MATEOS 2:23 - Susula Malalaok Hehelu Palak Ma Hehelu Beuk

²³ Ana leo neme kota esa nai ndia na'de Nazaret. No enok ndia, hata fo nabi la lafa'dan la'eneu ni'iana ndia, ana da'di: “Neukose loken soona lae, Hataholi Nazaret.”

MATEOS 2:23 Σταυροειδείς Αναφορές

BILANGAN 6:13

Metema hataholi nazir esa basa fai nasar-na soona, muse ana tao feta ia. Muse no hataholi ndia, leo Manetualain Lalaa Teman-na lelesun-na neu,

MATEOS 1:22

Basa silala ala da'di tao leondiak, fo ela nandaa no hata fo Lamatua ka nafa'da basan tunga nabi nala hala nafafa'da nala lae,

MATEOS 21:11

Boema hataholi makadotok fo mana tunga Yesu sa lafa'das lae, “Ndia nde Nabi Yesus neme Nazaret fo nai Galilea.”

MATEOS 26:71

boema neu leo lelesu manai uma so'da na neu. Tehu ina malalau-maoono fe'ek esa nita Petrus boema, nafa'da hataholi manai sila la nae, “Hataholi ia boeo, na'ka sa sama-sama no Yesus fo maneme Nazaret ndia mai boe.”

MARKUS 1:24

“Hei Yesus fo Hataholi Nazaret. O sanga tao ami le'e ia? O mai soaneu O tao makalulutuk ami do? Au bubuluk see O. O ia Hataholi nadedenu malalaok neme Manetualain mai!”

MARKUS 1:9

Lelek ndia, Yesus mai neme Nazaret fo nai nusa Galilea, boema Yohanis salanin neme Lee Yarden-na.

LUKAS 1:26

Lelek Elisabet nailu bulak ne boema, Manetualain nadenu ata nusa so'dan Gabrial-la neu leo kota Nazaret neu fo nai nusa Galilea.

LUKAS 18:37

Lafa'dan lae, “Yesus fo hataholi Nazaret ndia, Ana tunga ia.”

LUKAS 2:39

Yusuf ma Maria tao latetu basa hata fo Manetualain Hoholo-lalanen paleta neu sila boema, ala fali le'us leo Nazaret nai Galilea.

YOHANIS 18:5

Boema lae, “Yesus, hataholi Nazaret ndia.” Tutika Yesus nafa'das nae, “Au nde Ndia.” Ndia te, Yudas fo hataholi manake'dindiu ka, napadeik nos lai ndia.

YOHANIS 18:7

Yesus natane la'iesa selu kasa nae, “Emi sanga see?” Boema lae, “Yesus, hataholi Nazaret ndia.”

YOHANIS 19:19

Pilatus nadenu ala paku papak esa neu Yesus ai nggange na nisilai na nae, “Yesus neme Nazaret, hataholi Yahudi la mane na.”

HATAHOLI 2:22

Tolano-tolanoo Israel ngala lemin! Mamanene hata fo au afa'dak ia la. Manetualain fe basa bela-ba'uk neu Yesus fo hataholi Nazaret ndia, soaneu tolanoo kala so. Ita titan no mangale'dok nai manda'di beu kala ma dede'a matua ina la dalek, fo Manetualain taon nai emi tala'da tunga Yesus ndia. Emi bubuluk basa dede'ak sila la so.

HATAHOLI 24:5

Ami ho'u ma hataholi ia hataholi mana tao tasi'bu mangalauk. Nai basa mamanak lala'ena nakadada'dik tasi'bu nai hataholi Yahudi la tala'da, ma ana da'di mauli-malangan nai hataholi Nazaret tala nakabua na.

HAKIM-HAKIM 13:5

Bongi basa o anam ndia soona, boso nggute langadoon-na makandondook, nana nai lelek bei nai ilun dale-a, ni'iana ndia nananaketu basak, soaneu da'di hataholi nazir. Ndia nde neukose, puselaipana soaneu soi-po'i hataholi Israel-la neme hataholi Filistin-nala koasan-na mai.”

SEMUEL SUSULAK-KA ESAN-NA 1:11

Basa boema, Hana kokolak dede'a hehelu-balataak-ka nae, “Manetualain Fo Manakoasa, taoafik neu O atam ia! Mete-makanae atam-ma doi-doson. Mafandendelek atam-ma, fo boso mafandele henin! Metema O fe atam-ma anatouk esa soona, atam-ma naheluk, neukose atam-ma fen leo O neu, fo O soan losa ana mate. Boeo atam-ma naheluk, nae neukose ta nggute langadoo-na fa.”