LUKAS 23:54 - Susula Malalaok Hehelu Palak Ma Hehelu Beuk

⁵⁴ Faik ndia fai limak, fo fai Saba ta sanga nae mulai ndia so.

LUKAS 23:54 Σταυροειδείς Αναφορές

MATEOS 27:62

Fai Sabat fafai na boema malanga imam ala, ma hataholi Farisi la, sama-sama leu leo Pilatus leu,

MARKUS 15:42

Yusuf neme Arimatea mai te, sanga nae makahatu so. Yusuf ia nde bee na, mana Maketu-mala'di Agama Matua lima ein. Hataholi la fe ha'da-holomata neun. Yusuf ia boeo, bei nahani fai na losa, Manetualain mulai paleta sama leo Mane ka. Faik ndia, fai sadiak. Faik fo fai Saba ta beita losa fa. Hu ndia de no napalanik, Yusuf neu leo Pilatus neu, fo noke Yesus popola na.

LUKAS 23:53

Basa boema neu nakona na Yesus popola na neme ai nggangek lain mai de ana popotin ninik tema fula mamates. Basa ndia boema, neu natoin nai bolo mamates esa, ana kalin nai pupuku batu esa lain. Bolo mamates ndia nanapake beitak.

YOHANIS 19:14

Lelek ndia, sanga li'u sanahulu dua lele'do na, fo fai Matua Paskah beita losa fa, te Pilatus nafa'da hataholi la nae, “Emi mane ma nde ia!”

YOHANIS 19:31

Basa manakoasa Yahudi la ta nau hataholi nanalona-nggangek sila la popola nala belona lahele leme ainggangek lain nai fai Saba ta, nakalenak oek ia, fai Sabat ndia Fai Matua, fo fai hehelik esa. Nana faik fo lelek Yesus nanalona-nggange ka, ana tu'da la'e beita fai Sabat ndia fa. Boema hataholi Yahudi la loke Pilatus, fo ana fes loak soaneu ala helula'di hataholi nanalona-nggange basak sila la ei nala, fo lakona popola nala leme ainggangek lain mai.

YOHANIS 19:42

Nana bolo mamates ndia ana deka, ma fai Saba ta sanga deka so, boema latoi Yesus neme ndia leona.