MATEOS 10:8 - Susula Malalaok Hehelu Palak Ma Hehelu Beuk

⁸ Boema makahahaik hataholi kamahe'di kala; tao maso'da falik hataholi mana mate kala; tao mahai hataholi he'di lou mangalau kala, mai usiheni dula dale mangalau kala. Emi sipo hiik basa sila la lala'ena, da'di fe hii kana neu hataholi la boe.

MATEOS 10:8 Σταυροειδείς Αναφορές

YESAYA 55:1

Manetualain nafa'da nae, “Mai leon, basa emi fo, manamaa ma'dak-kala, fo minu oe nanasadiak-ka leona. Mai leon, emi fo doi tak-kala, sipo gandum, te ta bae fa, fo mi'a leona! Angol ma kapaoe-a, nanasadiak, sipon no ta bae fa.

BILANGAN 18:7

Tehu ka'da o, ma o anam-mala mesam-ma, nde bole makalala'ok bela-ba'uk da'di leo imam, nai basa ue-le'dis lala'en-na dalek, fo natutik no mei tunu-hotuk-ka, ma hata manai Kama Malalao-malalafuk nanseli-a dalek. O lulu'a-lelepam nde ndia, nanahu Au fe basa emi nangatutuuk, da'di leo imam so. Ba'eneu hataholi see fo, ta nanuu haak ndia fa soona, neukose nanahukunisak, metema ana deka bua-lo'a malalao-malalafuk sila-la.”

MATEOS 10:1

Faik esa boema, Yesus nalo nakabubua ana mana tunga ka sanahulu dua nala. Boema Ana fes koasa, fo ala usi dula dale mangalau kala ma lakahahaik basa he'di mata-mata kala, ma basa lu'u-la'a mata-mata kala.

MATEOS 10:7

Meu fo mafa'das mae, ta doo ka so'on te, neukose no lai-laik Manetualain paleta da'dileo Mane ka.

MATEOS 10:9

Boso mini doi lilopilas, doi lilofulak, do doi liti boe.

MARKUS 16:18

Metema ala ho'u menge do linu laso soona, neukose ala ta hapu susa-soe fa. Metema ala lalaa lima nala neu hataholi kamahe'di sala lain soona, neukose hataholi kamahe'dis sila la ala lea-hai.”

LUKAS 10:9

Makahahaik hataholi kamahe'dis manai kota ndia, boema tui-benga fe hataholi manai sila la mae, ‘Neukose Manetualain no lai-laik Ana mulai paleta da'dileo Manek nai emi tala'da.’

HATAHOLI 3:6

Tehu Petrus nafa'dan nae, “Au doing ta sen esa boen. Tehu hata fo au anuun soona, neukose ndia nde au fen neu o a: No Yesus Kristus, fo hataholi Nazaret ndia koasa na, la'ok leona!”

HATAHOLI 4:30

Fe O tutulu-fafalim mai, fo ela hataholi kamahe'dis ala lea-hai, ma manda'di beu kala boema dede'a matua ina la ala da'di tunga O atam Yesus fo malalao-malalafuk ndia na'de na.”