MATEOS 2:1 - Susula Malalaok Hehelu Palak Ma Hehelu Beuk

¹ Bongi Yesus nai kota Betlehem, nai nusa Yudea nai lelek Mane Herode sa paleta. Nai lelek ndia, hapu hataholi malela nduuk telu leme dulu mai fo ala leo Yerusalem leu.

MATEOS 2:1 Σταυροειδείς Αναφορές

KEJADIAN 10:30

Sila nusan fo mamana leleon-na, namaloa neme Mesa leo Sefar neu, fo nde nusa letelepak manai boboak dulu.

KEJADIAN 25:6

nai tepo-lelek bei naso'da, ana fe bua palsen makadotok neu sao fe'e-fe'en-nala, anan-nala. Basa boema, nadenu anan sila-la; fo ala lali leo nusak manai Kanaan boboan dulu neu, fo ela ladook aon-nala, neme anan Isak mai.

KEJADIAN 41:8

Fafaik boema, manek-ka dalen-na ta tesa-tama fa, hu ndia de nadenu leu laloo basa manasiula-tongono kala ma hataholi malelaina manai Masir-ra. Boema ana tui mei na neus, tehu ta hapu hataholi esa boen hapu nafa'da mangalele'do sosoa-ndandaan fa.

KEJADIAN 49:10

Neukose Yehuda ho'u aitete'e nusak-ka, neukose tititi-nonosin paleta losa dodoon-na. Neukose leoina-kala leni bea mai, ma ala senek ma lakatele nai matan-na.

1RAJA-RAJA 4:30

Nai nusak dulu la ma nai Masir ta hapu hataholi malela na lena fan.

1 TAWARIKH 2:51

Salma fo ana ka dua, nde napadedeik kota Betlehem-ma; ma Haref fo ana ka 3-a, nde napadedeik kota Bet-Gader-ra.

AYUB 1:3

Fe'ek neme ndia mai boe, nanuu ata makadotok, bi'ilopo 7.000, onta 3.000, sapi 1.000, ma keledei natun lima. Dede'a keke'un-na hataholi ia nde been-na, hataholi kamasu'ik nanseli, nai laun manai nusak Dulu-a dalek.

YESAYA 11:10

Neukose fain-na losa, leoina-la tao matak neu manek esa, neme Dauk tititi-nonosin mai. Neukose ala mai neun, ma ala koa-kio mamana leleon-na.

MIKHA 5:2

Da'di, neukose Manetualain po'ilotak sila musun-nala koasa anan-nala, losa inak fo nananaketuk soaneu da'di manakoasa ndia inan, ana bongi-nan. Basa ndia soona, hataholi fo sila leoina esa, bei lai mamana tu'u-tapak, neukose Ana taos da'di esa loo sila leoinan-na.

MATEOS 1:25

Nai lelek fo ni'iana ndia beita bongi fa nana, Yusuf no Maria beita lakabubua fa, tehu Maria bongi na ni'iana ndia boema, Yusuf foin na'de Yesus.

MATEOS 2:16

Nai lelek fo Herodes bubuluk hataholi malela nduuk sila la ke'dilan boema namanasa nanseli. Boema ana po'i paleta fo daenga do'dolisa basa ni'iana touana kala lala'ena. Mulai neme teuk dua leo dae neu. Mulai neme Betlehem ma nggolo titia-tatai nala. Dede'ak ndia nandaa no hataholi malela nduuk sila la hala nafafa'dan la'eneu lelek fo nduuk ndia ana to'da mai,

MATEOS 2:19

Mate basa Herodes boema, Lamatua ka ata nusa so'dan esa natu'du ao na neu Yusuf neme Masir nai me'is esa dalek nae,

MATEOS 2:3

Lelek fo Mane Herode sa namanene boema, ana nggenge nanseli. Leondiak boe, basa hataholi manai Yerusale mala lamanene halak ndia, boema ala nggenge beeno'u.

MATEOS 2:5

Boema lae, “Nai kota Betlehem fo nai nusa Yudea. Nanahu nabi esa, ana sulak basan nae leo ia,

MATEOS 2:7

Herodes namanene basa halak ndia boema no denge-dengek, nalo hataholi malela nduuk sila la de natanes nae, emi mita nduuk ndia, ndek fai hi'da ka.

LUKAS 1:5

Lelek fo Herodes da'di manek nai nusa Yudea, hapu imam esa na'de Zakharia. Ana masok nai imam-imam Abia nakabua na. Saoina na na'de Elisabet, fo tititi-nonosin imam boe.

LUKAS 2:11

Faik ia nai Dauk kota na, bongi basa Mane Mana Fe So'da ka, fo nde Kristus fo Lamatua ka so.

LUKAS 2:15

Basa de ata nusa so'da kala la'oelas fo ala fali leo nusa so'da ka leu, boema manafoo sila la esa nafa'da esa nae, “Mai teu leo Betlehem teu, fo ata mete manda'dik fo Manetualain nafa'dan neu ita ndia.”

YOHANIS 7:42

Nana, nanasulak nai Susula Malalaok dale nae, Mane Mana Fe So'da ka nde bee na, Dauk tititi-nonosin, boema neukose Ana mai neme Dauk nggolo-ta'dun, fo Betlehem dei.”

HAKIM-HAKIM 17:7

Nai lelek ndia boe, hapu ta'eanak esa neme leo Lewi-a mai. Makahulun-na, ana leo neme Betlehem, nai nusa Yehuda.