MATEOS 20:21 - Susula Malalaok Hehelu Palak Ma Hehelu Beuk

²¹ Boema Yesus natanen nae, “Ina nau beek?” Inak ndia nataa nae, “Metema Ama da'di manek soona, au hii ana kaduang ia la, esa nagatuuk nai Ama boboa kii na, ma esa nai Ama boboa kona na.”

MATEOS 20:21 Σταυροειδείς Αναφορές

1RAJA-RAJA 2:19

Boema Batsyeba neu leo manek-ka no nahiik kokolak dede'ak ndia soaneu Adonia. Manek-ka fo'a napadeik de ana sipok inan ma senek neun, boema nagatuuk seluk neu kandela manen lain. Basa boema nadenu hataholi sadia fe inan kandela neu boboa konan-na.

1RAJA-RAJA 3:5

Le'odaek ndia boeo, Manetualain natu'du aoinan-na neun nai me'is dale de nafa'da nae, “Salomo, moke hata fo o mahiik-kana leon, te neukose Au o!”

ESTER 5:3

Basa boema, manek-ka natane nae, “Te beek, au Ina Maneng-ngonei? O nau beek? Mafa'da leona! Leomae o moke au nusang-nga seli boeo, neukose au fe o boe.”

MAZMUR 110:1

Dauk Kokoa-kikiok. Manetualain nafa'da, au tuang-nga nae, “Mangatuuk mai Au boboa konang-nga, losa Au tao-ala o musum-mala, lakatele neu o.”

MAZMUR 45:9

O papake-ngganggaom naboo laluteik, gaharu ma kainituk; manamakaminak sasanu manai uma manek ngga'di dui-a, tao-la o mamahoko.

YEREMIA 45:5

Tao le'e de o hii ka'da lole-napu neulauk? Boso tao leondiak Barukh! Basa hataholi daebafak-ka Au hukus nenik mamate-momopok, tehu la'eneu o soona, fafa'kama neukose o maso'da. O leo-la'ok lo bee mu boeo neukose o so'da-molek mahele. Au, Manetualain nde manakokolak-ka.”

MATEOS 18:1

Lelek ndia, Yesus ana mana tunga nala mai de latanen lae, “See ka nde lafa'da lae matua ba'u lena nai Manetualain hataholi kamahehele nala dalek?”

MATEOS 19:28

Yesus nafa'das nae, “Mamahele leona: Nai Daebafa Beu ka dalek, neukose Ana Hataholi ka nangatuuk neu kandela manen fo mandela-masa'a ka lain. Nai lelek ndia emi fo Au ana mana tunga ngala, neukose emi mangatuuk nai kandela mane kasanahulu dua kala lain, fo emi maketu-mala'di leoina Israe la leo ana kasanahulu dua nala!

MATEOS 20:22

Boema Yesus nafa'das nae, “Emi ta bubuluk hata fo emi moke ka fa. Ade emi mapalani minu nggalaa doidosok, fo Au muse inu ka do ta?” Lataa lae, “Ami mapalanin.”

MATEOS 20:32

Boema Yesus nate'e de nalo duas, boema natanes nae, “Emi dua hii Au tao emi dua le'e?”

MARKUS 10:51

Yesus natanen nae, “O nau Au tao o le'e?” Hataholi pokek ndia nae, “Ama Mesen, au hii au ita.”

MARKUS 16:19

Lamatuak Yesus kokolak basa nos boema, Yesus nanaso'uk leo nusa so'da ka neu. Nai naa, Ana paleta sama-sama no Manetualain.

MARKUS 6:22

Herodias anafe'o na ana longe nai feta ndia. Lolonge na mana'ahiik de nandaa no Herodes no fui nala dale na. Boema Herodes nafa'da anafe'o anak ndia nae, “O hii beek soona ka'da moke, te neukose au fe o!”

LUKAS 18:41

“Hata fo o mahiik Au taon soaneu o?” Hataholi pokek ndia nataa nae, “Tuan, au hii ita.”

LUKAS 19:11

Hataholi la bei nenenen Ana kokolak, te Yesus kokolak nakadoo ninik nakandandaak esa. Nana nai lelek ndia Ana deka no Yerusalem so, ma hataholi la laedaenga neukose Manetualain paleta no lai-laik da'dileo Manek nai daebafa ka.

LUKAS 22:24

Nai Yesus ana manatunga nala dalek, nale'a ka ana moli da'di la'eneu see ka nde neme sila nananafa'dak matua lena.

YOHANIS 15:7

Metema emi da'di esa mahele mo Au, boema Au nanoli nga nai emi dalem dale, fo emi hii beek soona moke Ama ka, te neukose Ana tao natetu emi nonokem ndia.

HATAHOLI 1:6

Lelek fo Lamatua ka hataholi nadedenu nala lakabubua lo Yesus boema latanen lae, “Lamatuak, ade besak ia, Lamatua ka sanga napadedeik falik hataholi Israe la paleta na do?”

ROMA 12:10

Ela leo bee na emi masue-malai ao no dale katema-tuak sama na leo tolanook esa nai bobongik esa dalek, ma ela leo bee na esa fe ha'da-holomata neu esa.

ROMA 8:34

Ade hapu hataholi nau fe salak neu ita do? Soona, mahani te Kristus Yesus nde nasala'e ita! Ndia nde manamate basa ka, ma naso'da falik neme mamate sa mai, de nangatuuk nai Manetualain boboa kona na.

KOLOSE 3:1

Emi nanatao naso'da falik sama-sama mo Kristus so. Hu ndia de, emi muse sanga enok soaneu emi hapu hata manai nusa so'da ka, fo nai bee Kristus paleta sama-sama no Manetualain.