ao ina na, sama leo hataholi daebafa ka. Manetualain Dula Dale na nafa'da nae, ndoos, boema basa ata nusa so'da kala litan. Tutui na, nanatui-bengak nai basa nggileo-bobongi kala tala'da, boema basa daebafa ka lamahelen, ma nanaso'uk leo nusa so'da ka neu.

1 PETRUS 1:12

Manetualain nafa'da nabi sila la nae, hata fo sila tao-no'in ndia, ta soaneu sila paluu na fa, tehu soaneu emi paluu ma; fo nde basa dede'ak fo besak ia emi mamanenen no mangale'dok neme manatui-benga Hala Malole la'eneu Yesus Kristu sa. Hataholi sila, ala tui-benga dede'ak sila la neu emi, ninik Manetualain Dula Dale na koasa na, fo Ana haituan neme nusa so'da ka mai. Lena-lenak ata nusa so'da kala boeo, ala lahiik bubuluk halak fo hataholi sila la tui-bengak ndia.

NINITAK 11:19

Boema Manetualain Uman manai nusa so'da ka natahuka, de Peti Hehelu Balataa ka nananitak nai dalek. Boema ndela sa tuti-nato, ma ta'ta sa nata'ta nakadedelek, boema dae manggengo ka ma u'da eis matuaina.