LUKAS 5:29 - Susula Malalaok Hehelu Palak Ma Hehelu Beuk

²⁹ Basa ndia boema, Lewi tao feta nai uman soaneu Yesus. Manasusu bea ba'u ka, ma hataholi fe'e kala la'a sama-sama lon.

LUKAS 5:29 Σταυροειδείς Αναφορές

MATEOS 11:19

Besak ia, Ana Hataholi ka, Ana mai de na'a ma ninu; boema hataholi la lafa'da lae, Mitak Hataholi ndia dei! Maa fula, mana mafuk, mana susu bea la nonoon, ma hataholi masala-masingo kala nonoon. Leomae leondiak boe, Manetualain manatee teno na, nananitak neme buna-boan mai.”

MATEOS 5:46

Nanahu metema emi sue-lai ka'da hataholi mana sue-lai emi soona, sosoak hata Manetualain muse balas emi tatao-nono'im ndia? Ade mana susu bea la boeo, ala ta tao leondiak fa do?

MATEOS 9:10

Lelek fo Yesus bei na'a-ninu nai Mateos uman boema hataholi mana susu bea makadotok ala mai, fo tunga lau nala nafafa'da soona lae, hataholi sila ta malole la fa, tehu la'a lakabubua lo Yesus no ana mana tunga nala.

MATEOS 9:9

Basa boema Yesus la'oela mamanak ndia. Ana la'o-la'o boema nita tou mana susu bea esa, na'de Mateos, nangatuuk nai uma bea dale. Yesus nafa'dan nae, “Mai tunga Au leona!” Boema Mateos fo'a de, neu tunga Yesus.

MARKUS 2:15

Lelek fo Yesus bei na'a-ninu nai Lewi uman te, hataholi manasusu bea makadotok, ma hataholi fo hataholi la lafa'da lae, hataholi ta malole sila fa, la'a sama-sama lo Yesus no ana mana tunga nala. Nanahu hataholi sila la ba'u ka tunga Yesus.

LUKAS 15:1

Faik esa boema manasusu bea makadotok ma hataholi fo lau nala lafa'da lae hataholi ta malole la, ala mai lamanene Yesus nanoli-nafa'dan.

YOHANIS 12:2

Yesus losa naa boema, ala fe Yesus na'a ninu, de Marta nde nakalalau kana. Lasarus no fui nala langatuk la'a-linu sama-sama lo Yesus.

1 KORINTUS 10:27

Metema hataholi kamahehele tak esa, nalo emi fo mi'a-minu, boema emi sipok hala nalolon ndia soona, mi'a-minu hata fo ana sadian soaneu emi ndia. Boso palisak lutu-lutuk nana'a-nininuk sila la leme bee mai, fo ela boso hapu kekena-kaka'ik nai emi dale bobongoanam dale.