MATEOS 10:2 - Susula Malalaok Hehelu Palak Ma Hehelu Beuk

² Ana mana tunga kasanahulu duak sila la, na'de nala nde ia: makasososa na, Simon fo loken lae Petrus boe no tolanoon Anderias, boema Yakobis no tolanoon Yohanis, fo Zebedeus ana nala.

MATEOS 10:2 Σταυροειδείς Αναφορές

MATEOS 17:1

Basa faik nee dale na, boema Yesus leleko Petrus ma Yakobis no tolanoon Yohanis, de leu leo lete madema esa lain leu.

MATEOS 20:20

Basa boema Zebedeus saoina na ma ana nala mai leo Yesus mai. Ana senek neu Yesus mata na soaneu noken hata esa.

MATEOS 26:37

Boema Ana leleko Petrus ma Zebedeus anan duas fo sama-sama loon. Ana mulai name'da dale na he'di sa ma ta tesa-tama fa.

MATEOS 4:18

Lelek fo Yesus la'o-la'o neme Dano Galilea su'u na, boema nita mana dolu-dala dua; esa na'de Simon, fo loken lae, Petrus boe, no fa'din Anderias. Duas dala i'ak leme dano dale.

MATEOS 4:21

Yesus la'ok nakandoo, boema nita seluk hataholi dua ka'a fa'di kala; esa na'de Yakobis ma esa na'de Yohanis, fo Zebedeus anan hataholi kaduak sila la. Duas lakahii dala nala leme ofak lain. Boema Yesus nalo duas.

MARKUS 1:29

Yesus no ana mana tunga nala la'oela uma mamasok ndia boema leu leo Simon no Anderias uman leu. Yakobis no Yohanis boeo sama-sama lon.

MARKUS 13:3

Basa boema, Yesus neu leo lete Pupuku Zetun-na de nangatuuk neu mamanak esa, nasasalematak no Manetualain Uma na. Boema Petrus, Yakobis, Yohanis, ma Anderias ala mai de ala kokolak lo Yesus lae,

MARKUS 6:30

Basa boema, Yesus hataholi nadedenu nala ala fali ma'is de lakabubua falik lo Yesus. Ala tui Yesus, basa hata fo sila tao-no'in ma sila lanoli hataholi la.

LUKAS 11:49

Hu ndia de hapu nanasulak nai Manetualain susula Manatee Tenon dale nae, ‘Neukose Au haitua fes nabi-nabi, ma Au hataholi nadedenu ngala. Neukose ala taolisa nggelok, ma fepa-li'u nggelok!’

LUKAS 22:14

Lelek fai na losa soaneu la'a nana'a Paskah, Yesus nangatuuk sama-sama no basa ana manatunga nala nai mamana mei malalao ka.

LUKAS 22:8

Boema Yesus nadenu Petrus ma Yohanis nae, “Meu leona, fo sadia ita nana'a Paskah na.”

LUKAS 5:10

Leondiak boe no Simon nonoo nala, fo nde Yakobis ma Yohanis fo Zebedeus ana nala. Yesus nafa'da Simon nae, “Boso bii! Mulai besak ia, neukose o da'di mana dala hataholi.”

LUKAS 9:10

Yesus ana manatungan fo nadenu kala fali ma'is boema, ala tui Yesus basa hata fo sila tao-no'i nana. Boema Yesus lelekos fo la'ok sama-sama mesa kasa leo kota Betsaida leu.

YOHANIS 12:22

Boema Felipus neu nafa'da dede'ak ndia neu Anderias, de basa boema duas leu lafa'da Yesus.

YOHANIS 13:23

Yesus ana manatungan fo Yesus sue-lai ka, nangatuuk nai Yesus boboa na.

YOHANIS 20:2

Boema nalai fali de neu sanga Simon Petrus ma Yesus ana manatunga susue na de nafa'das nae, “Ala ko'o lini Lamatua ka neme lates dale mai so, tehu au ta bubuluk ala pe'dan nai bee a fa.”

YOHANIS 21:2

Faik esa boema, Simon Petrus, Tomas fo loken lae, Takalapak, Natanael neme Kana nai Galilea, Zebedeus ana nala, ma ana manatunga fe'e dua, de basa-basas lakabubua.

YOHANIS 21:20

Basa boema, Petrus lipa leo dea neu te, nita Yesus ana manatunga susue na, nai dea na. (Ndia nde nangatuuk deka no Yesus ndek la'a, boema natane Yesus nae, “Lamatuak, see ka nde ke'dindiu Lamatua ka?”)

YOHANIS 21:24

Yesus ana manatungan ndia, nde tui-benga basa manda'dik ia la. Ndia nde sulak basa dede'ak ia la boe. Hu ndia de ita bubuluk basa, nafa'da basa dede'ak ia la, memak tete'e ka.

YOHANIS 6:67

Boema Yesus natane ana manatunga kasanahulu dua nala nae, “Ade emi boeo nau malai la'oela Au boe do?”

YOHANIS 6:70

Tehu Yesus nae, “Ade Au ta nde hele emi hataholi kasanahulu duak ia la fa do? Tehu nai emi dalek, hapu hataholi esa, ana da'di nitu!”

YOHANIS 6:71

Yesus nafa'da hataholi a nde Yudas, fo Simon Iskariot ana na. Hu ndia de, leomae Yudas ndia hataholi esa neme Yesus ana manatunga kasanahulu dua nala mai, tehu ndia nde ke'dindiu Yesu sa.

YOHANIS 6:8

Yesus ana manatunga fe'en esa na'de Anderias, fo Simon Petrus tolanoo na nae,

HATAHOLI 1:13

Ala losa Yerusalem boema, lakandoo leo ala leo leme uma, kama manai lai na. Lamatua ka hataholi nadedenun sila la nde: Petrus ma Yohanis, Yakobis ma Anderias, Felipus ma Tomas, Bartolomeus ma Mateos, Yakobis fo Alfeus ana na, Simon fo hataholi Zelot ma Yudas fo Yakobis ana na

HATAHOLI 1:26

Basa boema ala tu'u batu fo ala sanga nai hataholi kaduak sila la, see ka nde ala hele nana. Boema batu tu'da la'e Matias. Hu ndia de ala so'un da'di Lamatua ka hataholi nadedenun, fo ana tunga sama-sama no Lamatua ka hataholi nadedenu kasanahulu esa fe'e nala.

HATAHOLI 12:2

Hu no ndia paleta na de ala do'dolisa Yakobis, fo Yohanis tolanoo na ninik tafaina.

HATAHOLI 3:1

Faik esa boema, Petrus no Yohanis leu leo Amak Manetualain Uman la'e li'u telu le'donoso na, fo ala hule-haladoi.

1 KORINTUS 15:7

Basa ndia boema, Kristus natu'du aoina na neu Yakobis, de basa boema, neu basa hataholi nadedenu kala.

EFESUS 4:11

Ndia nde “fe baba'e-babati hehelik neu hataholi daebafa ka”; Ana so'u nggelok da'di Lamatua ka ana mana tungan, ma nggelok da'di nabi; ma nggelok seluk bai soona, ala da'di mana tui-benga Hala Malole ndia, ma nggelok seluk, Ana so'us da'di mesen, ma manamete-makanae hataholi kamahehele kala.

IBRANI 3:1

Tolano-tolanoo kamahehelek esa fo Manetualain nalo basa kala lemin! So'ba dodoo matalolole la'eneu Yesus ia dei! Manetualain nadenu hehelin Ana da'di Imam Matua ina nai ita agama na dalek.

1 PETRUS 1:1

Tolano-tolanook fo Manetualain hataholi kamahehele susue-lalain fo manai dae sepo-danga nai nusa Pontus, Galatia, Kapadokia, Asia ma Bitinia la lemin! Au, Petrus, fo Yesus Kristus hataholi nadedenu na, au amahena ela leo bee na, Manetualain baba'e-papalan ma so'da-mole mana sasikao-kao na, Ana fen neu emi basa-basa mala. Emi nanahele basak da'di Manetualain hataholi kamahehelen, fo nandaa no Amak Manetualain dale tutu'u na. Ma Manetualain Dula Dale na, nakadada'dik basa emi, da'di hataholi kamahehele malalaok ma susuek, soaneu Manetualain mesa kana, fo ela emi tunga Yesus Kristus, fo manatao nalalao emi ninik daa na.

2 PETRUS 1:1

Tolano-tolanoo ngala lemin! Susulak ia neme au, Simon Petrus, fo Yesus Kristu satan ma hataholi nadedenun. Au sulak susulak ia soaneu emi, fo mana mamahele te'e-te'e sama leo ami boe. Yesus Kristus fo nde Manetualain ma ita Mane Mana Fe So'da na, Ana tao basa tatao-nono'i ndoos lala'ena, nalosa ita tamahele neun.

2 YOHANIS 1:1

Susulak ia neme au, fo mauli-malanga salanik. Au fe susulak ia neu Inak fo Manetualain hele ka, ma Ina ana nala. Au sue-lai emi te'e-te'e. Ta ka'da au mesa nga sue-lai emi fa, te basa hataholi mana malelak Manetualain fo ndo sa, ala sue-lai emi boe.

3 YOHANIS 1:1

Tolanoo Gayus fo au sue-lai ka! Au ia, mauli-malanga salanik. Au sue-lai o te'e-te'e,

NINITAK 1:1

Susulak ia isi na la'eneu hata fo Yesus Kristus nafa'dan la'eneu basa manda'dik fo neukose ala dadi. Manetualain nafa'da Kristus fo ela natu'dun Manetualain ata nala hata fo no lai-laik muse ana dadi. Kristus nadenu ata nusa so'da na neu leo Yohanis fo ata na fo nafa'dan manda'dik sila la.

NINITAK 1:9

Au Yohanis, emi tolanoom fo ua-nalek esa no emi nai doidosok fo basa Kristus ana manatunga nala la'ola'di ka. Ita takatatakak doidoso ka da'dileo hataholi kamahehelek fo Ndia nuun. Ala tapa au leo Pulu Patmo sa neu nanahu au tui-benga Manetualain hala hehelu na, ma hu ka nde au fe sakasii la'eneu Yesus.

NINITAK 18:20

Hai nusa so'dak! Mamahoko-setelee neu kota ndia nakalulutu na! Hai Manetualain hataholi kamahehele nala, hataholi nadedenu kala, nabi-nabi la, mamahoko-setelee leona! Nana Manetualain hukun da'dileo babalak neu hata fo ana tao-no'in neu emi!

NINITAK 22:8

Au, Yohanis, amanene basa ma au ita basa ia la so. Lelek au amanene ma au ita basan, boema au bala u ata nusa so'dak fo manamatu'du basa sila la neu au a, mata na de au sanga sene-do'o kana,